عشق الرعد الجزء الأول

10.2K 647 75
                                    

الفصل السادس عشر

جلست لارا بجانب چمان أمام الطبيب، فلقد اشتد ألم القلب بچمان كثيرًا كذلك زادت أعراض الحمل لتقرر لارا أخذها للطبيب، نظرت چمان باتجاه لارا ثم نظرت أمامها

الطبيب وهو يغلق ملف التحاليل : مبدئيًا كده مين اللي اداكي الحبوب كوسيلة لمنع الحمل ؟

نظرت چمان باتجاه لارا ثم للطبيب، بينما اردفت لارا : أحنا قولنا لحضرتك جايين نعرف إن كان في حمل ولا لا، وايه سبب وجع القلب

الطبيب بهدوء : بصي يا أنسة لارا مدام چمان هرموناتها مش مظبوطة وواضح قدامي إنها بتاخد موانع حمل، كمان من الأعراض اللي بتقولي عليها دي أعراض حمل أو أعراض حبوب منع الحمل، وهنا أقدر أقولك إنها أعراض حبوب منع الحمل بتحصل في أول تلت شهور بعدين الجسم بياخد عليها فبتوقف مع الوقت

ابتلعت چمان ريقها ثم قالت : أزاي ؟ أنا مش باخد حاجة

الطبيب بضيق : حضرتك أنا بقول كلام بدليل قدامي، بعدين هو حضرتك كنتِ بتعاني من اي تعب في القلب

أكدت چمان برأسها ليهز رأسه بأسف قائلاً : يبقى حلك تروحي لدكتور قلب لأن الوضع ساء بسبب الحبوب، مش أي حد ياخدها يا مدام چمان هي في العادي ممكن تعمل فشل او ذبحة بالك بالمريض فعلاً في القلب

شهقت لارا بخفة ثم وضعت يدها على فمها، اردف الطبيب وهو يكتب : دا اسم دكتور قلب كويس تقدري تروحي ليه، كمان توقفي الحبوب دي نهائي عشان الوضع ميبقاش أسوأ وبعد كده الحاجات دي متتاخدش بالدماغ، لازم دكتور نسا او أخصائي يحددلك الأنسب

فرت الدموع من أعين چمان بينما وقفت لارا تشكره، أخذتها وخرجت لتهمس چمان : أنا مباخدش حاجة يا لارا أزاي كده

لارا باندفاع : أكيد حد بيديها ليكي، ممكن جدي عشان متخلفيش يا چمان

چمان ببكاء : لو جدك فعلاً فهو مش منعني من الخلفة بس يا لارا، هو مرضني ..

★★★★★★★★★★★★★★

وقف يوسف في منتصف الفتيات يمسك ملعقة كبير يغني بها، وعشق ترتدي وشاح على رأسها تمسك بعض المال وتلقيه فوقه وفوق هدير التي ترقص بينما تمسك إيمان وعاء تطبل عليه

يوسف : كتكووووت ضعيييف الجناااح والدنيا غدرت بيييييه، كتكووووووت

عمار وهو يصفق : لعلع يا فنان لعلع

دخلت چيلان وفيها يدها وعاء تطبل قائلة : جاموسة راحت تقابل جاموسة يا عيني ملقتهاش ..

يوسف وهو يصفق : جاموسة يا ليلي أةةة دي لقيتها بقرة يا عيني

هتف الجميع في جنون : أةة

چيلان : لا لا اللا

عادوا يهتفوا : أة

عشق الرعد حيث تعيش القصص. اكتشف الآن