قبضة النمر

بارت 11

يا اول حزن مَريود
يا اول بَشر يستاهل ابجيلة 🍃✨

رواية :قبضة النمر
للكاتبة : Azo

🚫لا تنسون التصويت  ومتابعة لـ حساب وكومنتات بين الفقرات

  ◉ᯓᯓᯓᯓᯓᯓᯓᯓᯓᯓᯓᯓᯓᯓᯓᯓ◉

:- خزرته وكمت واني الدمعه طرف عيني كمت اريد ادخل للبيت

رفعت راسي ولكيته يباوعلنه  نمر من الفوك لان الشباك صاير على الحديقه سوالي بيده بسيطه وسد الشباك بلعت ريك

ودخلت للبيت وكلت ابد ما اصعد فوك لان شكله جان يخوف مو مال اصعد واشوفه يموتني والله رحت كعدت يم جدو ودخل ايمن يغني وكعد كدام جدو واردف

:- شلونك حبي

جدو باوعلي ومارد ورجع يباوع على التلفزيون رجع كال

:- اوووييي عيني جدجودي زعلان.

رجع كال لبيبي

:- حبيبتي قلبي وروحي بيبيتي الغاليه شلونج

باوعتله بيبي واردفت
:- شعندك ولك من مصلحه

:- افا عليج بيبي انا مصلحجي

:- لا ابوي
كملت كلامهة وهزت ايديها

هو ضلي يحجي بصوت ناصي بس ماعرف شيحجي
واردف

:- اوووووي شكد نفسيين متستاهلون هيج نفر لطيف يمكم

ضحكت على كلمه الوايييي شلون يجرها يخرب ضحك متتت ضحك عليه هو صفنه عليه وجدو على ضحكتي ضحك اردف ايمن

:- اوووي شبيج تمضحكين

بيبي اردافت
:- اذا انته حالك من حالهة هية شني اوووي وتكولها

اختنكت من الضحك  من رزلته بيبي هو خزرني وسكت واني سئلته

بضحك :- شلون هيج تكولها

:- مالج غرض

باوعتله بطرف عيني ودرت وجهي عنه وچان يدخل عمو نمر باوعلي وخزرني واردف

:- السلام عليك

:- وعليكم السلام

:- امي ماهي

بيبي :- بيت جدك هية واختك

:- چا انا طالع

أني كمزت واردفت
:- وين تروح عمو

ما باوع بوجهي طلع وعافني بدون ميجاوبني ضليت صافنه عليه الثور الدمعه طرف عيني وأيمن طگها ضحكه واردف

:- حل تضحكين عليه شوفي انا شلون اشور

كمل كلامه واختنك من الضحك وبييبي وجدو رزلو

:- ادبسززز تعاي بنيتي ماعليج بهذا الخبل

عفتهم وطلعت رحت للغرفه وسيدت الباب وقفلته وانفجرت بالبجي الحيوان اني أعلمه رحت للشباك
فتحته وشفته يحجي ويه الحارس  ويضحك واني اباوعله وميته بچي باوع بتجاه الشباك وصفنن عليه ورجع يحجي ويه الحارس طلع السياره وشخطها وطلع