مشت الايام بسرعة ويمر شهر ورا شهر والايام ماشية بسرعة وصراع جويريا مع ام عنان للحينها موجودة وكرهها ومشاكلها مع حنان الي للحينة موجودة مهما صارو خوات وحنو على بعض يبقو ضرايير وعلى كل صغيرة وكبيرة يتهاوشو خاصة بعد ما جابت حنان ولد ثاني زادت بينهم المنافسة والهواش على كل شيء
قاعدة جويريا وام عنان وخلود وحنان بالحوش والجو مرة يجنن وفي صوت رعد بالخفيف
ام عنان تقوم:خلي ندخل شكله بيمطر
خلود تقوم بسرعة :رايحة اخذ الملابس لا يتوسخو وارجع اغسلهم
ام عنان :ايه قومي بسرعةة يا بنت يا ويلتس لو طاح منتس وحدة بالارض
وقامو كلهم وثامر راح يلعب بالمطر الي توه بدا ينزل
حنان :تعال ثامر لا تروح تلعب لا تمرض
جويريا تقوم :خلييه يلعب يا شيخة تبون المطر بس تهابونه كيف ذي
حنان :بيمرض تراا بعدين انا الي اقعد عنده مب انتي
جويريا :ثامر حبيبي العب العب امك تبالغ
وقامت هي بعد :انا بعد جاية معك
ام عنان :يا ويليي ارجعيي لا يصير بالولد الي فبطنس شي من الرعد ترا مب زيين
جويريا :توك صرتي تخافين علي
ام عنان:انتي روحي معلي منتس حفيدي فبطنس ترا
جويريا :اف ما يصير شيء
وبدا المطر ينزل بشكل اسرع
وثامر وجويريا يلعبون
ام عنان لفت لحنان :وانتي روحي خذي ولدتس وحطيه بحضنس لا يموت من الرعد
حنان :حاضر
وطلعت فوق لغرفتها تركض
بهاللحظة اندق الباب بقووة
ام عنان :افتحي الباب لاخوتس يا خلود بسرعة
راحت خلود تفتحه بسرعة وهي مو مغطية نفسها وانصدمت بشخص ما تعرفه رجعت قفلت الباب بسرعة
خلود :يمامي واحد معرفه
ام عنان :يمه منهو يجينا والدنيا مطر قولي له مين
خلود من ورا الباب :مييين
فيصل :جوييرياا موجودة ابيها انا ولد عمها
خلود ناظرت جويريا :ولد عمتس
جويريا استغربت وقربت من الباب بخوف :فيصل وش صايير اختي فيها شي
فيصل :الحقييني اختس بتولدد
جويريا ضربت صدرها :وشش وينها الحين طييب
فيصل :بالبييت مو راضية اخذها المستشفى تقول ابي اختي
جويريا ضربت خلود :روحي جيبي عبايتي بسرعةة
ام عنان :يويلي وين بتمشيين والدنيا مطر تستهبلين انتيي
جويريا :اختي بتولد تبيني اقعد عندتس واقابلتس يعني
خلود جابت لها عبايتها :خذي
لبستها بسرعة وطلعت لفيصل
ام عنان قعدت وهي تضرب رجلها :بتجلطني هاذي طلعت مع ولد عمها
خلود :يمه اختها بتولد وش تسوي يعني
طلعت السيارة بسرعة وهي تقول :بسرعة يا فيصل بسرعةة
وفيصل يسرع بالسيارة وهو متووتر ما قد مر بموقف زي كذا قبل والتوتر واصل الفه
دقايق و وصلو البيت ونزلت جويريا بسرعةة وتركض وهي ناسية انها حامل اهمشي عندها اختها الحين
دخلت البيت عندها وشافتها عند الباب واقفة وماسكة بطنها بآلم راحت عندها بسرعة وهي تمسكها
هيام :جويريا تكفيين بموت من الوجع
جويريا متوترة :شوي يا روحي تحملي الحين ناخذس المستشفى
ودخلت الغرفة وهي تدور عبايتها ولقتها واخيرآ ولبستها لهيام الي شوي وبتموت من الوجع
وطلعتها للسيارة وركبتها
جويريا :فيصل بسرعةة للمستشفى بسرعةة
وفيصل حرك السيارة بسرعة والدنيا مطر مو شايف الطريق زي الناس
هيام تشد بيد جويريا الي ماسكة يدها :تكفى بسرعة يا فيصلل
فيصل :طيب بس شوي ونوصل
وهو اصلا من الربكة لخبط بالطرق وراح طريق مب للمستشفى والمكان ضباب شوي من المطر
فجاة بدون لا يحس فيصل بغى يضرب السيارة بالعامود بس وقف بآخر لحظة
جويريا مسكت نفسها :بسم الله وش صار
فيصل وقف شوي يسترجع انفاسه الي انحبست
هيام شدت ف بطنها بآلم :تكفون بسرعةة مو قادرة اتحممل الوجع
فيصل رجع شغل السيارة بس عيي السيارة تشتغل
جويريا تناظر فيصل :وش صاار
فيصل يضرب الدريكسون بقوة :الله ياخذذذك
ونزل من السيارة الي خربت بوقت مو وقتهاا
جويريا تضرب الكرسي :مب وقتهاا مب وقتهاا
هيام :يا ربيي
جويريا :تحملي شوي يا روحي شويي بسس
احترت فيصل شوي بس تأخر راحت عند الشباك وهي تطل وتناديه :فييصل
فيصل جا عندها :خربت السيارةة وش نسوي الحين
جويريا :يا ربي وقتها تنخرب اختي بتمووت يا رجال سوي شي بسرعةة
فيصل :بحاول اصلحه
جويريا :بسرعة يا فيصل بسرعةة
راح فيصل يحاول بالسيارة
وجويريا عند اختها تحاول تهديها بس هيام مو قادرة. بتموت من الآلم على شوية بتولد بالسيارة
وقفت سيارة عندهم ونزل منها شخص وهو يقرب من فيصل وهو يقول :تحتاجون مساعدة؟
فيصل ما عرفه لانه كان متلثم :لا شكرآ اخوي
نزلت جويريا بسرعة يوم شافت السيارة وقفت عندهم
الرجال :انت متأكد ما تحتاج مساعدة
جويريا قالت بسرعة :ايه نحتاج مساعدة تكفى خذنا لاقرب مستشفى
الرجال مشى لسيارته بسرعة وهو يقول :بسرعة . اركبو السيارة واوصلكم
جويريا ما صدقت وبسرعة نزلت اختها من السيارة
فيصل جا عندها :جوييرياا ما يصير رجال غريب عننا
جويريا :تستهبل اختي بتموت وانت تقول رجال غريب سري بس
فيصل وقفها مرة ثانية :ما يصير يا بنت الحلال
جويريا ضربته كف وبعدته من وجهها وركبت السيارة
وفيصل اضطر يركب معهم بعد ما قفل سيارته
وعلى طول لاقرب مستشفى وهيام بالسيارة تحاول تكتم شهقاتها بس ما قدرت
وصلو المستشفى ونزلو ودخلو هيام قسم الولادة وجويريا وفيصل والرجال واقفين برا
الرجال واقف شوي مسافة عنهم وهو عرفهم من هم بس هم ما عرفوه بحكم انه كان متلثم وما تعرفو عليه
أنت تقرأ
من حضرتك عشان قلبي تذله
Randomخمس خوات يموت ابوهم ويزوجهم عمهم كل وحدة يزوجها شخص اسوء من الثاني ويطيح حظ بطلتنا عند واحد متزوج ما بغى يتزوجها الا لانه شافها دخلت المجلس وهي تصارخ على عمها وتهدده انها بتذبح نفسها لو يزوج خواتها لا تحكم على الرواية من غلافها ادخل وغوص في اعماقها...
