تحت جناح الشيخ

تحت جناحه//البارت ..2..

علياء: من بعد ظلام طويل مداهمني فكيت عيوني كوه طك ضوه قوي بوجهي وجسمي ماحس بي راسي ثكيل وصوتي رايح من صريخ الالم رفعت راسي شفت نفسي بالمستشفى شويه ودخلت مرت عمي .

ساجده: ها ولج يمصكوعه علياء واخيرا كعدتي بشنو حاسه كليلي..

علياء: بصوت ناصي..ماحس بشي جسمي كله خدران

ساجده: اي طبعا لان مخليلج مسكن بالمغذي حاولي ترجعين تنامين منا ليروح مفعول المسكن..

علياء: حاضر ..
رجعت نمت فتره قصيره كلش ورجعت كعدت جانت الممرضات يمي يفحصوني ..

ممرضه: ها علياء تسمعيني بشنو حاسه

علياء: ماحاسه بشي

ممرضه: يعني ماكو الم بطنج

علياء: لا ماكو

ممرضه : هاذهو لعد مدام صرتي احسن صار وقت ان ترجعين لبيتج اكيد اهلج قلقانين عليج واريدج تلتزمين بالعلاج الي وصفته الج مده شهر ماشي

علياء: ماشي بس شنو صارلي

ممرضه: مو شي خطير بس عندج كيس مائي بالرحم وانفجر عليج من ضغط الشغل لهل سبب تسبب بالنزيف بس لا تخافين انطيناج ابره تنظف رحمج من بقايا الدم ومع العلاج يرجع كلشي طبيعي

علياء : تمام شكرا الج

الممرضه : تدللين يله الحمدلله على سلامتهه عن اذنكم..

ساجده: مشكوره حبوبه

ممرضه: لا العفو واجبي

ساجده: يله كومي بنيتي خل نرجع للبيت مادري شلون سويت بيج هيج انه عذريني جان عبالي تدلعين علينه بس حتى تشردين من الشغل

علياء: لا عمتي ماصار شي لا تتاسفين..

طبعا عشت عمري كله وياهم واني احسهم كارهيني رغم مرت عمي ساجده جانت تعاملني بلطف لكا جنت صغيره بس هاذي اول مره تحاجيني بنبره لطيفه وهادئه من بعد سنين طويله ..كمت عدلت ملابسي وطلعنه وكفنه تكسي ورجعنه للبيت ...

ساجده: من شفت علياء طايحه كبالي وموجوعه وتصيح يمه ويمه حسيت بتانيب الضمير كلت الي سويته مايصير وحرام

هيه يتيمه والله وصانه باليتيم هيه بعمرهه ماسوتلي شي بس جنت اضوج منهه من وره حجي نسوان حمويني وهسه تاكدت انهه بريئه وطيبه حتى من غلطت وياهه سامحتني ومازعلت مني

لهذا السبب قررت اتجاهل حجي النسوان عنها واعتني بيهه مثل ما اعتني ببناتي لعل ربي يغفرلي اساءتي الها مل هل سنين الفاتت.. اخذتهه وطلعنه من المستشفى ورجعنه للبيت تلكتنه عمتي ونسوان حمويني..

مرت العم "سندس": هاا وين جنتي ليكون البزره هاي جانت شارده مو من عوايدج تتاخرين بالمزرعه..

ساجده: شهلحجي شنو شارده البنيه صار عدهه نزف واخذتهه للطوارئ هيه هاي السالفه

بيبي: يمه بنيتي تعالي صدك تحجي مرت عمج