တခြားသူသာဆို စိတ်တိုဒေါသထွက်မိလောက်မှာဖြစ်သော်လည်း ဟန်ပြောသမျှနားထောင်နေရချိန်မှာတော့ ဉီးဇန်အတွက်ချိုမြိန်သည်ဟုခံစားမိကာ ပြုံးနေမိခြင်းဖြစ်၏။
ကားပေါ်ကဆင်းသည်နှင့် ဉီးဇန်ဟာ အရင်ဉီးစွာ ဟန့်ရဲ့လက်အား ဖမ်းဆုပ်ကာကိုင်လိုက်၏။
" ဉီးဇန် ဉီးဇန် "
" ပြောလေ ဟန် "
" ဟိုကိုကြည့် လှလိုက်တာ "
ဟန်က စိတ်လှုပ်ရှားမှုအပြည့်နဲ့ ရေပြာအိုင်အား ညွှန်ပြကာ ပြုံးရီနေ၏။ ဒီနေ့ အချိန်တော်တော်ကြားကြားပြုံးရီနေသူ အမျိုးသားကြောင့် သူကိုယ်တိုင်သည်လည်းစိတ်ချမ်းသာရ၏။
" ဉီးဇန် ရေအိုင်နားကို သွားရအောင်နော် "
" အင်း သတိထား "
" ဉီးဇန်ရော လိုက်ခဲ့လေ "
" အင်း ကိုယ်လိုက်ခဲ့ပါမယ် "
ချစ်ရသော အမျိုးသားငယ်ခေါ်ရာနောက် လိုက်ရပြန်သည်။ မျက်လုံးလေးတွေကအစ အရောင်တလက်လက်ဖြင့်။
" ကျွန်တော် ဓာတ်ပုံလေးရိုက်ဉီးမယ်ဗျ။ "
" အင်း "
ဟန်က ဖုန်းကိုထုတ်ကာ သေချာပင် ရိုက်ကူးနေ၏။ ကျောပေါ်လွယ်ထားသော လွယ်အိတ်အား ဉီးဇန်က လေးမည်စိုးတာကြောင့် ဖြုတ်ယူပေးတာကိုပင် အာရုံမစိုက်နိုင်သော အမျိုးသားငယ်အား အနောက်ကနေ၍ လက်ပိုက်ကာ ကြည့်နေလိုက်တော့သည်။
ခဏအကြာတော့ အမျိုးငယ်ထံ သူငယ်ချင်းတွေက ဖုန်းဆက်လာပုံရသည်။
" တွေ့လား လှလိုက်တာကွာ "
" အေး မင်းပျော်နေ အဲ့မှာ၊ ငါတို့ကိုတောင် မခေါ်သွားဘူး "
" မင်းတို့ကလည်း ငါလည်း သွားဖို့အစီအစဉ်မရှိပါဘူး။ ဉီးဇန်နဲ့တူတူ လိုက်ခဲ့လို့သာ ရောက်လာရတာ "
" နောက်တစ်ခါကျရင် ငါတို့တူတူထပ်သွားရအောင် "
" အေး သွားကြမယ်လေ၊ ငါ ရိုက်ထားတဲ့ပုံတွေရှိသေးတယ် မင်းတို့ကို ပို့ပေးမယ် "
" အေးပါ ရုပ်ကိုက ရိုက်ချင်စရာ အဲ ဉီးဇန် ကန်တော့ ကန်တော့ "
ဖုန်းပြောနေတုန်း ဉီးဇန်နောက်က ပေါ်လာတာကြောင့် စကားတို့ပင် အရှိန်သတ်သွားရသည်။
YOU ARE READING
DEAREST
Romanceစိတ်ကူးယဉ်ပုံဖော်ထားသော ဇာတ်လမ်းဖြစ်သည့်အတွက် လက်တွေ့နှင့်လုံးဝမသက်ဆိုင်ပါ။ Sweet ပိုင်းပိုသွားတာမို့ အဆင်မပြေတာများရှိရင် ကျော်သွားဖို့ တောင်းဆိုပါရစေ။
Part 30*
Start from the beginning
