صدف

9

#صدف
بقلمي :زينب أمير

امي تبكي وخالتي تبكي ونحن نضحك ونبكي غايتوو يوم ملئ بالمشاعر كان،، بعدها دخلنا جوه بعد كنا واقفين جنب الباب،،، امي قالت ليهم ادخلو الغرف ارتاحوا وفعلا مشوا،، جهزنا الصينيه وجو نازلين اتغدينا مع بعض،، كلنا كنا مبسوطين،،،، ابوي واخواني طلعوا لصلاه المغرب خلينا امي وخالتي مع بعض ونحنا طلعنا فوق اما أحمد( ود خالتي) ده ولا اتفاهم مشي طوالي نام،،،،قعدنا نتونس شويه ونحضن بعض شويه هههه تاني صلينا وتمينا ونستنا،، زينب قالت لي دايره اشوف العريس ابتسمت قلت ليها تمام،، مشيت صفحتو ورويتها الصور قالت لي م شاء الله والله دي عملتيها كيف دي ضحكت قلت ليها الحظ الحظ وضحكنا مع بعض  (بمناسبه الكلمه دي "الحظ" عندها قصه براها لمن نكون طالعين مشوار أو أي مكان تاني ونكون بنجهز حتى لو مكان عادي بنلبس لبس سمح وأنيق ف لمن لمياء تقعد تشاغل فيني وتقولي لي ده شنو الجمال ده ماشه وين انتي اصلو ف بقول ليها الحظ الحظ يعني م معروف يحصل شنو بمعنى تاني أمكن يجيني عريس لمن يشوفني حلوه كده!! فهمتووووني؟ ) م طلعنا نهائي من الغرفه بنتونس مع بعض،، زي 12 مساء كده اتصل على رامز وديلك بشاغلو فيني وبضحكوا! رديت ليهو قال لي مساء النور قلتا ليهو صباح الخير ضحك كده قال لي كيف قلت ليهو الساعه 12 وخمسه دقائق معناها يوم جديد قال لي م فكرت فيها والله قلت ليهو عادي قال لي اشتقت ليك عرفني خجلت علشان م رديت عليهوو قعد يضحك بصووت قال لي بكره امي جاياكم خالتك وصلت صح!؟ قلت ليهو ايوه قال لي تمام فضلنا نتكلم ونتكلم  رقدت في السرير وبتكلم معاهو م حسيت لقيت روحي نمتاا....

اليوم التاني صحيت زي 10 كده لقيت البيت بره جايط قلت ليهم صباحكم خير الحاصل شنو خالتي قالت لي صباح الخير ي بت عرسك حددوهو بعد شهر قلت ليها كيف يعني بعد شهر،،، أسي عليك الله شهر انا بسوي فيهو شنو م بكفي لي،، امي قالت لي براك متجرسه ماف شئ اسبوع بس ننتهي من حاجاتنا وتاني نحبسك م رديت عليها بس فعليا كنت زعلانه انا م عايزه عرسي يمش سريع كده عندي حاجات مخططه ليها من زمان دايره اعملها في اليوم ده،، مشيت اتصلت ع رامز وكلمتو انو شهر بسيط وكده قال لي م مشكله نخليهو بعد شهرين كده كيف قلت ليهو حلو جدا تسلم لي ي انا ضحك وقال لي ما شاء الله بقينا نعرف نتكلم قلت ليهو شفت كيف...

مع الضهر كده جونا ناس خالتو صفيه ومعاها أخواتها اتنين ونسه وضحك وقهوه وفشار اليوم كان ظريف بعد قالت لي تعالي اقعدي جنبي مشيت قعدت جنبها باستني في راسي وقالت لي منتظراك بفارغ الصبر متين تجي بيتنا وتنوريهو،، قالت لي انا ربنا م رزقني ب بنت بس رزقني بيك انتي قلت ليها تسلمي والله عيوني دمعو بوستها في رأسها برضو واحده من اخواتها قالت،، ربنا يديمها بيناتكم قلنا ليها امين.. اتغدوا معانا وكانوا طالعين خلاص امي كلمت ابوي عشان يجي واحد من اخواني يرجعهم بس ابوي قال ليها رامز أسي قال جاي اعملي لينا شاي لبن وكلميهم امي قالت ليهو تمام ينورنا ما شاء الله والله الود خلقه وأخلاق ابوي قال ليها فعلا والله وامي مشت كلمتهم وجاتني كنت في المطبخ قالت لي اعملي شاي لبن رامز ده قالو جاي..

يتبع...