﴿ بسم الله الرحمن الرحيم ﴾
بقلمي : بتول علي
" نيران انتقامي "
< لا تنسون التصويت والتعليق عمري ،
متابعه لحسابي >
« قراءه ممتعه »
………………………
- شبيك يا عيني ، نمونه ، مو تكول
انتِ غزالتي وكلشي تردينه اسوي الج .
قهقه بخفه ، وخزرته
- صحيح بس باعي ، اكو اشياء اسمه خصوصيه وعيب تشوفينه أنتِ
- انهجم بيتك ابو الخصوصيات ، واحنا من شوكت بيناتنه خصوصية ، هااا؟
- يابه كافي ثبرتيني ثبر عود مريضه وهيج ، ديلا شوفي بس ممنوع تكولين ، واذا كلتي ينتهي كلشي بيناتنه وازعل منج والله .
ابتسمت ، وبست خده بعفويه ، وبقه صافن
على حركتي .
- ترى اني وياك واحد ، وعد ما اكول
ما حجه شي صافن بعيوني ، رفعت تشيرته
من صدره ، وهوه ساكت بس يباوعلي ، ابد ما توقعت هيج واصله بي ، بقيت صافنه بوجها وهوه يباوع لعيوني ، ومبتسم ، حجه بهدوء
- هاا ارتاحيتي من شفتي
بلعت ريگي وما اعرف شنو احجي ، وين
اخلي وجهي ، خليت اصبعي مشيته على صدره أتحسس المكان بهدوء ،
هوه ارتبك وتفاحة ادم تصعد وتنزل ، لزم اصبعي ، وهمس بهدوء وعيونه ذبلانه .
- غزالتي بطلي هاي الحركة .
انتبهت لـ نفسي وما ادري شبيه انثولت ،
صرت ما اعرف احجي ، من الشفته ، فركت وجهي وخرت عنه ، وعيوني تراقبه بصمت وهدوء .
- العفو مو قصدي هيج اسوي ، بس
انصدمت ، ما جنت متوقعه هذا الشي .
ابتسم وعيونه تدور حول تفاصيل وجهي ، ويحجي بهدوء وبحة صوته اخذت روحي ، احساس غريب مشاعر متضاربة ، ما اعرف
شنو صارلي .
- من اول يوم عشگت بي عيونج ، بوقتها
جنت ضايع ومن اشوفج بدي اطير من الفرحه ، هازال صحيح أنتِ صغيرة واعرف غلط هذا شي ،
بس والله مو بيدي ، سولفت
لـ امي كلشي وعلى مشاعري اتجاهج وجان جوابها…
نرجس :- امي حبيبي ، انت تعرف عمتك نوال شلون تكرهنه وتريد تزوج هازال وحسين ،
بأي طريقة كانت ،
ابتعد عن الابنيه بعدها صغيرة وبعد وكت على سوالف الحب ، وأمها اذا عرفت تسوي مشاكل وتتهمك اشكال التهم .
- ما اكدر يمه والله ما اكدر ، ادري بيها
صغيرة والحب لا حرام ولا عيب ، حاولت اطلعها من راسي حاولت بس فشلت ،
بعد تربعت وكعدت بنص عقلي وكلبي ،
وما اكلج خايف عليه ، لا وحق الله خايف
عليه أكثر من روحي ، وادري امها تدور
المشاكل ادواره وبس تريد شي تلزمه عليه .
أنت تقرأ
نيران انتقامي
Action' الرواية الأولى لـ الكاتب عادةً هي روايةً تعليمية يتعلم من خلالها كيف يكتبُ ، ونيران انتقامي أول روايةً ليِ ' بـ قلمي : بتول علي 🤎✨.
