الجزء الثالث من قصه ـ في ضريح العشق حمامه ....💙🕊

اغلفه ومشهد

سيظل لنـــــا مع الغروب حكايا....
و تظل ذكرياتنا معه سفينة تحملها شواطيء الأمنيات
ننتظر مرساها لنهمس إليها وتهمس إلينا بأجمل الإبتسامات
أسعد الله مسائكم و كل أوقاتكم بالخير و السعاده.

مساء الورد والياسمين
مساء جميل مثل جمال عيونكم ❤️❤️

#توضيح.

بالفترة الأخيرة هواي جاي اقرأ تعليقات تخص القصة البعض يگول ممله والبعض الاخر يگول ماكو داعي لذكر هاي التفاصيل...

َمن يوم بديت اكتب القصة متابعاتي يعرفوني كل تفصيلة اذكرها الها ربط بحدث مستقبلي او حادثة معينه...
بطلاتي كذا مره طلبو مني اختصر بالأحداث لكن من يسردون اللي الحدث واشوف ارتباطه بحدث ثاني اشوف نفسي ما اگدر اتجاوزه لان هنا كتاباتي راح تفتقر للدقة اللي تعودتوها مني..

على سبيل المثال اول ما وصلتني القصة بدون تفاصيل دقيقة كنت ما ادري بحادثة خطف الياس ولما وصلنا لهذا الحدث طلبت المها ما نذكره هي ومسك لان الكل يعرف الحادثة شگد مؤلمة ومو هينه عليها ترجع تذكر تفاصيلها...

اني اصريت اذكرها بأعتباره حدث كلش مهم والتفاصيل اخذتها من ميس.. وهن اثنينهن ماقرن البارت.

يعني لو اختصرت هذا الحدث وما ذكرته مثل ما البعض تريد اختصار بالقصة كان ما عرفتو شجاعة مخلد وانقاذه الحيد..
كان ما عرفتو سبب عداوة موفق لمخلد..
كان ما فهمتو سبب المشكلة بين رياض ومخلد أساسها شنو وليش..

كان استغربتو موقف موفق
والدعوات الكيدية بحق مخلد..
كان ما فهمتو ليش موفق يجي يهدد ويتوعد لمحمد
من مخلد خطب مسك ويگله خليت ايدك بيد عدوي وناسبته..

كان الياس من ذكر هو ممتن لمخلد ويفديه بروحه
ما عرفنا ليش..

ڪان ماعرفتوا مخلد ليش  عقد محڪمه والاتفاق الى ان تتخرج ياله يعقد.

شفتو حادثة خطف الياس شلون حدث مهم ومرتبط بشكم حادثة ومشهد..

من اذكر ابسط تفصيلة مو لان مثل ما ذكر البعض حتى اگلكم بارت طويل لعيونكم لااا... لان اني على قناعة اني كل تفصيلة َمهمه
وهذا اسلوبي بالسرد اللي يعجبها طريقة السرد مالتي
مليوووووووون هلاااا على گولت الذيب..
واللي ما حابه الطريقة هم مليوووووووون هلااا بكيفها تريد تترك القصة تريد تعبر الفقرة براحتها واذا تعلق تعليق سلبي صدگيني ما يأثر عليه بشي لان ما راح
اخذ برأي القلة القليلة واني متابعيني  بالآلاف واقرأ منهم أجمل العبارات..
اني كل هذا وعلى مقدرتي احاول ما اقصر وياكم يعني تعرفون كلنا عدنا مسؤوليات بيت واطفال
من غير الدوام وكل هذا اخذ من وقتي حتى اكتب لان اللي يشجعني على الكتابة تعليقاتكم الحلوه مثل گلوبكم..
شگد حاولت اختصر أحداث واعبر مشاهد بس صدگوني ما گدرت... كنت ناويه اختم الجزء الثالث بڪم بارت بس
بعد ما توصليني التفاصيل من البنات اللي مستحيل اگدر اتغاضى عنها ما گدرت..

وشي ثاني شفت تعليقات عن ذڪري لابو مختار البارحه انطيڪم معلومه ميس احتجت ؏ اتهامڪم اله بالضعف اڪثر من اسيل.

وبينت هو انسان شخصيته قويه ومحب لاهله وعيلته بس الابتلاء اللي واجب بره سبب مشاڪلهم.

ميس ذڪرتلي المواقف وڪلام الحيد عنه.

والرابط راح تشوفون بالاحداث الجايه شلون يقطع راس الافعى ويبتعد ويمنع اي يتدخل رغم المحاولات من الغدار.

وشلون يمشي ڪلمته ؏ الاغا بخصوص هديل وطيبه والبقيه.

اعرف طولت عليكم بس بيكم أنجح واكبر واتألق بقلمي..
شكراً لكم لتفهمكم وضعي
وتحياتي القلبية لكل تعليق حلو ينطيني طاقة حتى ابدع
احبكم. 

ــــــــــــــــــــ
اغلفه ـــ

مشهد.

نسيت اللي مر عليه والظروف الصعبه اللي اجتمعت ڪلها بــ آن واحد لمجرد اتذڪرها اگول شلون اتحملتها اني؟؟!!

نسيت غدر عمك اللي يبين لابوي مامتربيه ودخلت بعيونهم؟

لو عمامي اللي ماترڪوا حيله واسلوب لحتى اڪون هدية صلح.؟

لو اخوالي اللي ڪل واحد اغلى من روحي وهم يتمنون موافقتي لو جدو عبدلله اللي مااعرف شنو اوصفه.

لو نزف عيوني لو اعتلال عضلة گلبي لو صداع الشقيقه.

ڪل هذا اتحملته وما صرت لغيرك. وبقيت انت القابع بثنايا الروح.

شنو الاصعب من هذا ڪله.

ما اصعب منه الا قرارك اليوم.

ياريت لو بس گايل ننفصل والسبب المشاڪل والغدر اللي صار.

ابد ما حبيت جملته اذا ڪملتي حياتج وي غيري وعشتي سعيده افرح.

اي افرحلي مشڪور ماتقصر بس ما اعيشها وي غيرك.

لان نظريتي الزواج مو نهاية العالم.

اعيش لنفسي وبين اهلــي اللي مالهم مثيل.

الزواج ما يڪملني الحمد لله والشڪر اني مڪتمله بنفسي وذاتي وطموحي وشهادتي واهلي.

ليش هي الابوها محمد واخوانها الحيد واوس وانس تحتاج مڪمل لحياتها.