الديره
تحديدًا بيت ابو تركي
جميله: يايبه رمضان بعد شهر وشوله العجله
ابوتركي: ياجميله الواحد مايضمن عمره ولا يدري وش يصير له
جميله : الله يطول بعمرك ولايخلينا منك بس بدري
مزنه : اذا تبي تعطي الحين اول ناس ام مالك لانهم محتاجين بالحيل
ابوتركي : ام مالك اللي رجلها مات بحادث ؟
ام تركي : اي اللي بنهاية الحاره
ابوتركي : خلاص الحين اوصي العيال عليهم , الا فهد متى جاي ؟
جميله : كلمته قبل ساعه وقال انه متوجه
ابوتركي بعصبيه : انا مدري متى يفهم هالولد ويستقر هنا ماتعب وهو يمتر الطرقان كل يوم
مزنه : لاتضغط عليه خله على راحته رجل كبير وعقله براسه
ابوتركي : لا بالله ان جيته هذي مايطلع من عندي الا وهو رايح يجيب اهله اللي بالشرقيه ويجي حتى هم لهم حق يعيشون عند مثل احفادي الثانين
_____
الشرقيه
تحديدًا بيت فهد
فهد جالس يلم اغراضه وانهار تحن فوق راسه عشان مايروح
جت افنان من الجامعه على طول لغرفة امها وابوها
افنان :سلام علي... طيرت عيونها على شنطة ابوها وانصدمت انه يجهز اغراضه بحكم انه تو جاي
واردفت : بابا ليش ليكون بترجع لديره ؟
فهد : اول شيء عليك السلام ثاني شيء اي والله برجع
افنان : ليش طيب قبل يومين جاي منها !
فهد : والله غصب عني عندي شغل
افنان : يالله ماجلسنا معك , على العموم توصل بالسلامة
فهد ناظر الفرق اللي بين افنان وانهار ونطق بضحكه : الله يسلمك ,شوفي الفرق بينك وبين اختك اللي صار لها ساعه تحن فوق راسي
رفعت عينها على انهار اللي شوي وتصيح من القهر وضحكت بصوت عالي على جية سهم : ياسلام وش الضحك والبال الرايق ؟
افنان : بابا للان يطلع الفروقات بيني وبين انهار
سهم : يييوووه يايبه بتتعب افنان مامنها اثنين
اردفت بقهر انهار : اثنينكم نفس الطينه سبحان الله وبعدين هذا حقي يابابا اني مابيك تروح تقول اني احن ماعليه استاهل لو ساكته احسن لي
طلعت وهي معصبه ومنقهره على روحت ابوها وضحكهم اما سهم تو يستوعب ان ابوه يجهز شنطة سفر : على ويين يالغالي ماطولت الجلسه ولا منحشتك جُمانه
فهد : استح استح اللي يشوفك يقول ماهي امك جُمانه
جت جُمانه وخمها سهم على طول : الا والله انها امي وصديقتي ومقابلها اربع وعشريين ساعه ياعزتي للي مايقدرونن
ضحكت افنان بصوت عالي ومن ضحكتها ماقدرت جُمانه تخفي ضحكتها وطلعت الضحكه المكتومه واردف فهد بقهر : لا ياشيخ ترا اقدر اخذها واخليكم هنا لحالكم
سهم : لا سلاماات عاد نمزح مستعد ازوجك وحده ثالثه بس جُمانتي ماتاخذها , طيرت عيونها جُمانه : انت اللي سلامات تزوجه اروح معه ولا تزوجه
سهم : بعتيني يالغاليه بس عشان ماتزوجينه والله طلعت مو هيين يافهد
افنان : جايب راسها تدوخ عنده
فهد بضحكه : ضف وجهك انت وياها خلوها تجهز اغراضها
افنان : تجهز أغراضها وين والله انهار غير تموت علينا لو راحت ماما
شهق فهد وكانه تذكر شيء جُمانه :شفيك
فهد : انهار نسيتها والله غير تزعل
تكلمت افنان وهي طالع : انا رايحه لها
أنت تقرأ
" جيتي وكل الاماكن قرّت عيونها "
General Fictionبعد استقرار دام اكثر من 30 سنه قرر يلبي طلب ابوه ويجيب عياله وزوجته لديره ومن هنا تبدا الحكايه ...
