ذراري الهجرس

الفصل السابع

ربيت على القيم ربيت على الخير والكرم
فلا انا التي تجيد الخداع ولا التي ترجو للناس سوء
فلا تقس بقيمك تصرفاتي فنحن من معتقدات مختلفة

زينب أنمار 🍁

*********************************

مع العلم التفاعل مايشجع انشر بس الشغلة احبها علمود هيجي انشر

🍁

إيلاف.......

وكفت متخبله توصل بيها الحال لهيج

ركضت على غرفتها ادك الباب بيديه من شفته مقفول

صحت بيها : فتحي الباب شهله بنت *** خلي اربيج

كمت ادك واصيح ماطلعلها صوت انهد حيلي من الصدمات الي جاي اسمعها وكعدت كدام الباب

ضليت بمكاني مااتحرك لمن نزل الاكبر من فوك ز شافني كاعده اجه عليه قلقان : شبيج ايلاف خوما اكو شي

أشرت على غرفة شهله ساعدني اكوم و كال : عوفج منها هسه يصعد ضغطج ماتستاهل

اخذني يم أوس وكعدني على التخم من دوختي تمددت راسا

الأكبر : تنامين

: اي اريد شوي يصفه فكري

راح جاب غطه من جوه غطاني زين حسيت فجأة عظامي تصطك ببعضها من القهر

: شسوي شكول ابوي ماعرف يربيها شنو جان ناقصها تسوي هيج ابوك بس جان حاد سنونه على الأكبر اما هاي فلتها من ايده

رجعت صحت : والله العظيم يا شهله اذا شفتج اكطعج بس طلعي شوفي شسوي بيج

حجه أوس : ايلاف هسه الضغط والسكر حارو شيسون بيج

خزرته ضحك : كومي يابه محلوله هاي هيه حدها باب البيت اكسر رجلها اذا طلعت منه

ضحكت ويا : يابروده اعصابك خبلتني ولك

اوس : يحتاج هذا الشي ويا عائلة مثل عائلتنا اذا عصبت على كل شي مااضمنلج مااكتل واحد بيهم

: هو اني لو اكتل هذيج لو اكتل اختك اخلص منهم

اكبر : خوش انكتلت ابد لا تاكلين هم

ايلاف : مو حل أكبر الكتل بعمره مجان حل لهاي المشاكل خاصه اذا جانت وسطها شهرزاد

سكت علي الأكبر اني هم ماحجيت شي سمعنا صوت مسره تبجي ضحك وكال : بنتج تلكي الوكت الحاسم حتى تبجي

راح فوك يجيبها واني ماكمت اصلا التعب وصل بيه مواصيل حتى ايدي مااريد ارفعها

نزل يلعب وياها : حبيبة خالها ليش تبجي انعل هادي وايلاف الي يبجوج نذبهم بزبل منريدهم مو خالو موو

كام يذبها فوك وهي مكيفه تضحك هزيت ايدي يأسه ماانطاها الي ضل يلعب وياها ويفتر بيها

وكف أوس فوك راسي : كومي ايلاف هادي يريدج عليج