.
#حقيقة_مظلمة🖤
بقلم خديجة رمضان (دوجي رمضان)🖤
الحلقة الحادية عشر (11)🖤
.
.
فجأة الجو غيم وقطرات المطر بدت تنزل 🤍
غصون شافت لِ سماء وابتسمت وهيا تقول ... مطر
غسان ابتسم ونحى الكبوط متعه لبسهولها 🤍
غصون تشوفله بصدمة ... أني لابسة!! صقع عليك
غسان لبسها البرنوص ... الجرح متعك ممنوع تمسه الميه
غصون تشوفله وساكتة🤍
غسان شبحلها كويس ومسك يدها ومشاها معاه ونزلو ، وصلو لشقق المقابلة بعض وقف وسيب يدها ... ليلتك سعيدة🤍
غصون أبتسمت ... ليلتك أسعد
لفت فتحت الباب وخشت وقفت ع الباب شبحتله وهوا واقف يستنى فيها تخش ابتسملها ورفع حواجبه ونزلهم ردتله الأبتسامة وخشت🤍 وهوا تنهد وخش للشقة المقابلة 🤍
غصون سكرت الباب ووقفت عليه ، حطت يدها ع قلبها🤍!
وشافت لملابسها لقت روحها لابسة الكبوط متعه ابتسمت وتنهدت بهدوء🤍.
👑🔥 . . . . . . رِوآياّت . . . . . . 🔥👑
👑🔥 . . . . . . خديجة رَمضَان . . . . . . 🔥👑
صباح يوم جديد🌤️🌤️
في ليبيا 🤍 تحديداً في بيت رياض 🤍
صوت نقاش عالي طالع من غرفة بسمة ورياض!!؟
بسمة ... خلاص رياااض سئمت منكك ومن حلولك البايخههه كييف تقددررر تووصل لألمانيا فهمنييييي كيف؟؟؟؟
رياض يحاول يهديها مسك يدها بس هيا بسرعة ماسحبتها ... بسمة اسمعيني نوعدك كل شي رح ينحل لو وصل بيا الحل أنه نقتلها رح نقتلها من غير مانتردد
بسمة مسكت شعرها ولفت في مكانها وتحاول أنه تمسك دموعها شبحتله بحدة ... وولدي رح ادير حلل وترجعه لي ليبيا فااااهم
رياض ... فاهم فاهم ياحياتي حاضر
بسمة شبحتله بعتاب كأنه تلوم فيه ع شي مش معروف ومشت خشت لحمام الغرفة ورياض قعمز ع السرير من الأعصاب والخوف ايديه يرعشوا ، كل يوم قاعد يشوف في ولده يضيع منه من غير مايلقى حل ، وخاصةً بعد الأتصال يلي وصله اليوم أنه حور وصلت لألمانيا يعني هكي هيا قعدة تدبر في مكيدة والله أعلم شن هيا!!؟
في الصالة 👇🤍
واقفة ريم في الصالة وتسمع في صراخ امها والشي الوحيد يلي فهماته وسمعاته " ولدي رح ادير حلل وترجعه لي ليبيا فااااهم " قعدت ادور في رأسها الجملة وهيا مش عارفة خيرهم!؟
زينة نزلت من فوق ونصدمت من ريم واقفة في الصالة ... أنتِ شن اديري هني مامشيتيش؟
ريم شبحتلها ... نستنى في حسن
زينة خشت للمطبخ وريم لحقتها؛
زينة لفت لي ريم ... فطرتي؟
ريم قعمزت ع الكرسي ... امم فطرت ، المهم بنسألك سمعتي العركة؟
زينة صبت القهوة في الفنجان وقعمزت ع الكرسي وهيا تقول ... اي به وشن بندير؟
ريم ... تؤ ماسمعتيش ماما كيف كانت معصبة بس بابا كان ساكت صوته مش موجود
زينة رشفت من القهوة ... مش ساكت اكيد حتى هوا يعبر ، غير أنتي عارفة بابا كيف هادئ زي طبيعة غسان
ريم ... ع سيرة غسان خيره؟ صاير معاه شي في المانيا؟
زينة شهقت ... بعيد الشر عليه خيره؟؟
ريم ... سمعت ماما جابت سيرته وقالت لي بابا روح بي ولدي
زينة ضحكت وبعدت شعرها من ع وجها ... هههه توا غسان هوا من يوم يومه عايش بعيد وماحد فيهم عدلل كان مامرتاحين جت في السفرة هادي توا نزلت عليهم المحبه ههههه ضحكتيني
ريم تشوفلها بشك ... اممم متأكدة أنك ماتعرفي شي؟
زينة خفت ضحكتها وابتسمت بتوتر ... فوتيه جو الأفلام الهندية .ناضت وقفت بتوتر ع الرخامة
ريم ... تمامم يازينة خبي عليا قداش ماتبي لكن سيورني عارفة .وطلعت؛
زينة لوحت البكرج في الحوض ودمعتها نزلت وهيا تقول في خاطرها المفروض أنك ماتسمعي شي بنزيد ع نفسيتك تعب وخلاص!💔
أنت تقرأ
حقيقة مظلمة🖤(روايات ليبية)
Randomرواية جديدة جميلهه هلباا اقروها وادعموني ، خامس روايةة ليا🤎. لا أسمح بسرقة احداث رواياتي ولا اسمائهم!.🚫.
