من كفري الى دينكي...

بارت 4

من کفری الی دینکی...

بارت4

عمران- سيلين خانوووممم

من سمعت صوتة حسيت برجفة بكل جسمي

سيلين- سيلين انشالله اتموت بحق ام البنين و ترتاحون منهة!
خفت اصيح حيل و يجي ياخذ روحي ضليت بهدوة احجي و اغلط علية

عمران- الملكة سيليننن، انطمرتي ؟
سمعت صوت الباب ايطگ بي

عمران-يا حبيبي نمت؟ ترا بعد اكو وکت اگعدي حطيت اغنية خل نرگص
من حچيه واضح بعدهو سكران

- محجبه زين؟ اريد ادخل ياالله!
عضيت شفتي و حجابي شديتة زين و حطيت راسي حدر البطانية مثلا نايمة، ضليت اقراء ايات حدر الساني
اجة صوت الباب ما ينفتح

عمران- ها سيلين خانووم قافلة الباب اتخافين يجي البعبع ياكلج؟ تعاي افتحي الباب ترا مالي خلك عندي شغل وياچ، قبل لا اكصرة تعاي!

لزمت السكوت و ضليت محتاره ويا روحي
بعدني جاعدة افكر ويا نفسي و اجة صوت كسرت الباب
اظن هاي خامس مرة يكصر الباب و ايفوت داخل غرفتي هيچي
لزمت البطانية حيل و ضليت اتنفس بهدؤ حتة لا ايشك
سمعت صوت اقدامة تتجة صوبي

عمران- ولچ ابوكت تدرين اني الا اريد ادخل حته لو اتحطين الف طابوگه اكصرهن و ادخل بعد ليش اتعبين نفسچ و تقفلين الباب يا مرتي الغالية؟

من وراء البطانيه حط ايدة علة خصري

عمران- گوم حبيبي بناچ اتسوين روحچ نايمه ينكسر گلبي عليچ؟ لا ماكو هيچ شي احنه الليلة اتفقنة ترا؟
حبست نفسي و ضليت ساكتة احاول اقنع نفسي مثل كل مراء يتعب و ايروح
سمعت صوت دفرت الكرسي

عمران- دمرتو كل عيشتي انتوم بيت حجي رضا! فوگ ضمي انتو صرتو ضيمين، بيتي اني مرتي ضامة روحها مني؟ ولله وسفة شوفي سيلين بعد مرة وحدة بس مرة وحدة قفلي الباب و شوفي اشلون اخليچ اتندمين اخليچ يوم بطولا اترگصيلي!

رجع حط ايدة علة خصري و من فوگ البطانية گرصني بس حسيت روحي شاغت ادموعي ضلن اينزلن او ضليت اندعي بگلبي علية، انشاللة ايدك تنكسر بحق الحسين

عمران- هاي نايمة لو ميتة؟ حته نفس ما تتنفسين بس لا ميتة و ماادري بيچ؟

رجع مره ثانيه گرصني لو بيدي اگوم اگطع شعرا اتگطع الكلب! بس ضليت لازمة السكوت اريد اشوف يمتة يتعب

عمران- اتنفسي ترا راح اتموتين!

عمران- يطبچ الف مرض لا تتنفسين موتي شعلية بيچ ، اني رايح للبلكونة اشرب جيگاير
بس راح شلت راسي و ضليت ادردم

سيلين- معقولة عفت كل البيت اجيت لزگت بلوكنت غرفتي؟ الهي اطيني صبر ايوب راح اكذ جلطة من ورا
سحبت بلوزتي حته اشوف خصري، شلون صاير احمر من گرصاتة