ذراري الهجرس

الفصل الخامس

ابتليت بعشق بريئة فتعلقت باسوارها
ليتني عرفت ان اسوارها من حرير ابيض لا تحتمل ذنوبي

طوفان ✨

بارت هدية 🍁🥺

ارجو التصويت والمتابعة قبل ماتبدون 💐

*********************************

🍁

البارت الخامس

.. منو حضرتج

اندارت عليه ابتسمت من عرفتها

... شلونك ابني

.. حمدالله حجية انتي شلونج الاهل شلونهم

... زينين يبوسون ايدك

.. تسلمين الله يحفظهم الج

باوعت عليه : مسألت عن طوفان

ابتسمت : مأمنه يم ناس يحرصون علي اكثر من نفسهم شلون اقلق بعد

ضحكت : تسلم ابو دره بعيونه نخلي

فتحت الباب : تفضلي حجية اعذريني وكفتج بل باب

: دومك صاحب فضل بس اريد ارجع بقه عبد وحده بل بيت ويا الجهال

: عبد يحلها فوتي اضيفج شي

: خاف مايدبرهم

: يدبرهم يدبرهم فوتي ارتاحي منه تشوفين البنات

بانت الفرحة على وجهها : جبتهم

هزيت راسي بايجاب : اي جبتهم صارت مشاكل وردت اجيب طيره لدكتور

: ان شاء الله خير بلكي يالله هاي المره يفيدها

: إن شاء الله

فتنا صحت على البنات : نفله طيره وينكم

اجه صوت طيره : شفع جيت

: اي كومي شوفي منو اجه

صاحت : بس لا وحده من حبيباتك ماريد اشوفهن

ضحكت الحجية : منو يكدر على لسانها نفس لسانك بشبابك

حكيت ركبتي : حجية ويني وين لساني هاي لسانها اطول مني

صاحت الحجية : بنيتي هاي اني ام جابر تعاي

طلعت لازمه ايد نافله وتضحك وهذيج نايمه وتمشيها

اجت يمنا لزمتها الحجية وحضنتها تبوس بيها

طيره : خاله شلونج حبيبتي مشتاقتلج

ام جابر : وانه يبعد خاله مشتاكتلكم وهذا ابوج خله كلبي نار عليكم لا سنه لا سنتين صارلكم خمس سنين ضامكم

طيره : شسوي خاله حمدالله بهل السنين تخبل شفع وخبلني ويا هل تشوفينا متصالحين شويه جابني هنا

ضربتها على ضهرها : لسانج منو مخبل حيوانه

دخلت بحضن خاله كالت : انته حتى خبالاتك مورثها الي