.
.
.
.
صُبي ليَ القهوةَ الشقراءَ سيدتي
و عَطريها بما يَنسابُ من نَفسكِ
لا اَشتهي انا لونَ الزعفرانِ بها
يَكفي الذي شعَ فيها مِن سنا قَبَسِك
.
.
.
.
ذكرى.
استمتعوا....
____________________
____________
بابل
مهرة
بست راس أمي وهي كمشت وجهي تبوس بخدي.
-الأكل راح اعوفه على الطباخ بس ترجعون شغلو عليه نار.
ابتسمت وهزيت راسي الهة.
مرت سنتين على وفاه أبوية وبدينة نرتب حياتنة ونحاول شگد ما نگدر نرجعهة طبيعية، رغم الأثر بعدة موجود بس نحاول نغطي عليه شگد ما نگدر.
صحت بصوت عالي: يلا ولج يناير راح نتأخر، أسامة واگف بـ الباب !!
فاطمة: ولج لا تصيحين !
مهرة: متشوفين تأخيرهة ؟
اجة صوت يناير: اي هياتني ثواني بس الم كتبي !
طلعت برة انتظرهة بـ الباب والابتسامة مالية وجهي، لان الجو كلش حلو، شوية واجتي يناير ورحنة ثنينة صعدنة وية أسامة.
بدة يسوق واني اباوع من الجامة على الطريق بهدوء، شوية ووصلنة ونزلنة وهو بعد راح لشغله.
يناير صف رابع اعدادي واني سادس اعدادية وثنينة بنفس المدرسة..
رحت گعدت على رحلتي صايرة قبل الاخير من جهة الحايط يم الشباك، المكان الي گضيت حياتي من اول ابتدائي لحد هسة سادس اعدادي بيه، مستحيل اغيره.
اجتي صديقتي سارة وجايبة وياهة الكتاب تريد اشرحلهة مثال، اخذته وكلت.
-جيبي قبل ما يبدي الامتحان.
بديت اشرح الهة لحد ما دگ الجرس ودخلت المدرسة علينة وبدة الامتحان.
جانت الاسئلة بالنسبة الي مفهومة وسهلة كلش بس سارة الي بصفي كلساع اطخني تريد مني غش واني بگوات انطيهة الكلمة.
أنت تقرأ
مهرة العنيد
General Fictionأشعر أن لي قلبين حين أكتب عنك وأن لي ست حواس، أشعر بأنك رئتي الثالثة ونافذتي المطلة على بحرٍ شاسع.. أبجديتي التي لا أحد يجيدها غيري.. حرفي التاسع والعشرون، والشهر الثالث عشر من أعوامي، كأنك دهرٌ بأكمله كأنك شيئٌ عظيمٌ أعجز عن وصفه شيئٌ يستحيل إعطائ...
