كبرياء اليمامة (متوقفه مؤقتاً)

6

كبرياء اليمامة 🖤🕊️
#حورحيدر
#الانستا: enghour98
#الواتباد:eng_hour
Tik tok: enghour1

تابع الصفحه وصوت للبارت فضلا وليس امرا †

#يحلوه مشاركه للبارت ♥️-علقو بين الفقرات 🆕

مر على موضوع الخطوبة اسبوع، سعد وابوه يعرفون الرد بس بنفس الوقت ما فقدوا الامل مع طول المدة على الرد

بيت ابو درع وابو سعد چانت الاوضاع تسودها التوتر والقلق تريد مع انتظار الرد...

بس الشي الجان ابدا مو متوقع ابيت ابو درع... هو درع وحالته العصبيه اللي جان طول الوكت معصب ويترفز على اتفه الأشياء بسبب تأخر رد اليمامة ...

چان مثل الكبريت محد يگدر يحجي وياه يگب بوجهة...

وبعد اليوم الرابع صار يروح ويرجع لامه يسألها ردو لو لا... ويرجع يسأل ما ردو عليكم...

دخل درع للبيت صعد لغرفته گبل ما اله خلگ يشوف احد...
بعد ما طلع من الحمام درع وبيده المنشفه وگف كدام المرايه يمشط شعره وهو يشوف الشعرات البيض المخالطه مع الاسود ... عگد حواجبه من ادت بيمامة اباله شنو اليخليها تتأخر بلرد عليهم كل هل وكت...

همس بعصبيه وهو يشمر المشط...
على شنو شايفها نفسها وتتعزز بالرد وهي اول وتالي توافق توافق...
عجل تريد تبين للناس انه ما اناسبها... وتفكر مليون مرة گبل لا توافق...

عض شفته بقهر... الله يلعنو بلسيچ لهل درجه وصلت بالغرور العجيز...

رش عطر باستعجال وهو يدردم... ما بقى بس ترفضني تسويها والله هلمعثورة...

رجع باوع لروحه بثقه وغرور... لاااا لااا لااا مستحيل تسويها اصلا هيه تريدني ولا ما انتظرتني كل هل سنين...

گعد على الجرباية وهو ياخذ جگارة ... يتذكر من اتخرج من السادس چان يريد يتزوج مثل اي شاب...

وابو ما قبل كله ما الك غير يمامة...اصبر على البت بعدها بالابتدائيه خليها تصير بالمتوسطه ويصير خير ...
بعدها دخل العسكرية ست سنين وتركها قرر يرجع يكمل
دراسه...
ويوم راد يسافر يكمل دراسته برا وراد يتزوج وياخذ زوجته كبرت...

گالو ما الك غير يمامة بس هي تريد تكمل جامعة ومتريد تتزوج هسه.. اصبر شويه بين متكمل

كرهت يمامة من كثر ما دخلوها بمستقبلي وحياتي...
بس صبرت وسافرت ودرست سبع سنوات تخصص وخمسه ممارسة وسنتين زمالة...

عجل لو هي متريدني ما حچت؟؟.
چان من اول مرة رجعت بيها تخصص و ما خطبتها... قبلت بغيري ما انتظرت سبع سنين ثانيه...

بس شلون ترضى بغيري وانه ناهي عليها وحاجزها وبدون رضاي متعرس...

لو جنابها تختار بيني وبين الزعطوط هجرس تسويها...