ကောင်မလေးရဲ့ကောင်လေးက ဓာတ်ပုံ ခုနစ်ပုံ၊ ရှစ်ပုံလောက်ရိုက်ပြီး "ပြီးပြီ"လို့ မပြောခင်ထိ နန်ဟွိုင်လင်က ကင်မရာကို ပြုံးကာကြည့်နေခဲ့သည်။
ကောင်မလေးကတော့ နန်ဟွိုင်လင်ကို တောက်ပတဲ့မျက်ဝန်းတွေဖြင့်ကြည့်နေဆဲဖြစ်သည်။ " ကျမ...ကျမ ရှင့်ကို ခနလေးဖက်ထားလို့ရလား? "
" မရဘူး! " ချစ်သူကောင်လေးနှစ်ယောက်လုံးက အလောကြီးစွာ ပြန်ဖြေလာကြသည်။
ထို့ကြောင့် နန်ဟွိုင်လင် ပြုံးလိုက်မိပြီး လက်ကမ်းပေးလိုက်၏။ " လက်ဆွဲနှုတ်ဆက်လို့ရပါတယ် "
ကောင်မလေးက နန်ဟွိုင်လင်လက်ကို လက်နှစ်ဖက်လုံးဖြင့် အမြန်ကိုင်လာ၏။ " ကျမ ရှင့်ရဲ့ဖန်တစ်ယောက်အဖြစ် အမြဲရှိနေမှာပါ "
" ပျော်ရွှင်ပါစေ " နန်ဟွိုင်လင် သူ့လက်ကို ပြန်ဆွဲယူလိုက်သည်။ " ဘိုင် "
" ဘိုင်! "
နန်ဟွိုင်လင်က မျက်မှန်ပြန်တပ်ကာ ဖေ့ချန်လက်ကို ပြုမူနေကြပုံစံတစ်ခုလိုမျိုး ဆွဲကိုင်လာပြီး လှည့်ထွက်လာခဲ့သည်။
ထို့ကြောင့် ဖေ့ချန်အာရုံတွေ တုန့်ဆိုင်းသွားရသည်။ " မင်းရဲ့ဖန်တွေက မင်းကိုဓာတ်ပုံရိုက်ထားမှာ မစိုးရိမ်ဘူးလား? "
" ဓာတ်ပုံရိုက်ခံရတော့ရော ဘာဖြစ်လဲ? "
" ဓာတ်ပုံတွေ လိုင်းပေါ်ရောက်သွားရင် သတင်းတွေထွက်လာမှာလေ...'ထိတ်လန့်ဖွယ်သတင်း!' လက်ရှိကျော်ကြားနေတဲ့သရုပ်ဆောင် နန်ဟွိုင်လင်နှင့် အမည်မသိလူတစ်ယောက်က ရင်းနှီးပြီးအတွင်းရေးဆန်တဲ့တွေ့ဆုံမှုမျိုး ရှိနေ..သတင်းခိုင်လုံကြောင်း ဓာတ်ပုံတွေနှင့်အတူ ထွက်ပေါ်လာ! "
ဖေ့ချန်စကားတွေကြောင့် သူရယ်လိုက်မိသည်။ " ကျတော် ခင်ဗျားကို အင်တာနက်နဲ့ ဝေးဝေးနေဖို့ ပြောထားတယ်လေ "
ထိုအခါ ဖေ့ချန်က သူ့နားကပ်လာပြီး အနမ်းပေးလာခဲ့သည်။ " မိန်းမ..မင်းက သိပ်ကောင်းတာပဲ "
တစ်ချိန်တည်းမှာပဲ သူတို့နောက်က မိန်းကလေးရဲ့ စိတ်လှုပ်ရှားသွားတဲ့ အသံဆာဆာလေးက ထွက်ပေါ်လာတော့သည်။
YOU ARE READING
ကျတော့်ရဲ့ နဂါးကောင်လေး(MM trans)
Romanceကျတော့ရဲ့ gongက အမြီးအကြီးကြီးနဲ့ နဂါးကြီး
Chapter 59
Start from the beginning
