حتي القصايد في عيونك احتارت

27

قد قلمي لايوصل مشاعر ابطالي ...
لاكنه يوصل احداثهم ،،

سطام دخل يركض : يمهههه يمهههه جده خالتييي وينكم تجمعو تجمعو
طلعت ام طلق ووجها متنفخ من كثر البكاء : بشرر
سطام ضحك وبفرحه الكل ملاحضها: طلققق صحىى يعني يوم بالكثير ويقوم ويطلعونه بعد اربعه ثلاثه ايام بس تخطي مرحله الخطر
ام طلق ضحك وبدموع : الحمدالله يارببب الحمدالله
سطام : طريقققق بطلع شقتيي
ضحك بهاج : مسرع يالاخو اجلس معنا
نواف دخل هو احمد بستغراب: وش فيه
سطام بصراخ: اخووووويييي بخيرررر
شوق دخلت وطلعت برشاش
كلهم ناضروها بصدمه
سلمان : بسم الله الرحمان الرحيم
بهاج : نحتاج ارواحنا يبنت
نواف ضحك وعرف ان شوق رجعت لطبيعتها : استهدي بالله
البنات طلعو لابسين عبايتهم بيشوفون شوق
شوق : وش عرفكم انتم انا اخته الوحيده يعني عن ١٠ حريم ورجال 
سطام نزل وانصدم من شوق : يبنت وش تسوين
شوق طلعت وسط الديره ولحقوها كلهم يضحكون عليها
نواف ضحك : مافيه رصاص
شوق ناضرته : اذا انت ماتعرف انا اعرف ، اطلقت في الجو رصاصه ونزلت السلاح بصدمه وناضرتهم ، انا اطلقت ؟
ملاذ ضحكت بصوت: شوق عطيني ياها تكفين
شوق عطت السلاح نواف : يالله مو توك تنتقد اطلق
نواف اطلق ٣ رصاصات : شفتي كيف
طلعو اهل الديره كلهم
سلمان ناضرهم : يالله بنات ادخلو
ملاذ بهمس: قاتل المتعه
ملاك : قاتل المتعه تعالي بس
سطام: شوق تعالي
شوق : هاه
سطام: قولي لغرامي تنزل بعبايتها انتضرها
شوق وسعت عيونها : عشنا وشفنا غراميي
سطام بهيام: افففف يحلوها ياشوق
شوق ناضرته: ياقليل الادب عيب
سطام حك رقبته : للان العيب ماجيناه روحي ناديها
شوق انصرفت وهي تلعن نفسها ودخلت عند الحريم : سلمى
سلمى من عرفت ان طلق بخير تغريت نفسيتها: عيوني
شوق : تسلم عيونك بس قولي للكل ينتبه لي
سلمى وقفت وبصوت عالي: لو سمحتو خالتي الخمسينات وعجوزنا الحلوه
الجده حذفت سلمى ب الفاين : ولعنه
سلمى : اححح المهم كلكم انتبهو هنا
شوق بخبث : اسمعوووو غرام انتبهي
التفتو كلهم لشوق : قوليي
شوق : سطااامممم يقوللل غرااامييي البسي عبايتك وانزلي
سلمى شهقت : غرامييي اجل
شوق : اكملك يوم قلت كذا ، حطت يدها علي وجهاا وقلدت سطام ، افففف ياحلوهاااا يشوووققق منجد طيحتني في غرامها
غرام وجهاا صار احمر وحذفت شوق ب المخده : حيواانه !!
كلهم ضحكو علي اشكالهم
وقفت غرام تلبس عبايتها
شيم ضحكت : بتروحين له يقولك غراميي!! يحضكك
ام بهاج قرصت شيم
شيم نطت : اححح يمههه يعوررر
غرام ضحكت : تستاهلين ، وناضرت البنات ومشت ، يالله بروح لسطامي
البنات صرخو : الللههههههه
غرام طلعت وشافت سطام واكيد سمعها ولفت بتدخل
سطام مسكها : سطاميي اجل تعالي بس بنروح نتمشي في الديره يعيون سطامي ، تكفين لاعاد تدلعيني وش سطامي !!
غرام ضحكت : مدري يضحك الاسم

سلمان كان واقف وسط الديره يسلم علي الرايح والجاي وانتبه ل ابواديم وكان يسلم عليهم كلهم بدون عقل او انتباه
تقدم ابوديم : تتذكرني ياولدي
سلمان تذكرها : وكيف انساك ياعم كيف !!! تبيني انساك
ابوديم دمعت عيونه
سلمان اشر لهم يصرفون اهل الذيره واخذ ابو ديم المجلس
ابوديم : بنتي من ماتت ياسلمان وهي موصيتني اعطيك ولدها
سلمان صد يمسح دموعه الي ماقدر يمسكها : مانسيتها ياعم ولانسيت خلف
ابوديم :كيف سطيت تركني وتروح !؟
سلمان : ياعم مابيدي حيله والله وان شايف الجماهير الي براء فرقبتي ديره ياعمم وبنتك كانت زي اختييي بس لما ماتت فقدت اختت والله الشاهد ( قصه بنت حايل )

قبل اربعه سنين
سلمان عمره ٢٤ سنه راح يدير شركته في حايل
ابوديم كان يشتغل في الشركه وكل يوم يجي مبهذل ووجهه شاحب
سلمان لاحضه : وش فيك ياعم ؟
ابوديم تردد يقول قصته بس ماله حل الي الرجال الي قدامه :
ياولدي انا عايش مع بنتي وانا رجال مقدر قبيلتي كلها معاديني يبوني ازوج بنتي ولد شيخ القبيله واذا مازوجته بياخذونها غضب عني واجلس كل يوم بسلاحي قدام باب بيتي احرس بنتي ولدها رضيع من زوجها المتوفي وبنتي مريضه قلب ماتقدر علي هاذا الهم كله
سلمان فهم وضعه : تعال دياري ياعم والله انك فحماي
ابوديم : مقدر حاولت اطلع اكثر من مره ولا سمحو لي
سلمان ناضره : اخطبها ياعم ؟ توافق بسس
ابوديم بفرح : بس ايش
سلمان : اعتبرها اختي لااكثر ولااعقل والزواج يعرفون عنه اهل ديرتك وانا لاغير
ابوديم ماينكر انه انقهر بس اشواء من الي بيصير لبنته ووافق وخطبها سلمان وكان يصد عنها وماينكر انها جميله جمال يفتنن ويجذب بس كان يصد عنها ويحاول يبعد قد مايقدر وكانت تسولف وتضحك وهو يستجيب معها ويحب سوالفها اكثر شي
الين ماجاء يوم وجتها جلطه في القلب وتوفت وسلمان ماتخطها وترك ابوها وولدها الي كان معتبره ولده لدرجه يناديه بابا تركهم لئن كل شي يذكره فيها

نرجع للواقع >>
سلمان : وين خلف ياعم
ابوديم : في سيارتي وعمره حالياً ٤ سنين ودايم يسأل عنك ويناديك
سلمان صد للمره الثانيه ومسح دموعه
دخل بهاج وشاف سلمان وعرف انه تذكر بنت حايل وسكتت
سلمان : تكفى يعم عيش هنا وخل خلف يعيش معاي
ابوديم؛ ماانساء سواتك يسلمان تبيض الوجهه ووقفتك معاي يومها تبشر ب الي تبيه
سلمان باس راسه : تسلم ياعم
ابوديم : بروح اجيب خلف واجي
سلمان: وانا بجهز لكم البيت الي جنبنا هو جاهز بس اجيب مفاتيحه
بهاج استغرب من سلمان يسولف ويضحك عكس هيبته وثقله معاهم

ملاذ بقهر جالسه
ملاك : وش فيتس ؟
ملاذ : ماتشوفين اخوتس ؟
ملاك: طيب عاذي وش فيه
ملاذ بقهر: تتذكرين يوم كنا نتواصل كان يرسل بيت شعر كل يوم وله حوالي ٦ شهور حتي لا لمح ضلي يصد ليه يعلقني به ويصد !!
ملاك : روحي اسئليه
ملاذ: ولعنه يا ملاك
ملاك : جد وش تبيني اسوي

تهاني جالسه بهدوء ك العاده تناضرهم وتتمتم بكلامات غريبه وقفت وطلعت تمشي براء البيت ولبست عبايتها وطرحتها
سهم كان واقف واستغرب من تهاني وكيف تمشي كانها تطير تمشي مسافتين بدقيقه
سهم لحقها هو ونواف برعب من الي يشوفونه
نواف: سهممم دخلت البيت المهجور حق صالح الساحر
سهم ركض بجنون للبيت

( بنوتاتي تراء سهرت علشان اكتب لكم هاذا البارت ابي دعم عليه وارائكمم مهمه ك العاده ،، عرفتو قصه بنت حايل؟ تتوقعون سلمان تخطي؟ وهل بيتخطئ؟ تهاني ليه راحت للبيت وشمعنا ؟ لو ترجعون تركزون في بارت 26 بتلاحضون كلام ملاذ عن تهاني واربطو الاحداث
وقراءه ممتعه حبايبي 🫶🏻🫶🏻🤎