غموض الشُجاع

ألغموض_30_

{ بِسم ألله ألرحـمٰـن ألـرَحيم }

#غموض_ألشُجاع (حرائِق غامِضة )
بـِ قَلم #فَطم_ألطائي

وَرداتي قبل كُل شي مُتابعة هنا ( fatimalrashd )
علقوا بين كُل فَقرة ، ألتصويت مُهِم خلوا نَجمة وأبدوا أقروا ..

...
أقرأو كلامي نهاية البارت مُهم ⭕ .

..

قِـرائة مُمتِعة

" نهاية البارت السابق "
سمعت صوت وگعة گمت ركض عثرت بالمخدة وگمت ووگعت ما أدري شبية هجي خفت وجسمي يرجف طلعت بسُرعة والخوف دَاب بقلبي حَسيت بي متوجع بَس ما لدرجة يصيرلو شي لا سامح ألله أدعي من ربي يكون بخير ومابي شي ، فتحت باب ألغُرفة وأبلع بريگي وعيوني تدورلو دحگتلو واگع ع السجادة ومفتح عيونو ركضت يمو وأهزو گلبتو ع الجِهه ألثانية گُصتو نازل منها دَم أنا شفت ألدم لو أنهاريت صرت أصرخ بِدون وعاة ..

•••

عدلتو وقلبي يدُگ سريع ودموعي شلال صارت خليت راسو بحُضني وأمسح ألدم مثل الخبلة وشگد أمسحو يطلع أكثر أنهاريت صارت ألرجفة بجسمي وبعدها بأيدي صرت ما أسيطر على نفسي وحركتي من خوفي علي ، بألف يا ألله گمت أدور للموبايل نسيت أدهم موجود ونسيت كُل شي والبيت عازل ألظاهر ما سمع صوتي ألا كان جا ، مشيت دايخة حيل أحس راح أوگع سحبت ألموبايل ويرگص بيدي من رجفتي بالگوة طلعت رقم أڤين وأتصلت بيها ، ظَل يرن ومحد يشيل غلقتو وأتصلت بـ عمو لُبَيد وأبچي أريد بَس أحد يرد ويساعدني وعيني بشُجاع ألي لهسة واگع ثواني ورَد عرفت نايم من صوتو ...

مع ما رد حچيت وأنا أبچي :- عمو عفية ألحقلي.

:- شكو عمو شبيچ؟

- عـ عـمو شُـ شُـجاع .

:- وچ بابا شبي شُجاع؟

أريد أنطُق ما أگدر من رجفة جسمي بَس طلعت مني :- عمو ألحقلنا شُجاع حيموت.

گلتها وگع الموبايل من أيدي والرجفة بعد ما أگدر أسيطر عليها ، وگعت بالگاع ماگدر أحرك شي بية زحفت يمو وأبوس بوجهو ودموعي تجري :- لتعوفنـي شُجاع أنتَ قوي الله يخليك أتحمل.

دقائق وأجة صوت باب المطبخ يندگ دحگت هيچ وهيچ تذكرت هوَ قافل الباب دورت بجيوب البطلون مالتو وأحس نفسي ضيگ حيل طلعت المفاتيح وگلت يا ألله وگمت أمشي مستندة بالحايط والمفاتيح ترگُص بيدي مُعجزة وصلت ألباب على حالتي ورجيفي ، أخلي المفتاح ما يتخلى أحس مابقى بية حيل وأسمع صوتهم برا دنگت ودفعت المفاتيح من جوا الباب :- عـ عمو هاي مفاتيح مادتصيغ.

گلتها وأستندت بالحايط ألي گبالي ثواني وأنفتح ألباب دخل أول واحد عمو لُبَيد شاف حالتي توسعت عينو بصدمة كان لابس قمصلة خفيفة نزعها وخلاها على شعري غطاه وعَواد وأدهم دخلو جوا حضني لصدرو :- أشش بابا ماكو شي بَس أهدي.