حتي القصايد في عيونك احتارت

20

بيت ابو طلق >>
طلق جالس : يمه تكفين وافقي تراء عايدي جداً الامر بسيط بسافر واجيكم سفرتي بسيطه !!
ام طلق : معصى معصى معصى ماتروح الي واخوك معاك ولا واحد من عيال عمك
ابو طلق : ياحرمه الولد مو ورع تراه رجال
شوق : وانا يوم قلت بطلع اروح لسلمى قالت امي لا ويوم قلت بروح اشوف سطام وحرمته قالت امي لا ومافزعت لي ويوم طلق فزعت له مايصير
طلق حذف شوق ب المخده: انكعمي وانطمي ياحيوانه خليني اقنعهم
شوق : انكتمنا انكتمنا وبهمس : يارب مايوافقون

سطام & غرام >>>>
غرام نايمه علي حافه السرير وجهاا جهت سطام
سطام صحى وشافها ونط فوق السرير واقف
غرام صحت وناضرته برعب
سطام : انتي من !!! متي جيتي
غرام جلست تناضر فيه مومستوعبه هاذا مجنون ولا فيه شي
سطام ناضرها :اسف والله بس نسيت
غرام ناضرته وسكتت وقف وراحت للحمام
سطام ؛ ياوه هاذي اخلاقها تجاريه
سمع باب الشقه يدق ووقف وفتحه
سلمى ماسكه الفطور وتحاول تناضر من جنب الغرفه تشوف : سطام امي تقول فطور عرسان
سطام تثاوب واخذ الصينيه وسكر الباب
سلمى : خير ذا علامه مافي احترام للعمه وربي حيوان

غرام طلعت من الحمام واستغربت من الفطور : م من جابه
سطان لاحض رجفه صوتها : امي جابته
غرام جلست
سطام بداء يفطر
غرام مامدت يدها ولافكرت حتي
سطام : اكلي وش فيس
غرام ببراءه : ابوي يقول البنت ماتاكل مع الرجال
سطام كشر: خلي ولي افطري بس الي يسمعه يقول البنت كلب مايفطر تعالي بس افطري
غرام : حتي ولو ماحبه اسفه والله بس مااحبه
سطام بعد صبر :غرام علامتس
غرام نزلت راسها : خلاص اسفه
سطام وسع عيونه ؛ اسفه علي ايش!
غرام بكت ماقدرت ماتبكي
سطام كشر بوجهه : خلاص وشوله تبكين ماقلت الك شي
غرام وقفت ودخلت الحمام
سطام تنهد : طيب اسمعي ، وش تاكلين ؟
غرام ماردتت ولا طلعت من الحمام
سطام وقف بعدم صبر : عساك لاتاكلين شي وطلع

العيال كانو مجتمعين سهم وسلمان وطلق ونواف واحمد وابو طلق وابوتركي كلهم في مجلس الجد
الجد سعد بغضب؛ بتخليه يفلت بفعوله يسلمان !!
سلمان بثقه : مو فالت ياجد بين يدينا مثل الكلب بس هاذي المره الحبل عن رقبته افلته ماداره بيرجع
بهاج : فهمت كل شي الي كيف يرمى بنته تسذاء
طلق تنفس بغضب من تذكر سطام : سلمان بتفكه من النشبهه ذي ولا بيصير الي مو عاجبكم كلكم
سلمان صغر عيونه يطالع طلق بصمت
ابوطلق بتغير الجو : وش رايكم نطلع للحلال يومين نغير جو
الجد ابتسم من طارئي الحلال :اي بالله انها الفكره الزينه الي توسع الصدر
سلمان رفع يده بيعترض : مشغول ياجد بطلع الطائف اليومين ذيئ
الجد بزعل : كلمتي ماعاد تنسمع في البيت ذاء ولا لها قدر
سلمان فز وباس راس جده : محشوم ياجد محشوم قدرك واحترام فعيونا وابشر باللي تبيه تم تم
ابوتركي : ماشفتو تركي يعياال؟
بهاج : حتي احمد ماشفته
سهم: ونواف مو موجود من الفطور افطر ثم اختفئ