#حقيقة_مظلمة🖤
بقلم خديجة رمضان (دوجي رمضان)🖤
الحلقة التالثة (3)🖤
.
.
حور ... ماتعصبيش حياتي جاية بنشوف ولدي ونطمن عليه بس لا أكتر
بسمة ... ماهووش ولدك واخر مرة نشوفك قدام حوشي فاهمة؛
حور كيف جاية بتتكلم قاطعهم حسن يلي قرب منهم وتكلم وهوا يشبح لأمه كيف معصبة ... السلام عليكم انشالله خير؟
حور تشوف لحسن وعيونها مليانة بدموع ... ولدي🥺
حسن شافلها بأستغراب ممزوج بصدمة!؟
بسمة نصدمت ونصعقت في مكانها😣!
حسن شبح لـِ أمه يلي ملامح وجها ماتتفسرش ورجع شبح لـِ حور ... منو حضرتك ماعرفتكش؟
حور مسحت دمعتها يلي نزلت وسكتت شوية وبعدين تكلمت ... أني جارتكم القديمة كنت نسكن هني قريبة منكم واهو دارت الأيام ورجعت نسكن قريبة منكم والحمدلله تلاقيت معاكم تاني مشالله متغير هلبا لين معاش عرفتك
حسن ابتسملها ... اهلا وسهلا بيك تفضلي خشي علاش واقفين برا
حور ابتسمت وهيا تتفحص في ملامح وجه كويس✨
بسمة تكلمت قبل ماتتكلم حور ... والله شديت فيها هلبا وقلتلها تعشي معانا لكن هيا رفضت وقالت مرة تانية
حور ابتسمت لِ بسمة ابتسامة تحدي وقالت لحسن ... اي ياماما مرة تانية نجي ونتعشى عندكم هي مع السلامه . ومشت؛
بسمة بدت ترعش مع بعضها من كلمت ✨ياماما✨وزادت اكتر لما شافتها خشت للحوش يلي مقابلهم؛!
حسن شبحلها كيف ترعش قرب منها بسرعة وهوا خايف ... أمي خيرك؟
بسمة دارتله لقطة بيديها بمعنى كويسة وخشت؛
حسن شاف للحوش يلي مقابلهم ولما قام عيونه في الروشن لقي حور واقفة وتبتسمله استغرب وخاف خش لحق أمه وسكر الباب؛
بسمة خشت للحوش تجري ركبت من الدروج؛
زينة شافت لريم بصدمة ... خيرها؟
ريم هزت برأسها بمعنى مانعرفش وفجأة خش حسن ... وين امي؟
زينة ... ركبت فوق لكن خيرها حسيتها مش طبيعية؟
حسن هز رأسه بالنفي وركب؛
ريم شبحت لِ زينة؛
بسمة سكرت باب الغرفة وقعمزت ع السرير خدت تلفونها تتصل؛
رياض ... هلا ياعمري
بسمة بخوف وصوت فيه رعشة ... رياض إنت وين؟
رياض ... في الشركة خيرك انشالله خير؟
بسمة ... جت حور
رياض ناض وقف من ع الكرسي ... نعم وين جت؟
بسمة وهيا تبكي ... جت للحوش ولا ح نزيدك من الشعر بيت سكنت في الحوش يلي مقابلنا💔
رياض مسح ع شعره ونفخ بقوة ... شنو جت شن تبي وشافها حد من الولاد؟
بسمة وهيا تشهق ... اي شافها حسن وقعدت تقوله ياولدي وكلام زي هكي تعالى رياض أني خايفة 😭💔
رياض تنفس بعمق وحاول يهدي روحه ... تمام ياروحي ربع ساعة ونكون عندك اهدي مش رح يصير شي؛
بسمة مسحت دموعها ... حاضر ماتعطلش
رياض ... تمامم . وفصل الخط وطول ضربت في رأسه فكرة؛
حسن واقف قدام الغرفة وهوا مصدوم من كلام أمه خش لغرفته بسرعة وهوا يقول حور؟ من تكون هادي؟
( رياض وبسمة قصتهم قصة وح تعرفوها مع باقي الرواية 🤍 بس الحلو في قصتهم انهم واخدين بعض عن حب كبير❤️ )
👑🔥 . . . . . . رِوآياّت . . . . . . 🔥👑
👑🔥 . . . . . . خديجة رَمضَان . . . . . . 🔥👑
ع سفرة العشي في حوش رجب🤍
أنت تقرأ
حقيقة مظلمة🖤(روايات ليبية)
Randomرواية جديدة جميلهه هلباا اقروها وادعموني ، خامس روايةة ليا🤎. لا أسمح بسرقة احداث رواياتي ولا اسمائهم!.🚫.
