#حقيقة_مظلمة🖤
بقلم خديجة رمضان (دوجي رمضان)🖤
الحلقة الأولى (1)🖤
~~~~~~~~~~~~~~~~~~~~~~~~~~~~~
غسان :- مستحيل ننسى الماضي المظلم يلي عشته
مستحيلل ننسى كيف عانيت بروحي في بلاد الغربة...مش رح ننسى بوي يلي كل همه نقرأ وتكون نتيجتي كويسة
ومش رح ننسى قسوته عليا ومش رح ننسى يوم قعدت نترجى فيه:-
.... استاحشت امي وخوتي نبي نروح معاك نشوفهم
... لو كملت قرايتك وتفوقت ترجع تشوفهم ولو ماكملتش معاش ح تشوفهم طول عمرك!
ممكن بكلامه القاسي هادا هوا يلي خلاني نتغلب ع كل شي ونقرأ بس عشان نرجع نشوف أمي يلي مستاحشها قد الدنيا❤️
وفعلا بدي العام الدراسي الجديد في المانيا وبدينا قراية❤️
وغادي تعرفت ع الصاحب يلي كان ليا أخ واكترر...يلي قعد معاي وانس وحشتي وغربتي يلي كنت حاس بيها بروحي💔
ماكان معايا حد لا أم تدعيلي ولا أب يسندني لأني فعلاً كنت في سن مراهقة ومحتاج حد جنبي ، كان كل تفكيري ليش محاولش حد من خواتي يكلمني هل نسوني وخلاص💔
كل يوم نرقد والعبرة خانقتني 💔 ...كدب عليكم يلي يقول الراجل مايستاحشش مايبكيش كله وهم 💔حتى رسول الأمه عليه الصلاة والسلام بكي💔❤️
....
بدينا دراسة في الكلية أني ومازن❤️
وغادي تعرفت ع البنت يلي حبها قلبي❤️....البنت يلي فضلتها ع كل البنات يلي في الجامعة بحجابها ولطافتها قدرت تسرق قلبي❤️
وهكي تقدروا تقولو درت عيلة بروحي❤️.... كنا في نفس السكن أني وياها ومازن كل يوم نشوفو في بعض نطلعوا مع بعض قضينا ايام حلوة مستحيلل تتعوض❤️بس مافي شي حلو يدوم💔
جي يوم التخرج يلي تعبت عليه سنين وغادي شفت بوي جاي بملامح جامدة خالية من اي مشاعر...هوا مش عارف ولده قداش عانه لما سيبه بروحه هوا مش عارف شي ولا رح يعرف جي زيه زي اي غريب بالنسبة ليا.....تخرجت بِـ نسبة عالية زي ماحضرته يبي!
ورجعت لليبيا....
مارجعتش نفس مامشيت الولد المراهق يلي كل همه يرضي بوه.....
رجعت شخص تاني مش هامه حد لا نفسه ولا غيره....
كل يلي قريته وكل يلي تعبت فيه وكل الشوق لأمي ولبلادي يلي غبت عليها تسعة سنين نطفي💔.... أو بالأصح أني نطفيت🖤
👑🔥 . . . . . . رِوآياّت . . . . . . 🔥👑
👑🔥 . . . . . . خديجة رَمضَان . . . . . . 🔥👑
بعد مرور ثلات سنين🍂🖤
غصون :- نتفرج ع الصور يلي قدامي وأني متشوقة 🖤....ليلة أمس مارقدتش ابداً وأني نفكر هل ح تكون السفرة حلوة قداش ليا ماسافرتش وحاسة بكمية حماس كبيرة🖤😭
سكرت الصور ونضت وقفت ع المرايا نشوف لأنعكاسي في المرايا وجهي واضح عليه مرهق وواضح أني مريضة بس أكيد من قلت الماكلة النية مسكرة....بس مش مهم المهم بنسافر رجعت لسريرها وتغطت بالبطانية بكل حب😂🖤
طق طق طق 🚪
جابر خش ... شن ديري؟
غصون بتعب ... ولا شي تعالى
جابر خش قعمز ع السرير جنبها ... كيف حالك توا؟
غصون ... الحمدلله
جابر ... باهي الحمدلله ، مشيت اليوم الكلية وقفت قيدك معليش السنة هادي ح تفوت ولا حتى بعدين اشتركي اشتراك وانتي هادي آخر سنة معليشي لأنه مش معروف قداش بتقعدي في المانيا
غصون بأستغراب ... علاش بنقعد هلبا مش ع أساس اسبوعين بس؟
جابر ... ماهو قبل أني بنسافر معاك لكن بعدين بابا قال عندي شغل غادي في كم شركة نمشي ننهيه يعني أني بنقعد هني مع اختك وامك
غصون تنهدت بتعب ... عادي مش لازم منهم التحاليل أني حاسة بروحي كويسة
جابر ... لالالا ضروري منهم التحاليل نبو نطمنو عليك ع الأقل بريي مع بابا حتى سايريه
غصون أبتسمت وهزت برأسها بمعنى تمام؛
جابر ناض وقف ... أني طالع تبي حاجة؟
غصون هزت رأسها بمعنى لا ... سلامتك
جابر طلع؛
غصون تنهدت بهدوء وخدت التلفون فتحت نت لقت صاحبتها نشطة بعتتلها ... هاي
فاطمة ... اهلين شنو الجو
غصون ... الحمدلله وين إنتي؟
فاطمة ... في الحوش وين بنكون ياحسرة
... بتمشي أنتي المانيا؟
غصون ... اي ياغدوا يابعد غدوا
فاطمة ... باهي ياحنة كويس تمشي وتجي بسلامة ياكلبة🥺❤️
غصون ... انشالله ، لكن اكيد مش رح نمشي من غير مانشوفك؟
فاطمة ... تو نشوف بابا كان خلاني بعدين نجيك
غصون ... اوكي هي اقلبي وجهك اسأليه!
فاطمة ... الصبر 😂😂باي
غصون سكرت النت وناضت طلعت من الغرفة؛
~~~~~~~~~~~~~~~~~~~
في صالة الرياضة🖤
واقف يدرب ع الملاكمة بكل قوة وواضح من جسمه وعضلاته أنه ليه فترة يدرب في هالصالة🔥🖤
مازن يشرب في ميه ... ساادك هيا نروحو
غسان وقف ونفخ بقوة ... شنو صار في السفر؟
مازن ... يعني رسمي خلاص مقرر بجديات؟
غسان ... بجديات...يعني أنت شايفني نبصر؟
مازن ... لاا الأمور تمام كلمت منصور أمس قال اقرب طيارة بعد يومين طالعة لألمانيا
غسان هز رأسه بمعنى تمام ولبس الفانيليا متعه ... هيا ، وطلع؛
ولحقه مازن ركبوا في السيارة؛
مازن شبح لـِ غسان يلي ولع السيارة وحركها ... بوك عنده خبر بموضوع السفرة؟
غسان ضحك ... اي كيف عاد
مازن ... اممم وشن كانت ردة فعله؟
غسان ... ردة فعله زي قبل فرحان بشكل لا يوصف ويشجع فيا ع السفر بجديات كرهته وكرهت أمها ليبيا كلهااا
مازن تنهد بألم ع حال صاحبه يلي كل يوم اسوء مع أنه يحاول بكل الطرق أنه يحسن في حاله بس مش قادر!
👑🔥 . . . . . . رِوآياّت . . . . . . 🔥👑
👑🔥 . . . . . . خديجة رَمضَان . . . . . . 🔥👑
فـي الـشـركـة🖤
رياض دف الابتوب يلي قدامه ... تقدر تفهمنيي من يلي وافق ع الطبيخةة هاديي!!؟
سمير رمش عيونه بسرعة وتكلم بتوتر ... اما طبيخة؟
رياض ضحك بأنهيار ... يعني أنت كم طابخ عملة غيرر هاديي ياا$$$ من يوم ريت وجهك الشركة معاش مشت قدااام
سمير وقف بخلعة ... استنى نشرحلك😣!
رياض بغضب حدف طاسة المية يلي قدامه انكسرت ... اطلععع برااا ، مش من المكتب بس من الشركةة كلهااا اطلععع
سمير يوخر ويتكلم ... استنى ياأستاذ م
رياض حذف عليه القلم ... اطلعععع ماتهبلنييش
سمير فتح الباب ووقف عليه ... حاضر بس أنت ماتعصبش
رياض عيط بقوة ... مننن اليوووم مطروود معااش نبي نشوفكك !!
سمير نخلع وطلع بسرعة؛
رياض مسح ع شعره ... شنو حرق الأعصاب هادا!؟
طق طق 🚪
رياض ... مااحدد يخشش مانبيي نشوف حدد😤
نفتح الباب وخشت غير مهتمة لكلامه؛!
رياض تلفت بغضب ... ما.،وفجأة سكت بصدمة ... انتي؟
كانت واقفة مرأة أنيقة عمرها الباين في نص الأربعين أو مشابه ... اها أني يارياض
رياض تحرك من مكانه بسرعة سكر الباب وشبحلها بخوف ... إنتي شن جابك هنا؟؟شن جااية تبيي؟
المرأة تتكلم بهدوء وثقة ... أنت أكترر واحد عارف أني علاش جاية وشن نبي؟
رياض ... أني ماعندك شي عندي اطلعي برا معاش نبي نشوفك!
المرأة ... والله!؟
رياض سحبها من يدها بقوة ... اطلعيي برا معاش نبي نشوفك هني؛😤
المرأة سحبت يدها منه بغضب ... ولديي وين ياريااض؟؟
رياض شبحلها بسرعة وهيا كملت كلامها ... تحسابني نسيته ولا بنسكت ع خاطر شوية فلوس؟؟🔥
~~~~~~~~~~~~~~~~~~~~~~~~~~~~~
يتبع.
وهادي الحلقة الأولى قصيرة وفيها شوية توضيحات ع حياة الأبطال ومن الحلقة التانية ح نبدأ في حلقات طوال زي ماتبو بس أهم شي تفاعلوا 🥺❤️
أنت تقرأ
حقيقة مظلمة🖤(روايات ليبية)
Randomرواية جديدة جميلهه هلباا اقروها وادعموني ، خامس روايةة ليا🤎. لا أسمح بسرقة احداث رواياتي ولا اسمائهم!.🚫.
