﴿ وماتوفيقي إلا بالله عليه توكلت واليه أنيب ﴾❤️
﴿ ألا بذكر الله تطمئن القلوب ﴾❤️
.
.
#حقيقة_مظلمة
بقلم خديجة رمضان (دوجي رمضان)❤️
الحلقة الرابعة عشر (14)❤️
.
.
غسان ... أنتِ شنو اديري هني؟
غصون رفعة حاجبها ... وإنت شن دخلك؟
مازن يشوفلهم وخلاص!
غسان ابتسم بتهكم ... شن دخلي؟
غصون تشوفله بتحدي وساكتة؛
غسان هز رأسه وقال ... تمام (وشبح لِ مازن) أنت نوض الحقني .ومشي طلع؛
غصون ناضت وقفت وهيا حاسة بروحها مضايقة ... عن اذنك
مازن قعد يتبع فيها بعيونه لين طلعت وبعدين قال ... زعما متعاركين؟ (وبعدين خبط رأسه وقال ... وأنا شن دخلي فيهم خل نفكر في المصيبه يلي طحت فيها توا شنو بنقوله ع الشقة؟ (وناض طلع).
~~~~~~~~~~~~~~~~~~
زينة ... حسن شنو في احكي؟
حسن ... نقعد ساكت احسن واحسنن هلبااا .وطلع؛
ريم رجعت ركبت بسرعة وسكرت عليها غرفتها وهيا تبكي قربت فتحت الدرج وطلعت طرف حديدة وقعدت تجرح في يديها من فوق للوطة ودموعها ينزلوا زي نزول الدم من يديها💔 ، واضح أنه بداية مرض نفسي💔
زينة طلعت ورا خوها وهيا تشوفله بحسرة💔
حسن ركب سيارته وشغلها وطلع وهوا مضايق؛
زينة كيف لفت بتخش طلع أحمد من البيت وشبحها!
احمد ابتسملها وقرب ... السلام عليكم
زينة تشوفله بصدمة ردت بتوتر ... وعليكم السلام
أحمد ... كيف حالك
زينة ابتسمت بتوتر نص ابتسامة ... كويسة
أحمد ... أنا اسمي أحمد نسكن في البيت يلي مقابلكم جاركم الجديد يعني
زينة ... اهلا وسهلا بيك
احمد ابتسملها ... لو احتجتي اي شي أنا موجود
زينة تشوفله بأستغراب ... شكرآ
أحمد قعد واقف يشوفلها وخلاص؛
زينة توترت من نظراته ... عن اذنك .وسكرت الباب في وجه؛
أحمد فاق بصدمة وضحك وقال في خاطره (محلاها🤍 ومشي وهوا يبتسم؛
👑🔥 . . . . . . رِوآياّت . . . . . . 🔥👑
👑🔥 . . . . . . خديجة رَمضَان . . . . . . 🔥👑
وفات اليوم ع خير🤍
حسن معاش روح للحوش ابداً بات في السيارة قدام البحر!
زينة قعدت كل ماتطلع برا تتلاقى مع أحمد يلي من أول ماشافاته خدالها عقلها؛
وريم يلي جرحت روحها ورقدت وهيا بدموعها؛💔
وغصون يلي خلت غسان مضايق وهلبااا من تصرفاتها يلي ماليهاش معنى💔
.
.
صباح يوم جديد🌤️🌤️
غسان يلبس في سبيدروه ويكلم في مازن ... الشقة معاااش نشوفك فيهاا فاهم سلم المفاتيح لي الراجل وتعالى للشركة
مازن ياكل في التفاحة بملل!؛
غسان ناض وقف ع حيله وشبحله ... وغصون لو سألتك اي سؤال عليا دير روحك اطرش اعمى ماتعرف شي
مازن قلب عيونه بملل ... ورأس أمك ياسر من المحاظرات المملة هادي
جرس الشقة يرن🔔
غسان شبح لـِ مازن برفعة حاجب ... من جايك؟
مازن رفع كتافه ونزلهم ... حد
غسان قرب من الباب وفتحه وقعد يشوف للمراة يلي قدام الباب بأستغراب!؟
حور تشوفله بلهفه وشوق سنين دمعوا عيونها وهيا تتفحص فيه بحب واضح 💔
غسان يشوفلها ويستنى فيها تتكلم بس لما ماتكلمتش سبقها وقال ... تفضلي
حور نزلت دمعة من عيونها وهوا لما شافها حس بنخصة في قلبه 💔من غير مايعرف السبب
، ابتسمت بألم وقالت ... أنا اسمي حور جارتكم الجديدة في السكن من ليبيا لما سمعت أنه في ناس من ليبيا هني قلت نتعرف عليهم بما اني وحدانية
غسان ابتسم نص ابتسامة وبعد عن الباب ... اهلا وسهلا بيك تفضلي
حور مدتله صحن الكيك يلي في يدها ... لا ياوليدي مرة تانية
غسان خدي الصحن منها وهوا يقول ... مشكورة ليش متعبة روحك
حور ... تعبكم راحة ولو احني جيران توا ، عرفني عليك؟
غسان ابتسم ... اسمي غسان
حور ابتسمت وعيونها رجعو غرقو بدموع بس هالمرة فاضو ومعاش قدرت تسيطر عليهم!💔
غسان نصدم ... ياخالة إنتي كويسة
حور مسحت دموعها بسرعة وابتسمت بألم ... اها كويسة كويسة ياولدي بس ذكرتني بولدي الله يرحمه في شبه منك هلبا اسفة ع الأزعاج والنكد سامحني
غسان تعاطف معاها ... الله يسامحك علاش ازعاج والله يرحمه ابنك
حور ... تسلم يارب ، خلاص توا نخليك ومحتاج اي شي مايردك إلا لسانك ياولدي
غسان هز برأسه وقال ... مشكورة
حور ابتسمت ... العفو ولو مع السلامة (ومشت وهيا حاسة بروحها فرحانه لأنه واضح أنه غسان متعاطف معاها ومضايقش منها).
غسان خش وحط الصحن في المطبخ؛
مازن ... من منو هادا؟
غسان رجع طلع وهوا ... جارتنا الجديدة
مازن استغرب وخش للمطبخ نحى الغطاء من ع الصحن ... اخخ منظرها يسهف
غسان ينادي من المدخل ... هييا خف روحك الراجل يستنى
مازن غطى الكيكة ونفخ بملل؛
أنت تقرأ
حقيقة مظلمة🖤(روايات ليبية)
Randomرواية جديدة جميلهه هلباا اقروها وادعموني ، خامس روايةة ليا🤎. لا أسمح بسرقة احداث رواياتي ولا اسمائهم!.🚫.
