.
.
.
.
( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا )
.
.
.
.
ذكرى.
استمتعوا....
____________________
____________
مهرة
باوعت عليه بدون كلام وأمي حطت أيدهة على جتفة.
-يمة عليك العباس تعديهة منريد مشاكل !
أسامة: اني مالي خلگ مشاكل، واذا يريد يشوف البنات عادي !
باوع علينة وهو رافع حاجبه واني نفيت براسي.
-ماريد اشوف أي أحد.
أسامة: ليش مهرة !
مهرة: ماريد اشوف أي أحد منهم اتمنى تتفهم هذا الشي ومتجبرني.
هز راسة: لا ماجبرج اني.
باوع على يناير الي نفت براسهة هي هم وهو طلع برة وسد الباب وأمي باوعت علية.
-ليش متقبلين عود ؟
مهرة: مدا اتقبل اشوف احد من جهة بابا بعدني ضايجة.
فاطمة: بالعكس المفروض تردين تشوفيهم هذول عمامج من ريحة أبوج !
نفيت براسي: ماعرف والله بس حالياً مجاي اتقبل أي شي، لو عمي سلام الله يرحمه جان ممكن اقبل بس غيره ماگدر.
هزت راسهة بدون كلام واني رحت لـ الصالة، أمي وأسامة ميجبرونة على شوفة عمامي وولدهم ابد بس اني الي رافضة وعلى رفضي يناير هم وياية.
حتى بفاتحة أبوية اجوي عمامي وولدهم كلهم بس بدون النسوان مشفت لا بنات عمي ولا نسوانهم.
وأسامة كلي يردون يشوفوكم واني رفضت رفض قاطع وهمة لحو كلش على أسامة واني ويناير دخلنة لـ الغرفة وقفلنة على نفسنة وحتى سمعت واحد من عمامي يحاجيني من ورة الباب هو وواحد من الولد مگدرت اميز صوته ابد بس جان هادئ كلش واني مرديت عليهم ابد، وأسامة اعتذر منهم.
الشي الوحيد الي شاكرة الله عليه أسامة مجاي يجبرني على هذا الشي ومخليني على راحتي، وممكن تفهم عمامي هم !
ممكن يعني !
مرجع أسامة بقة برة ومن خابرناه كل راح واني طالع.
صعدت فوگ وكملت الواجبات الي علية ورحت نمت مباشراً لان عندي دوام الصبح.
بس يناير لا تحب تسهر، تنتظر أسامة وتاخذ منه التلفون وتگلب بيه.
أنت تقرأ
مهرة العنيد
General Fictionأشعر أن لي قلبين حين أكتب عنك وأن لي ست حواس، أشعر بأنك رئتي الثالثة ونافذتي المطلة على بحرٍ شاسع.. أبجديتي التي لا أحد يجيدها غيري.. حرفي التاسع والعشرون، والشهر الثالث عشر من أعوامي، كأنك دهرٌ بأكمله كأنك شيئٌ عظيمٌ أعجز عن وصفه شيئٌ يستحيل إعطائ...
