حبيباتي تفاعلكم مش عاجبني بكلل والله عيب تقري من غير ماتتفاعلي!؟ راه تحسابيها ساهلة الكتابة نقعمزلها مرات من الصبح لليل ومانكملش ، وزيادة كل الي كتبته حفظته في الواتباد وحذفته من المذكرة بسبب داكرة التلفون ، تخايلو معاي يعني الواتباد تحدث بروحه والحلقات كلهم طاروو يعني تعبي كله راح ع الفاضي 💔💔ماتزيدوش عليا بتفاعلكم المعدوم الله يربحكم🤲❤️
وقراءة ممتعة❤️
﴿ ألا بذكر الله تطمئن القلوب ﴾❤️
.
#حقيقة_مظلمة🖤
بقلم خديجة رمضان (دوجي رمضان)🖤
الحلقة الثامنة (8)🖤
.
.
نفتح باب الحجرة وخش رجب واول مابانت عليه بنته ، خش يجري قرب عليها باسها ع رأسها ومسك يدها ... الحمدلله ع السلامة ياروحي❤️
غصون لما سمعت صوت بوها ابتسمت بتعب وعيونها مغمضات❤️
رجب لقي وشاح محطوط ع السرير استغرب فيه بس قامه وحطه ع رأس بنته ... ترا افتحي عيونك وشوفيلي
غصون بصوت تاعب ومتقطع ... يوجعو فيا مش قادرة
رجب حط يده ع رأسها وبدي يقرأ عليها في القرأن بصوته الجميل❤️وغصون تلقائياً لقت روحها مرتاحة وهيا تسمع لبوها❤️
طق طق 🚪
د. وسيم خش للحجرة ... السلام عليكم
رجب ... وعليكم السلام ورحمة الله
د. وسيم ... كيفك ياغصون!؟
غصون بصوت تاعب ... الحمدلله
د. وسيم ابتسم ... اي والله بيستاهل الحمد ، انا رح ضل الليلة معكم يامهندس بدك شي محتاج شي بتلقيني بمكتبي
رجب ... شكرآ والله ماقصرت
د. وسيم ... العفو واجبنا ، يلا السلام عليكم .وطلع؛
غصون فتحت عيونها ... بابا أني صقعانة
رجب ... تو نمشي للشقة نجيبلك لبس وبطانية
غصون ... مانبيش نقعد بروحي 🥺
رجب اذكر غسان برا ... في واحد معايا في الشغل ليبي قاعد برا تو يقعد معاك بين ماجيت
غصون ... من هادا!؟
رجب ... ولد أسمه غسان اكيد شفتيه في يوم الأجتماع
غصون ... امم اي شفته
رجب باسها ع رأسها ... هيا أني ماشي
غصون هزت برأسها بمعنى تمام ، ورجب طلع من الحجرة شاف غسان قاعد ابتسم وقرب منه ... بارك الله فيك ياولدي بجديات وقفت معاي وقفة مش ح ننسهالك طول عمري❤️
غسان ناض وقف ... فيك بارك الله ياعمي احني اهل وولاد بلاد عيب نخليك في وقت زي هادا
رجب ابتسم وطبطب ع كتفه ... ولد اصول يبارك فيك ، بس قبل مانمشي نبي منك طلب
غسان ... تفضل ياعمي
رجب ... بنتي فاقت من الغيبوبة والحمدلله ، بس هيا بسلامتها تخاف هلباا وأني ماشي للشقة شوية وراجع خليك معاها لين نجي
غسان طبطب ع يده ... من عيوني كون هاني
رجب شبح للكيسة ... ايي لو مافيهاش تعب الأكل يلي جبته عطيهولها بين ماجيت
غسان استغرب من طلب رجب بس رد بهدوء ... حاضر
رجب ابتسم ... الله يحفظك ياولدي ويبارك فيك .ومشي وهوا حاس بأرتياح كبير شاف فيه قوة شخص وحنية شخص غالي عليه❤️
غسان قام الكيس وقرب من الباب قعد واقف ثواني ، بس بعدين تراجع شاف ممرضة نادا عليها وعطاها الكيسة ودخلتها لِ غصون!
~~~~~~~~~~~~~~~~~~~~~
حسن درس السيارة قدام البيت ونزل وهوا النار تطاير من عيونه فتح الباب وخش وهوا ينادي ... امييي امييي
بسمة نزلت من فوق وهيا مصدومة ... خيرك شنو فيي؟
حسن قرب منها والغضب واضح ع ملامحه ... أنيي ولا غسااان؟
زينة طلعت من المطبخ تشوف بخوف مش بصدمة!!
بسمة وجهه بدي اصفر وترعش مع بعضها ... شنوو تحكيي؟
حسن بغضب ... منووو فيناا مش ولددد العيللةةة!؟🔥
زينة نطقت الأسم وهيا ترعش وتشوف لأمها ... غسان ولا ياماما!؟
بسمة شبحت لِ زينة بصدمة وطاحت اغمى عليها من الخوف 💔
زينة عيطت وقربت منها تجري ... حيي عليااا ماما خيررك زوود يااحسسن
حسن قرب بخوف ... نوضي جيبي عباية ووشااح بسسرعةةة
زينة ركبت تجري وهيا تبكي خدت عباية ووشااح بسرعة ونزلتهم غطوها بيهم وركبوها في السيارة ومشو؛
حسن يسوق وزينة مقعمزة مع أمها من الخلف وتبكي 💔
حسن ... وين ريم!؟
زينة ... ماروحتش بعدين مش وقته هادا توا
حسن متوتر وخايف تصير حاجة لأمه وتكون بسببه هوا💔
ووصلوا للمستشفى نزلوها بسرعة ودخلوها للطوارئ ، خشت الدكتورة وطلبت منهم يطلعوا!؟
حسن شبح لـِ زينة قعمزت ع الكرسي وتبكي قرب منها ... من قالك ع الموضوع اهوا كيف عرفتي؟
زينة مسحت دموعها وقتله ... سمعت ماما وبابا يتكلموا ع الموضوع هوا وقالو اسم غسان بس ماقالوش أنه مش ولد العيله
حسن عقد حواجبه بأستغراب ... كيف!؟
زينة ... يعني هوا خونا بس من بابا مش ولد ماما أمه بروحه
حسن ... أمه حور!؟
زينة شبحتله بتفاجئ؛
حسن ممر نظره في المستشفى ومسح ع شعره بغضب ... ماحد رح يعررف بالسر هواا مفهوم
زينة ... حدد زي مني وهوا كلنا نعرفو!؟
حسن ... ريم!؟ حتى هيا تعرف؟
زينة هزت رأسها بمعنى لا؛
حسن ... خلاص مش لازم تسمع
زينة ... لكن...
حسن قاطعها ... مافيش لكن خلاص قلناا مش رح تسمعع يعني مش رح تسمعع
زينة كيف جاية بتتكلم شبحت الدكتورة طلعت ، ناضت وقفت ومشت للدكتورة وخلاته ... شن صار ماما كويسة ولا مافيها شي!؟
الدكتورة ... اي الحمدلله كويسة بس صايرلها هبوط في الضغط ضربنالها ابرة وحالتها الأن مستقرة ان شاء الله لابأس عليها 🤍. ومشت؛
زينة خشت للحجرة بسرعة لقت امها نايضة قربت منها ... الحمدلله ياربي خوفتينا عليك😭💔
بسمة تشوف لبنتها والدموع في عيونها ... وين حسن!؟
حسن خش قرب وقف ورا زينة ... الحمدلله ع السلامة
بسمة نزلت دمعتها ... ماتقولوش لخوكم الله يهديكم 💔
حسن ... ماتخافيش أنتي غر نوضي بخير وسلامة بعدين خلاص الموضوع سكرناه
بسمة مسحت دموعها وقعدت تحاول تهدأ!
أنت تقرأ
حقيقة مظلمة🖤(روايات ليبية)
Randomرواية جديدة جميلهه هلباا اقروها وادعموني ، خامس روايةة ليا🤎. لا أسمح بسرقة احداث رواياتي ولا اسمائهم!.🚫.
