حتي القصايد في عيونك احتارت

53

اليوم الثاني >>
ملاذ كانت نايمه مع البنات في بيت الجد وهاذي عادتهم
سهى ناضرهم نايمين كلهم وطلعت وشافت عمر وضحكت : كل ماطلعت شفتك
عمر ابتسم : وانا كل ماجلست شفتك جايه
سهى : عمر ماشفت سراج من امس ادوره ولا هو بموجود
عمر : تحصلينه راقدد
وقفو يسولفون ك العاده

تهاني&سهم
سهم صحى وشاف تهاني محطه مقصات ومغسله شعرها وجالسه قدام التسريحه : تهاني وش الي بتسوينه
تهاني ماردت وقصت شعرها
سهم شهق ونط فوق السرير : يمجنونه !!! ليهههههه
تهاني ناضرته وضحكت : والله شكلي حلو كذا
سهم مشي ومسك الشعر الي قصته: الحين ذا مايتلصق تكفين تهاني لااااا كان حلو
تهاني اخذت شعر من قدام وقصت غره
سهم مسك راسه: انتي علامتس اليوم مغير تنتفين في الشوشه ذي ليههه حلوه كانت كنت احب شعرتس
تهاني : والله انه حلو كذا شكله بيرفكت
سهم ناضرها بهدوء: رجع لك ؟
تهاني ناضرته بضيق: مدري احس بضيق وماعاد انام واحس ان فيه احد معاي اذا كنت في البيت لحالي وفيه اشياء تتحرك
سهم انقهر: وانتي كم لك ماقريتي البقره ؟
تهاني توترت: يومين
سهم : تسوذب لك شهر واكثر ، زعل وطلع من البيت معصب ومغبون يالله طلع منهااا وهي تركت التحصين والقراءه ورجع
تهاني مااهتمت وقفت رمت الشعر وكنست الباقي وجلست علي التلفزيون

سلمان استغرب خلف له يومين مو موجود : بهاج وين خليف من امس ماشفته
بهاج: عند ملاذ روح شوفه
سلمان: تكفى كلمها تجيبه
بهاج: زوجتك خطيبتك علي سنه الله ورسوله يعني عايدي روح كلمها انا اختك متوحمه علي اخضر منين اجيب الها
سلمان ضحك ودق الباب

البنات واقفين في المطبخ يسووون الفطور
شوق بقهر: ورب المصحف ي سلمى لو تجيبين حليب المعزاء لذبحتس افوحه في النار ٩ دقايق وشغلته شغله وربي لكبه فوق راسك
سلمى كانت تحرك الفول وجهت الملعقه في وجهه شوق: انكعمي لااافلقك ب الملعقه كيفي مزاجي انا مشتهيته وانتي تسوينه بصمت
ملاك بصراخ بكت : اففففففف اصصص اصصص مااابييي اسمع صوتس انتي وهيي وريحه الحليببب ذييي مااابيييي اشمها كلههه منكمممم حيااااتتتتيي زققق وانتتتم اقرفتونييي وازعجتونييي
البنات سكتو يناضروها بصدمه وكيف انفجرت وانهارت

سلمان وبهاج يدقون الباب
ملاذ سحبت ملاك وطلعو واشرت بعيونها علي ملاك
سلمان وبهاج انصدمو
بهاج خاف : ملااااكييييي وش فيتتسس
ملاك حضنته تبكي: كرهوني فحياتي كل شي يقهر وكل شي ريحته مو حلوه ومااابي اكل شي واحس اني متضايقه بدون سببب ، كلهههه منككك
بهاج بصدمه: وش دخلني
ملاك : كله منك ومن ولدك الخبل ذا ولاكان ماكنت كذا انااا كنت احب كل شي
بهاج اخذها البيت يحاول يهديها
سلمان ضحك ضحك فحياته ماضحك كذا: اهه ياربي نفسيه حوامل
ملاذ زعلت : يعني اذا حملت وعصبت زيها بتضحك ولا تسوي زي بهاج ؟
سلمان بورطه: انا اضحك كذا من باب المرح ولا انتي غيرر
ملاذ ناضرته وابسمت
سلمان استغرب: وش فيتس
ملاذ ابتسمت : شكلك حلو كيف كذا
سلمان ضحك وهز راسه : تراء مراح اسوي عرس اخذتس اليوم وخلصنا
ملاذ خافت : لااا تكفى ابي عرس
سلمان ضحك ؛ للحين انا حلو
ملاذ؛ لا
سلمان وسع عيونه؛ هيه ليه متحجبه
ملاذ دخلت تضحك: مراح تشوف وجهي الي يوم عرسنا علشان تعرف تطقطق علي
سلمان كشر: ليه الضلم ،، وين خلف
ملاذ : بجيبه واجي