ذراري الهجرس

الفصل الثامن

اخفيت سري بين جدران محترقة
أمالٌ وأحلامٌ و طموحات
دفنت تحت ركام النار
كم رغبت لو دفنت معها
لكن شاء القدر أن أرى النور كيف غدى رمادا

طوفان ✨🍁
رغم الدعم القليل لكن نضل نستمر بل كتابة حباً لهذه الهواية ❤️

*********************************

🍁

صدى صوتي يرن في الغرفة خلايا عقلي التي كنت احتفظ بها توقفت عن العمل رعب سرى بداخلي على ما جرى في إلايام الخوالي أتذكر ألمي أتذكر أصوات الذين لا يذهبون من مسامعي أتذكر صوتها وهي تستنجد أحدا

كان هو الوحيد الذي اتذكره في كل تخيلاتي صدى صوتها وهي تناديه بكل جوارحها هو الذي يوقظني

: هياتني هنا كتلج مااعوفج بنتي انتي روحي انتي ثمره حبنا طيره الجنة لاتخافين

حضنته الوذ من مخاوفي : انت ماتعوفني انت بابا ماتعوفني مثل ما عفتها

: ماعوفج بنيتي انتي شلون اعوفج

هزيت راسي بقوه لحظات هادئة لكن صداع قوي فززني من مكاني : راسي راح يطك انطيني شي مهدئ اريد انام

: نامي هيجي

صرت اتلوه من وجع راسي لحد هسه مجان مأثر بيه هسه من الخوف بس اريد اخذه وارتاح

: اكرهك

: اش نامي

: انت واحد قاتل كتلت امي

: كافي بنيتي نامي خلي راسج يرتاح

: ماريدك

: اطلع

لزمت ايده بسرعه : لا لا والله سكتت

: نامي يا حبيبتي ارتاحي شويه

درت وجهي لطرف الثاني احاول انام رجعت كلت : ماكدر انام

تنهد : شسويلج

سكتت خله ايده على راسي : نامي اني هنا مااطلع

: تضل هنا

: وعد اضل هنا نامي

: اخاف وحدي

: وداعه امج ضال هنا نامي لا تخافين باباتي

اخذتني نومه نفس الكابوس ونفس المنظر يتكرر عليه فزيت مخروعه لازمه راسي

: طلعووو من راسيي كافييييي

حضني واحد : طيرتي هياتني هنا حبيبتي لا تخافين

سكنت ورا ماسمعت صوته لحظات وكلت : خنكتني وخر

شفع : شبيج ليش هيج فزيتي هيجي

: يعني ماتعرف نفس الشي

شفع : اخذج لدكتور نفسي

ضحكت : خل اخلص من الأمراض الي بيه بعدها اروح اتعالج من خبالي