بين جنوني وبرأتك أنتقام (الأصلية)

بارت 21

فجرو البارت ماوصيكم 😁بجون مراجعه غلسو عل سحك والخطاء احبكممم مووت

#جنات بنت الجنوب
،،،،،،،،،،،،،،،،،،،

ماضيعت وجه العرف
باب الكلب سديته
#موقصدي ماحبن بعد
بس كلبي هجمو بيته
،،،،،،،،،،،،،،،،،،،،،،،.،،،،،،،،،،،،،،،،،،،،

،

روح، ،اباوع عليهم واني ابجي شكد اتمنه عندي أب صح خالي مايباوع عليها ولا حجه كلمه بس من اجت وحضنته لهفته مبينه بعيونه رحت اكمل شغلي

طلعت للحوش انضفه ومندمجه اغني

عذبنه البعاد نار الكلب زاد
لو تلحك علينه لو نصبح
رماد مشتاك لنفاسك ولطيبة
حساسك حاولنه نسيانك شنسوي مافاد

اغني بكل احساس وماسمع اله الباب ندك حيل رحت سريعةفتحته والصدمه هنا فتحت عيوني متفاجئه حجيت بلهفة أخوه

..يوشعع

يباوع بعيوني وعيونه حمر التعب مبين بملامحه متغير بهاذ السبوع السواد جوه عيونه ولون وجهه باهت موذاك يوشع الوجهه كله حيويه الدمعه تلوج بعيني حجيت كوه والغصه مصيطره على صوتي

يوشعع شجابك

يوشع، ،اجيت اشوفج

روح،،مشتاقتلكم يوشع مشتاقتلكم حييل

يوشع، ،رفع ايده خلاهه على خدي وحجه وعيونه مدمعه وهوه يميل راسه طك كلبي عليج روح مشتاقلج

روح، ،دموعي ماكدر اسيطر عليهم امسحهم وينزلون حجيت واني انشغ
واني هم

جاي احجي واسمع صوت حازم

هاي شنو شديصير هناا

روح،درت وجهي متفاجئه من صوت حازم والخوف مصيطر على اطرافي طلع صوتي مبحوح كوه ينسمع

حاازمم

حازم، ،هاي شنو شدسوين بل باب ولج وانته شعندك هنا واكف طول بطول ويه مرتي وانتي فوتي جوه بسرعه

يوشع، ،هييي حدك ولك

حازم، ،اي وشتسوي مثلا ولي منا لا اخلي دمك بطولك يالله

روح، ،رحت اليوشع اجر بي واني ابجي واحاجي

يوشع روح منا فدوه

حازم،،نزلت من دوامي وصلت الصبح اجيت للباب مفتوح فتت والكه روح وابن عمه واكفين هيه تبجي وهوه خال ادي عله وجها عقل ماضل براسي بيتي وتحجي ويه غيري. طردته والصدمني مجلبه بدي وتتوسل بي يروح تخاف علي صحت بيها بصوت

ولج فوتي جوه كتلج

روح، ،فتت جوه واني عيني على يوشع خايفه علي من حازم رغم يوشع اضخم منه دموعي مابطلن

حازم، ،شعندك هنا

يوشع،،مايخصك

حازم، ،شلون مايخصني وانته واكف طول بطول ويه مرتي