من كفري الى دينكي...

بارت2

من کفري الي دینکي...

بارت2

عمران - اني مو رجال مو هستوا اهلچ ماخلو مکان ماگالو اني مو‌ رجال؟
لزم ایدي مرة ثانیة و باوع بعیوني
- انتي چنچ مشتهیة رجال؟ تردین رجال ها؟ لا تجذبین احچي الصدگ
نزل راسه و همس یواش
- تردین اللیلة اعلمچ شنهي الرجال؟ حته اخلیچ تبقین بل مستشفه شهر...
شلت ایدي و جبتة راجدي قوي من ضربتي ایدي ضلت توجعني
-فکر قبل لا تحچي عمران! اني صایرة نار لا اتصیر انتة بنزین و تشعل گلبي اکثر
رجع هز رجلة بطریقة غریبة و ضل بس اطگ طگ بصابیعة و عیونة حمر و کلساع یلتفت ایباوع خاف احد موجود
- و کلساعا لا تلزم ایدي تدري اني ما حاسبتک زوجی...

فتح حلگه حته یغرد مرة ثانیة جدام لا یحچي امي اجت
- سیلین حبیبتي...
بعدهي مامکلمة عمران جر ایدي حل
عمران- امدة الیوم الشفتچ و شفتیني
امی-سیلین اوگفي بس ارید احچي اویاچ
سیلین- ارید اولي اویا زوجی عوفیني ارید اصلح حیاتي عوفوني یا ناس.
امي رجعت مرة ثانية طلعت الورقة مالت الفحص و صاحت
- اني سئلت اگدر...
بعدهي مامکلمة حچیة عمران راح سحب الورقة من ایدیة و شگة نصین و ضل یضحک بستهزا
امي- حجي رضا تعال شوف هاذ شعمل!
ابوي بعدهو مافاک حلگة عمران شگ الورقة الف قطعا
عمران- ها حجي رضا؟ ما ترید اتسوي شي؟
قطع الورقة اتقطع وذباها بل هوا
عمران- بدال هاي الورقة اودیلکم نیشان بنتکم باچر اتسونة صورا و تعلگونة بیتکم لا تنسون
ابوي بعصبیه لزم یاخت عمران و ضل ایصیح.
دموعی عشرا عشرا ضلن ایطیحن و کل جسمي یرجف من الخوف.
امي: ولچ تعاي لزمي زوجچ..
بنفسي چنت محتاجه واحد يجي يلزمني

امي- ياربي شگول امنین اجتنة هاي المصيبه..
من البچي ضليت بش اشهگ و مادري شسوي حته يهدء عمران
شلت راسي و عاينت عله ابويه شلون يضرب عمران و عمران بس راص اسنونة و ايباوع علة اشلون شگگ ياختة
امي- اهنانه ماكو زلمه يجي يلزمهم راح يكتل الولد!!

عمران ضل بس ايدافع عن نفسة حد ما شرطين اجو يركضون، من الخوف رحت لزمت ايد عمران و ضليت اجر بي
سيلين- عمران عفية عوف خل نمشي!
سيلين- عمران اترجاك خل نمشي..
اعيوني ايصبن و لازمه عمران حيل من ايدة
عمران- سيلين عوفينيي!

سيلين-  احلفك بروح نس...
بعدني ما مكلمة كلامي دفعني حيل وکعت وکعه حسيت ظهري و عضامي تكسرن، امي ضليت تصرخ و تبچي و ابوي يغلط و ايسب بعمران
عمران اجه و لزم زندي حيل و رفعني من مكاني
سيلين_ وخر ايدك! لا تلمسني.
عمران_ سيلين بس خل نوصل للبيت الله كريم اراويچ...
سيلين- عمران كافي!!
عمران- اراويچ شنو عمران كافي..
سحبني للسياره و گالي اركبي
حجي رضا- وين ماخذههة؟ راح اتمووت بنتي من الخوووف
دفعني للسياره ركبت و ركب وراية
عمران- شوف حجي احترمت عمرك و ما حاچيتك مرة ثانية ما اوگف اعاين عليك اراويك شي ثاني!
حرك السياره و تجهنة الي جحيمي
عمران- مو بناچ نسيت اشگلتي و شسويتي كلهن حسبتهن انشالله من نوصل وحدة وحدة تتعاقبين عليهن
ضليت اباوع من الجامة و عيوني مليانات ادموع اريد اصرخ اريد اكسر بس ماگدر ماعندي هاي القدرة

****
فتح الباب بل مفتاح و مستقيم دخلت للمطبخ طلعت گلاص مي و شربت ، احس قلبي من الخوف راح يوقف بل كوا اجر نفس
سيلين- ربي بس اليلله عدية عله خير..

عمران- يالله، حجية حجابچ كامل ؟ رجلچ اجة خاف يشوف شعرچ.
ضل يضحك بستهزاء ، وکع الكلاص من ايدي و صار ميت قطعة گعدت علة الارض و ضليت اجمع بل كزاز

عمران- ليش هلگد ثوله؟
سيلين- وکع....وکع بلغط..هسة..هسة اجمعة
عمران- سيلين خانم التخصص مالچ وايد عاجبني انتي بس اتعرفين اتوکعين الأشياء بلغط بعمرچ ما عرفتي اتگولين اني غلطانة و من ورا ثواليتي وکع الاكلاص!

چنت ادري الليلة ما راح تمشي علة خير، اخترت السكوت و ضليت الم بل كزاز و انظف
عمران- گومي سيلين خانم يوم الاحساب وصل!
عضيت شفهتي و قريت آيات حدر الساني
عمران- تمشين لدكتورت النساء بس علمود اتثبتين اني ناقص ها؟ ترديني هل مرا اني اوديچ للدكتوره بيدي؟
سيلين- اني ما چنت ادري..
بعدني ما كملة ضل ايصرخ و ايصيح
عمران- اشلون ما تدرين؟ ( اشر علة راسة) اهنانة ما عندج عقل؟ انتي ثولة لو اتسوين روحچ ثولة؟ اصلا ما اتطب بعقلي اشلون ما تدرين و رحتي؟
سيلين- چان عندي وجع چان لازم اروح...
گعد عله الارض و قرب وجة
عمران- چان عندچ وجع؟ اني بعدني ما امسوي وياچ شي ليش لجدام راجعتي..
گمت من مكاني  و اتكيت عله الكاونتر و نزلت راسي
سيلين- فد نوع وجع ايخص النسوان...
عمران-  هسة صارت بس ايخص النسوان ها؟
اشرت علة باب المطبخ
سيلين- ايصير اتروح؟
عمران- ولله حسب علمي البيت بيتي و وين ما احب اروح اگعد اكو مشكلة سيلين خانم؟

سيلين- الكزاز بعدهو تارس المكان ممكن اتروح برجلك
اجة صوبي و لزم ايدي نشقت نشقا حسيت روحي راحت عاصر ايدي حيل

يتبع...