ذراري الهجرس

الفصل العاشر

ياصاحب الظل الطويل كن انت بطلي الذي افتخر به

شتان مابين الذي انجبني والذي رباني هل الابوة صفة لا يتوارثها البعض ام انها هبة تمنح للأنسان لا أعلم السر لكني أعلم أن الوالدان هم الذين يربون وليس الذين ينجبون

كبل ماتبدون صوتو للفصل حتى استمر 😔❤️

*********************************

🍁

إيلاف............

: فوتو

طبيت يمه من شافني ابتسم : ها ام حسين راجعه

نزلت راسي بخجل : اي راجعه

أوس : متأكده من هل القرار

: اي اتفقنا ورا فتره نطلع من البيت

أوس : كلش زين بل توفيق الكم

: تسلم

لزمت ايديه وكلت : مجايه علمود موضوعي جاية علمود شهله

أوس : لا تخافين عليها تاكلنا وتشربنا بلسانها

: اوس ادري صايره بلا احترام بس اذا رجعت يم شهرزاد راح تروح من ايدنا

أوس : لا تخافين روحتها يم شهرزاد قطنه تشيلها من راسها

: لعد ليش خليتها تروح اول شي

أوس : جان ببالي شي بس ماصار عمره الاعوج ماينعدل

: شلون بيكم اذا رحت منو يطبخلكم وينظف

أوس : لا تلمحين اني انظف واكبر يطبخ منحتاج لشي

: كبل تضربني على حلكي ليش شكايله

أوس : ابد لاتحاولين ايلاف مايحتاج تكولين شي معلوم الحجي

: اي ابقو هيج بعد اشوف منو تقبل بيكم اذا كبرتو

ضحك : لا تعكسين الادوار

يأست منه وكلت : اروح بعد وماتشوفون جهرتي

أوس : اي بعد اسبوع اشوفج كل الهلا بيج

: صدكني مااجي بعد

أوس : اهلا وسهلا بيج بكل وكت

وكفت متعصبه وركعت الباب وراي حرك دمي رحت للغرفه جان هادي نايم يم مسره فدوه تعبان عفته بمكانه ورحت شلت غراضنا الباقية من خلصت رحت تمددت يمهم

اخذني بحضنه وكال : دكيت على نور كالت حسون يمي

خليت راسي على صدره : هممم خل ننام شويه ونطلع

حضن راسي لصدره ردت تغمض عيني انفتح الباب
وصاح علي الأكبر : ولج ايلاااف الحكييي خطبوني