يلوموني واحسك تكبر بروحي
البارت العاشر
‹‹ انتقام مارينا ››
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مارينا
فتحت التلفون لگيت رساله من رقم غريب على الواتساب‚ فتحت الرساله جانت عبارة فقط .
ـ عيناكِ بحر تاهت بهِ سُفني انا الذي لايهزني برق ولارعد‚ أعين جميله تهزم ثباتي ؟
مارينا :عقدت حاجبي بإستغراب كتبت
" منو ؟
ـ معجب وعاشگ .
مارينا :باوعت للرساله قريتها ‚بدون مااجاوب ضربته بلوك ‚ورا نص ساعه وصلت رساله
ـ شبيچ ماتتفاهمين ؟ يابه منين ماتحضرين اجيج .
مارينا :يابه منو؟ و شرايد ؟
ـ رايدج .
مارينا :الله وياك .
ضربته بلوك مرت دقائق اتصل التلفون سحبته بدون مااشوف منو صحت
وتالييييييي شرايد ؟
صار هدوء ماكو جواب رجعت احجي
"سوالف الحبچيات‚ وسوالف الزعاطيط بطلوها.
سمعت صوت طگة الظاهر صوت الجداحه ‚حچه بهدوء
ـ ماجانت النيه حب بس عيونج خذت گلبي وعلي ‚ شجابچ عليه ؟
مارينا :يابه شعندك وي عيوني ؟ ياحب هذا ؟
ـ حتى وانتي عصبيه تنحبين .
مارينا :استغفر الله ربي‚ شرايد ؟
ـ گتلج رايدچ .
مارينا :ليث سوالفك المعفنه بطلها ‚ لا والخلقك اسحلك سحله اخليك تتندم .
فززني صوت صياحه ‚وهنا تأكدت هذا مو ليث
ـ منو ليثثثثثث؟ شجاي تحجين ؟
مارينا :منو حضرتك اختصررر؟
ـ موو مهم‚ بالايام التجي تعرفين اكو واحد حابچ أكثر من روحه .
مارينا : شكراً حبك ربك .
سمعت صوت ضحكته حچه بهدوء
ـ نفس اخوچ بالضبط .
مارينا : عفواً يا اخو؟ و منين تعرفهم ؟
ـ تصبحين على خير يالخير كله .
مارينا :سديت التلفون بوجهه ‚اخذت الحاسبه اريده اعرفه منو هذا ‚بقيت بحدود الساعتين احاول ومگدرت اعرفه منو ‚الظاهر كسر الخط ‚سديت الحاسبه بملل ‚گمت غيرت ملابسي بديت اسوي رياضه كملت‚ دخلت اسبح طلعت لابسه الروب اخذت عطر خليت على النبض ورگبتي ‚سحبت گلادتي لبستها ‚ طلعت ملابسي لبستهم.
أنت تقرأ
انتقام مارينا
General Fictionبين الغموض والشعور بتحقيق الانتقام هنا تسكن امرأة وقفت تتحدى ماضيها المظلم لتنهض كرمز للقوة ‚تحمل رحلتها بين طياتها الاسرار والغموض ‚تلتقي برجل يحمل بين طياته غموضاً قد يغير مصيرها ‚هل سيكون نورها بعد ذلك الظلام ؟ ام سيبقى لغزاً محفوراً في ذاكرتها ؟...
