ماطلبت عذرك أنا نفسي عزيزة

Part : 38

ابو سعود: حد يفتح الباب منكم ياعيال
متعب : انا بفتحه ( قام متعب يفتح الباب وشاف عزيز وغرام ) ادخلو
دخل عزيز بالاول ودخلت بعده غرام ،
الجد عبدالله : هلا بـ عزيز وغرام وشلونكم وانا جدكم
غرام: لحمدلله بخير
عزيز : حنا بخير ولحمدلله
متعب اشر لغرام تغطي شعرها اللي طالع نصه ، غرام تجاهلته وجا نظرها على سياف اللي كان يكلم سعود وواضح عليهم منسجمين بالكلام
(تنحنح ابو سعود وهو يقوم من مكانه ) يا وديان يالهنوف وش صار معكم بالفطور ؟
وديان بصوت عالي : خلاص خلصنا
ابو سعود: اجل يلا حياكم عالفطور معنا
قامو العائله يفطرون ، " بعد الفطور "
جلس ابو متعب يعرف عزيز على الكل ،
وقف خالد يناظر متعب ورائد : بنسبقكم انا ورائد ومتعب للعزبه
سعود : انا وسياف شويات وبنلحقكم عزيز ودك تجي معنا ؟
الجد عبدالله : الا ياعزيز ليه ماتروح معنا العزبه منها تتقرب اكثر
من عيال اعمامك وتساعدهم
عزيز ناظر ابوه وقال : ماعندي مشكله يلا
قام عزيز يمشى مع رائد ومتعب وخالد للعزبه ،
بين ما سعود وسياف خذو فره بالسياره يشربون قهوة

بغرفه هتان | جلسو البنات يسولفون وكانت الهنوف و وديان مصدومين من اعتراف سياف وكيف اعترف
وديان : هالله اخوي طلع رومنسي من ورانا
ضحكت تنوف ونزلت نظرها للسلسلة اللي برقبتها : اطلق هديه جتني واحلا اعتراف بعد
ضحكت الهنوف وقالت : بقوم انادي غرام ماينفع
نتركها وحدها كذا
تنوف : على سالفه غرام ذييي غرام قهرتنيييي شفتو كيف تناظر سياف ؟ احسني شوي وبقوم اقتلها لا بعد كاشفه عن شعرها قدامه ؟ وتتمايع بالكلام
وديان بضحكه وهي تحارش تنوف : هدي قلبه مايميل لغيرش تطمني لا تجلسيين تتهاوشين مع كل من هب ودب انتم ماشفتم وش تسويي فينا بالتدريب يوم اننا نروح الاسطبل معها
هتان بضحكه : قالت لي إعتام بالجامعه يوم شفتها ضحكت من قلب والله
تنوف وهي تقوم من مكانها : ها ها يضحك مره بروح انادي الغثيثه وبرجع ( طلعت تنوف من الغرفه تنادي غرام والبنات انفجرو ضحك عليها )

بالسياره | سياف : انزل وصلنا
سعود : كويس جبنا لهم معنا قهوة ولا من يفكنا من لسانهم لحينه ،
سياف بضحكه: صدق ( ابتسم سعود ونزل من السياره
سلم على الشيبان الجالسين يتقهوون ومشى للعيال )
ماهي ثواني حتى لحقه سياف بعد ماصف سيارته ،
خالد : كويس تذكرتونا بالقهوة
سياف : افا ماننساكم يالاعم
خالد بصدمه : اوب اوب السالفه فيها يالاعم شصار معكم انتم ليه مروقيين كذا
رائد : فعلا اننا نعترف بخالد عم لنا ذا شي ماله طبيعي
سعود ناظر عزيز اللي كان بعيد عنهم وقال : بعلمكم بس بسرعه قبل يجي عزيز ( قرب خالد ورائد ومتعب من سياف وسعود بفضول وبدا سعود يشرح لهم اللي صار )
رائد بفرحه: اووهه اوه اخيرا ؟ نسوي عرسين بيوم ولا
ضحك متعب وقرب من سياف : نقول منك المال ومنها العيال ؟ بس احسني اغار مابي تحب غيري ( وضحك )
سياف : اذلف عني متعب لو اني منيب مروق لهبدتك
ضحك سعود وغير السالفه من شاف عزيز جايلهم: الا وش خلصتم من شغل انتم ؟
خالد : خلصنا الزراعة والحليب من الابقار باقي الخضراوات ننقلها للسوق ، والبيض من الدجاج
متعب : الدجاج خلوه علي واحشيني
كتم ضحكته عزيز وناظر متعب بسخرية : اخرتك دجاج اجل ( سمعه متعب بس تجاهله وسمعه رائد وسعود اللي انزعجو منه ) رائد : الا عزيز ليه ماتقطف أنت الخضروات ؟
عزيز بستغراب : انا ؟
سعود: ايه وليه لا كل واحد فينا عنده شغله يسويها اتوقع انت الوحيد الفاضي بينا ولا ؟
عزيز عقد حاجبه بنزعاج وقال : تمام ماهي مشكله( مشى عزيز يحاول يقطف الخضراوات وجلس يعاني معهم يحس بقرف من التراب اللي غطى ملابسه ويحس بالقرف من المكان كله ومن الديره بكبرها ) متعب راح ياخذ البيض من الدجاج ويحارشهم كالعاده
وسعود وسياف راحو يشوفون الغنم بين ما خالد و ورائد خذو الرزق وراحو للسوق وبدا كل واحد يشوف شغله،