بخصوص " عقاب مؤجل"
حبايبي الي زعلانين من النهاية وشوفت كومنتات كتير انها خيبت امالكوا والنهاية مش مرضية وكلام زي ده.. دي متعتبرش النهاية خااالص احنا لسه هنكمل قصتهم في لولا التتيم ونشوف هنروح معاهم لفين، يمكن يكملوا ويمكن ينفصلوا وكل واحد يشوف شخص أنسب له.. متستعجلوش افهموا بس ان دي مش النهااية وكل شيء ممكن يحصل بعدين.. فانتظروا " عاصم و ريهام" في روايتنا الي اعلنا عنها قبل كدة " لولا التتيم"
بكدة رواية لولا التتيم هتضم ٣ قصص
" ليان و بدر"
"صفية ويوسف"
" ريهام وعاصم"
والتلاتة مختلفين تمامًا عن بعض عشان كده بقول ان شاء الله هتبقى ملحمة ورواية مختلفة عن باقي كتباتي☺️♥️
ثانيًا بقى
انا بإذن الله هاخد اجازة طويلة شوية وارجعلكم بعد العيد يعني معانا شهر ونص او شهرين كده من دلوقتي 😍
عارفة ان في كتير مستكترينها بس انا مخدتش اجازة طويلة بقالي فترة يمكن من قبل جاردينيا من حوالي سنة ونص اقصى أجازة كنت باخدها اسبوع او ١٠ ايام بين الرواية والتانية.. فهاخد اجازة أطول المرة دي وكمان عشان شهر رمضان محدش بيبقى فاضي أصلا وخصوصًا انه جاي مع دراسة السنة دي.. وأصلا بقى انا مقررة منزلش في رمضان حاجة..
بس طولت عليكم بعتذر😊 بس حبيت اوضح الأمور، دمتم بخير وإن كان في العمر بقية اشوفكم بعد العيد بإذن الله♥️😍 هتوحشوني♥️
أنت تقرأ
في كل بيت حكاية
Short Storyمجموعة حكايات تجمع بين الحب والكره.. الأمان والغدر.. الحق والباطل.. كل المشاعر الي موجودة في كل بيت.. هنخبط على باب باب ونشوف ايه حكايتهم ونسردها بطريقة مبسطة ونشوف رأيكم في كل حكاية💕
