حقيقة مظلمة🖤(روايات ليبية)

#16🤍

صحهه فطوركم⁦❤️⁩
.
﴿ وماتوفيقي إلا بالله عليه توكلت واليه أنيب ﴾⁦❤️⁩
﴿ ألا بذكر الله تطمئن القلوب ﴾⁦❤️⁩
.
.
#حقيقة_مظلمة
بقلم خديجة رمضان (دوجي رمضان)⁦❤️⁩
الحلقة السادسة عشر (16)⁦❤️⁩
.
.
في المستشفى 🖤

مقعمزة زينة ع الكرسي ومنهارة بالبكي 💔 ، واحمد جنبها وماسك يدها يحاول يهداها شوية!
أحمد ... اهدي زينة بأذن الله مارح يصيرلها شي
زينة ... كله مني أني ، انا السبب خليتها بروحها في وقت هيا محتاجتني فيه أنا ماسمعتهاش لما جت تشكيلي اخر مرة انا يلي وصلتها لهالحالة 😭😭💔
أحمد ضغط ع يدها وهوا متألم معاش عرف كيف يطمنها أو يخليها تهدئ💔 ، وهيا بحركة عفوية منها حطت رأسها ع كتفه🤍 وهوا تشجع وحضنها 🤍

3> ...... 3> ...... 3> ...... 3>

حسن رجع للحوش فتح الباب وخش ، لقي الحوش هدوء خش يمشي لين وصل للصالة نصدم لما شاف كمية الدم الكبيرة والطاولة المكسرة قلبه نغزه ومشي يجري بيركب من الدروج لقي الدم قطرات بادي من فوق ركب يجري وهوا ينادي ... زينةةة ريممم وينكممم ، زينةةة (فتح غرفة زينة مالقي حد ، وفتح غرفة ريم مالقي حد نزل يجري من جديد طلع تلفونه من جيبه واتصل ع زينة ماردتش قعد يعاود لين ردت ... وينك زينة ليا ساعة نتصل بيك شن في شن صاير في الحوش؟
زينة ضحكت بهزوة ... أنت باهي لسمعنا صوتك
حسن ... زينة تكلمي شن فيي؟
زينة بصوت باكي ... تعال للمستشفى *** تو تعرف باي .وفصلت الخط؛
حسن بخوف نزل التلفون وطلع ركب في السيارة 💔

👑🔥 . . .  . . . رِوآياّت . . .  . . . 🔥👑
👑🔥 . . .  . . . خديجة رَمضَان . . .  . . . 🔥👑

وصل حسن للمستشفى ونزل لقي أحمد حاضن زينة وهيا تعيط بقوة عياطها مالي المستشفى ، قعد واقف جامد في مكانه والدموع تجمدو في عيونه قرب منهم وهوا يقول بصوت هادئ ... شن في؟
زينة شافاته ناضت تجري تضرب فيه وتعيط ... كله منككم انتممم كلهه منكممم حسبي الله ونعم الوكيل فيكممم حسبي الله ونعم الوكيل ياواطيين ياعيلة الكلاب
حسن ضربها كف ... سكرررييي فمككك شن فييي؟
أحمد قرب دفه ... يدك لو سمحت
حسن شبحله بهزوة ... والله ، أنت عارف أنها اختي يا**** ولا كيف
أحمد ... حتى لو اختك مش من حقك تضربها
حسن كيف قرب بيضربه ، طلع الدكتور وقربت منه زينة ... شن صار يادكتور؟
الدكتور ... ان لله وإنا اليه راجعون 💔 المريضة عطتكم عمرها 💔 عظم الله أجركم والله يرحمها , عن اذنكم؛
زينة طاحت بصدمة ودموعها ينزلوا ورا بعض 💔
حسن حس برجليه معاش قايمينه قعمز ع الكرسي وهوا يقول ... ريم وين؟
زينة شبحت لِ حسن وضحكت ودموعها ينزلوا ... قعدة ، هيا الداخل اصلا الدكتور يكدب غير يخوف فينا بس ، ماتخافش ريم قوية ومش رح يصيرلها شي ريم قوية اي وهلبا ، ريم ق ققوية ااااااااااه😭😭😭(ونهارت بالبكي ) ياوخيتيييي حراااام عليككك علاش هكي درتي فينااااا علاااش💔💔💔😭 (قرب منها أحمد حضنها وقعد يبكي معاها💔)
أما حسن دموعه ينزلوا ورا بعضهم وحس بقلبه تقطع لطروف صغيره💔💔كل مايحاول يرجع اقوى من قبل يصير شي يهده💔💔