من عالم أخر

البارت السابع

-اظن انك محقه حسنا هيا ياميكيلا لما لا دعينا نجربها في ذلك العالم الغريب

لتبتسم لها ميكيلا بمرح وتستعدان لما سيفعلانه!

فى الشركه 

-بص يامحمد وركز معايا هتاخد الاوراق دي وتراجعها كويس ومتمضيش غير وانت متأكد ان الورق مش ناقصه حاجه ولما تخلص خلى سهام السكرتيره تبعتهولى تمام 

-ماشي يادومه 

-بقولك ايه الهبل ده خليه فى البيت هنا شركه محترمه والواحد ليه هيبه 

لم يكمل ادم حديثه لتقاطعه تلك التي فتحت الباب تركض نحوه بشعرها الاشقر وبياض بشرتها وملابسها الانيقه : دووومه كده تيجي الشركه ومتقوليش 

ليكتم محمد ضحكاته ويتجه نحو المكتب يأخذ الاوراق من يد ادم هامساً : هي دي الهيبه ياابو هيبه 

ليركض خارجاً قبل ان يفتك به الوحش بين اسنانه 

لنعود داخل المكتب 

-ايه يا مايا انا مش قولت ميت مره بلاش دومه دي 

-سوري يابيبي بس انت عارف بحب ادلعك 

-مايا متأفوريش 

-في ايه ياادم مانا خطيبتك يعني مفيهاش حاجه لما اقولك كلمتين حلويين 

ليعدل ادم من جلسته علي الكرسي ويزفر : مايا احنا لسه متخطبناش 

-ماشي ياادم بس مامتك كلمت مامي وبابي وناقص موفقتك 

-اديكي قولتي موافقتي اللي هي اصلا مش هتبقي موجوده 

-يعني ايه بقي ياادم 

-يعني الحوار ده انسيه خااالص 

-بس ده مش رئي طنت جميله 

هنا بدأ ادم يفقد اعصابه عليها وهب واقفاً يحدثها بصوت اجش : مااايا سبق وقلتلك اسمها مش عاوز اسمعه انا عمري مهخليها تتحكم فحياتي وسبق وقلتلك نبقي اصحاب وانا بعتبرك زي اختي وانتي رفلضتي 

صرخت به مايا واقفه من مكانها : وهنفضل رافضه ياادم انا شيفاك حبيبي اللي عاوزه اكمل معاه حياتي فاااهم حبيبي وبس ياادم 

وامسكت بحقيبتها وهبت خارجه من المكتب مسرعه تلاحقها تلك الدموع فعيناها العسليه 

جلس ادم على كرسيه بغضب واضعاً اصابعه بين شعره يبعثره بغضب 

فى مكان اخر : 

رودينا : ايه ياجميل سرحان فى ايه 

ساره وقد فاقت من شرودها : ابدا يارودي بس مش لاقيه شغل لحد دلوقتي والكليه مش بتبطل طلبات انا بجد تعبت وبابا حرام يستحمل كل ده لوحده كفايه عليه مسئوليه مروان