مهرة العنيد

بارت 3

.
.
.
.
‏التحديات هي التي تجعل الحياه مثيرة
والتغلب عليها هوة ما يجعل للحياه معنى.
.
.
.
.

ذكرى.

استمتعوا....

____________________
____________

نيار

لازم تكمش انسانيتك من تشوف العالم ترخي حبلهة عنهة، لازم تكون انسان قبل ما تكون ذكي وغني ونظيف ومثقف، لان كل هاي الاشياء راح تسقط اذا سقطت انسانيتك.

من ادمر حياه شخص علمود تسوي الشي الي بالك هنا انتَ مو انسان ولا بداخلك ذرة رحمة !

ماگدر اني احجي عن شعور أمي وهي وگعت جوة رحمة هيج شخص، لان أمي ماتت قبل ما تعبر وتكول هيج وهيج صارلي.

جانت طول الوقت ساكتة ومتحجي، والي جان يشهد على عذابهة هي أمهة، الشخص الوحيد الي بقالهة والعاجز يسوي شي.

عقدت شيخ ومن اول يوم بالعقد اخذهة ومرجعهة الا اليوم الثاني، وجان مرجعهة وجهة ممبين من كثر الضرب.

جابتلهة أمهة وحدة جانت تعرف بالاعشاب وگعدت تضمد الهة وهي تحجي على أمهة ليش وافقت وتعرف بيه موزين والجواب جان السكوت..

بطلهة من المدرسة وعافهة بيتهة وية أمهة بدون ما حتى ياخذهة عقد محكمة، كل يوم يجي لازم كل شي جاهز واذا اكو نقص بسيط تاخذ جزاهة، حسب ما يسموهة همة.

تمر الايام وهي كل يوم تعيشه اسوء من الي قبله، لحد ما اجة اليوم الي انرسمت على وجهة ضحكة.
وصفتلياهة بيبي نجوم بـ ضحكة ملائكية جانت.

من حملت بـ اول طفل الهة، من اول ما فحصتهة المرية وكلت حامل تفتحت ورود الجوري بخدهة ورجع الحياه الهة.

بحيث ضلت اليوم كله مبتسمة وحاطة أيدهة على بطنهة بفرح..

مدامت هاي الفرحة الا يوم واحد لان من عرف طارق بيهة حامل شافت الموت بعيونهة.

نگدر نكول الحمل الاول عدا على خير رغم كل الي مرت بيه بس الحمد لله استمر الحمل وجابت بنوتة خلتهة اول يوم متنام من كثر ما تأملتهة.

بس تعبهة والمرض الي اجاهة مساعدهة تتهنى أبد، بدة جسمهة يتعب اكثر واكثر رغم صديقة أمهة اخذتهة يم دكتور بس مصارت احسن وانما حالتهة جانت تسوء اكثر واكثر.