﴿ بسم الله الرحمن الرحيم ﴾
بقلمي : بتول علي
" نيران انتقامي "
< لا تنسون التصويت والتعليق عمري ،
متابعه لحسابي >
« قراءه ممتعه »
...........................
ردت اكعد على الكرسي وصاحت امي
نوال :- وين كاعدة ماكو غده كومي انتِ صبي مگرمه ماعندج ايدين
ردت احجي وكالت بيبيتي
:- شبيج تصيحين ماتشوفين البنت ايدها محتركه ورجلها مكسوره
كالت امي وهيه رافعه اديها تدعي
نوال :- وأن شاء الله ابو زايد وما تتهنى
بحياتها ولا لحظه وكون موتها اليوم قبل بأجر وهيج واخلص منها اكون اسعد انسان بالدنيا
يوم عن يوم صدمه جديده يوميه اشوفهم
على وجوهم الحقيقية امي هاي يابشر شما تسوي تبقى امي ماشايفه ام تدعي على ضناها يعني لهدرجه وصلت بيها تدعي عليه بالموت غصه بلعومي صارت ،
كمت اتنفس كوه واشهك اريد اطلع وكعت العكازه مني دنكت اريد اشيلها وكعت ابجي واناشغ جسمي كله يرجف اجت هبه ساعدتني اكوم وتهدي بي
- كافي لا تبجين حسبي الله ونعم الوكيل
كافي يابعد عمري والله گطعتي كلبي
مستمره ابجي واناشغ وامي تباوع وتبتسم
هيه وبناتها ما اعرف شبيها وياي وصلت بيها تدعي عليه لهدرجه عماها الحقد والكرهه همست لـ هبه وصوتي كوه يطلع
- هبه طلعيني اختنكت ما اطيق شوفة وجههَ
هزت راسها وطلعتني للحديقه جان الجو
حلو وبارد وكفت بنص الحديقه اريد اصرخ واطلع كل البداخلي تعبت تعبت ومحد يحس بي رفعت راسي لـ السما وافرك بلعومي اريد الغصه تروح
غمضت عيوني وحسيت بنسمه هوه بارده
سرت بجسمي كله ارتاحيت بس ما نسيت كلامها مسحت دموعي وعدلت نفسي
وهمست لـ روحي اهدي نفسي
- كافي هازال كافي انتِ متعوده يوميه صدمه مو جديده عليج كافي لا تبجين يارب انطيني القوه والصبر تعبت يارب بس انت سبحانك وتعالى تگدر على كل شيء اللهي بحق الحبيب المصطفى (صلى الله عليه وسلم) اريدك تبرد كلبي وتفرحني وتزيح عني الحزن اختبارك صعب ياربي اعترف مو گده اني الفرج يارب
لا تخذلني
مسحت دموعي وغمضت الشهكه شكت
صدري اجت هبه تحجي بهدوء
- هازال عمري شبيج احجيلي
- هوه شنو المابيه كليلي شنو ههه هسه اني اكلج شبيه
-امي دمرتني
امي كسرتني
امي عيشتني بجحيم
امي حطمت طفولتي
امي عيشتني بخوف
امي خلتني أكره روحي
امي عذبتني واني طفله
امي دمار حياتي ونفسي
امي دمرت أحلامي وأمنياتي
امي هيه سبب بكلشي يصير وياي
امي حتى بأحلامي ما عافتني تعذبني
امي حركت ايدي بكل برود وما رفلها جفن
امي خلتني ما انام ليلي اذا ما تنزل دموعي
امي خلت عمري يمشي سريع وما افهم شي
امي بسببها وسبب تفرقتها خلت ناس تكرهني
امي خلتني اتمنى الموت واني طفله وما اعرف شنو الحياة
أنت تقرأ
نيران انتقامي
Action' الرواية الأولى لـ الكاتب عادةً هي روايةً تعليمية يتعلم من خلالها كيف يكتبُ ، ونيران انتقامي أول روايةً ليِ ' بـ قلمي : بتول علي 🤎✨.
