قصص قصيرة ( باللهجه العراقيه )

( 365 يوم بجسدّ مجنون )

البارت الثالث..

أقصى احلامي هو كتاب ..

من المهوسين بالقراءة. و طلب العلم ..

بس مرات الحياه تشمرك بمكان غلط ..

و هذا الي صار وياي ..

..

السلام عليكم .. شلونكم ان شاء الله بخير ..

زهراء واني من العراق مو مهم المحافظه ..

اني نولدت بعائله محافظه على التقاليد مالتها. كلش كلش.

..

صح هو حبابين و عين الله عليهم بس اكو شغلات قافلين عليها .. و ما تتغير أب عن جد

و من ضمن هاي الشغلات هو تعليم البنات ..

جدوو ناص قانون حد البنيه للسادس ابتدائي من تكبر و تجيها المحروسه بعد ممنوع تطلع ..

طبعاً هاي بس بوقتنه عماتي ميعرفن لا قرايه ولا كتابه يادوب حافظات كم ايه حتى يقروهن بالصلاه ..
..
ابويه يقرأ و يكتب الحمد الله .. امي لا لأن امي بنت عم ابويه فابوها نفس اخوو ..

..

صح جدي حباب شويه و نحبه و نحترمه و ما تنكسر كلمته بس شديد كلش و يا ويلي لو عاط بوحده اله يخليها تتسودن ..

..

جد يحاط قوانين كومه حتى على طبه الحمام صدگو و اعتقدوو ..

..

و من ضمن هل قوانين التسمه ..

اي اني مسمايه باسم ابن عمي ( احمد )

التسميه كالاتي ..

اني نولدت 2000

اي ولد نولد وياي بنفس السنه هو اليه واني اله بعني خطبه من احنه جهال .

احمد مجان وياي بنفس السنه هو مواليد 1998

لمفروض هو لدنيا بنت عمي جاسم الله يرحمها ..

توفه من هي طفله بعدها ولا وحده من الجناين حبلت

الى ان اني صرت و جدي سماني لـ احمد

طبعاً احمد انسان مكروه غثه كل عيوب الشرعبي

جان مصدگ اني مرته و يضربني لو شافني العب او طالعه بالحوش ..

زر* على طفولتي فوگ ما اني بهاي العائله هذا يتحكم بيه

و تعالي غسلي جواريبي و افركي ظهري ..
بمعتقد عائلتنه احنه مخطوبين و أساساً اني جنت طفله

كل عمري تسع سنوات ..

..

ادري هو تخلف بس هاي عائلتنه .. شنسوي اي اكو عوائل من العصر الحجري لهسه .. مثل بيت جدي ..

اخواني الي اكبر مني هم اربعه ولد اتلاثه و بنيه .. و اني ياله اخوي و نوب اختي ..

اخواني الشباب. الكبار .. هاشم و هشام
..