غسـق اللـيل

BART 18

- والله مو قصدي اجذب عليك بس جنت ضايعه ماعرف شسوي..

-: تؤ تؤ ما يشفعلج هذا الكلام بما انو وجهج توه صار زين ويشوفه الكل للأسف بس جسمج محد يشوفه غيري

هل مره اللعب على اصوله عروستي..

يحجي صاك على سنونه احسه على أي ساعة ينفجر بلعت ريك تقدم خطوات وانا جامده!
تحركت بسرعة اريد اسد الباب صار كبال الباب دافعة بكل قوه وهمجيه..

صرخت بخوف اول ما شافني ضربني راچدي نبت اصابع ايده بفروت راسي خليت ايدي بسرعة بس اريده يخفف على قبضته..

يضغط اقوه نزع حزام بنطرونه وانا جوا اتلاوا اريد اشرد منه تمنيت لو اكدر اختفي
نزعني الملابس بقى يضرب لحد ما تعب هو

نتهيت بقيت اتنفس بكل هدوء يادوب الهوه يوصل لريتي

شبح -: بعدني بالبداية لا تغمضين عيونج لج

غمضت عيوني غصبآ عليه بس شهكت بوجع من وكع عليه الماي الحار..
صرخت وتحركت اريد اوخر جراني مرجعني جوه الماي..

احسه يلسع بجلد كل ضرباته وتعنيفه هل مره على جسمي وجهي ما وصله ابد..
بس رغم هذا الشي احس بوجع..

وخر خصلات شعري الازكه من وجهي أنيت بوجع وحجيت بقلة حيله

- الماااي حاار

-: ميخالف انا كاعد احترك اكثر منج..

كنبص كدامي بلع ريك واردف

شبح -: سامحيني بس جان لازم اضربج الضاهر صرتي مازوخيه تعلمتي على الضرب والأهانه عروستي

ليش جذبتي ها؟ جنتي تخططين شلون ترحينلها مو؟!
ليش مهتمه الها كل هل كد؟ كلها خلك ***
بسجن..

بعدين تعاي اشوف منين جبتي الرسالة شلون وصلتج همم
احجيييي لججج لا تخبلينييي ..

شهكت بوجع من كلامه وصوته وحتى جسمي

- هيه. ااقصد انا مو كلش وياها والله اصلآ هيه الضربتني بسجين..
هيه السبب بسببها دخلت غيبوبة اسبوعين هيه نفسها..
مادري شتريد مني جنت اريد اذب الرسالة اصلآ..

شبح -: تستغبيني؟؟

- لااا والله دا احجي الصدك..

زفر انفاسه فرك وجهه جاب ملابسي لبسني بس بدي يوصل لركبي كومني من ايدي.
صرخت اوخر بيده مو مهتم لجروحي.

سحاني من الحمام لجوه الدرج بلعت ريك وانا اشوفه يفتح الباب المقفول خفت هوااي.
دخلني جانت غرفة ما بيها أي شي.