طلعت انايا الحوش وانصدمت وهي تشوف البزران موسخيين وهي توها منظفة صرخت بصوت عالي :يا كلااااب والله يا ويلكم منييي
طلعت شحاطتها وهي تصارخ:والله بتنظفون غصب عنكمم لعبونكمم من بزراااان
وتركض وراهم:والله لا طحتو بيدي يا ويلكمم
والبزران ينحاشو منها ويضحكون مستانسين انها تلعب معهم
مسكت ولد عمتها من اذنه وهي تقول :يا ويلك منييي طحت بيدي واخيرآ قدامي يالله نظفف
فيراس يصرخ:اي اي اذنيي
بهاللحظة دخل ادهم
وفيراس صرخ وهو يقول:خالووو الحقنييي بتذبحنيي
انايا بسرعةة لبست طرحتها
ادهم استغرب بس قرب وهو يقول:اشفي وشصاير
فيراس ماسك اذنه :شوفها تشد اذني وانا ما سويت شيي
انايا طلعت عيونها :كذااب موسخين الحووش وانا توني منظفتته وتكذبب بعدد لعنبوكك
ومسكت فمها وهي تستوعب انه ادهم واقف
ضحك ادهم وبعدين قال لفيراس :موسخ وتكذب بعدد قم بسرعة انت و وراعينك الثانية ولمو كل شيء
فيراس :بس مو انا
ادهم:بلا بس وبلا كلام زاايد قم بسرعةة ولا ما يصير طييب مو حرام عليكم من الصبح المسكينة تكرف وتجو توسخو انتو كذاا
فيراس :طيب
ادهم:واسمعو كلامهاا يا ويلكم لو قد اشتكت مرة ثانية
فيراس يناظر انايا :طيب
ادهم :يالله بسرعة تحرك
فيراس مشى وهو ينادي الباقي عشان ينظفون
ادهم :لو ما سمعو كلامتس كلميني ويا ويلهم مني
انايا ابتسمت :ابشر ما طلبت
ادهم ابتسم ومشى
وانايا عضت يدها وهي تقول يويليي يجنن يخافون مننه يويلي نفس ابو شهاب
سمعت صوت سالم ينادي وكشرت وهي تقول ما يخلون الواحد يرتااح ويعيش جوه
راحت وهي تقول :هلا وش بغييت
سالم مد لها الدلة :يالله بسرعة جا ادهم وبيجي منير واخوانه
انايا اخذت منه وهي بتنجلط منهم
راحت المطبخ وهي تتحلطم
وصلو البيت والهنوف ماسكة جمان وساندتها على نفسها نزلو ودخلو لداخل وقعدت جمان فوق السرير
الهنوف:مرتاحة كذا اجيب لتس مخدة؟
جمان:لا لا يروحي زين كذا
الهنوف قعدت جنبها وهي تقول :جعله فيني ولا فيتس
جمان:يا قلبي انتي
الهنوف :ما بنسى الي سويتيه معي لين اموت الي سويتيه محدن يسويه لرفيقه بهالزمن
جمان شدت بكتفها :الي سويته قليل عليك
الهنوف ابتسمت
قطع عليه صوت محمد من برا ينادي
جمان كشرت :تكفين احس مو طايقته
الهنوف :حرام عليتس ما به شي ليه ما تطيقينه
جمان رفعت حاجبها :عشتو اشلون ما به شي هاذا جاي ياخذك يرجعك الديرة
الهنوف :بس مو هو برضاه جا هم الي رسلوه غصب عنه
جمان :ايه ايه
الهنوف تقوم :انا قايمة اشوف وش يبي
محمد :ياهوو ما تسمعونيي
جت الهنوف :نعمم خير وش بغيت
محمد :حيبي لي كاسة موية
الهنوف :وصرنا نخدمك بعد؟
محمد :البيت غريب علي وخويتس مريضة من مين اطلب يعني غيرتس
الهنوف تروح المطبخ :طيب طيب
محمد :ومتى بتطيب خويتس ونرجع الديرة؟
الهنوف قالت بسرعة :يختي لا طابت رحنا ليه مستعجلل
محمد :زيين يومين وبنرجع
الهنوف تنهدت لانها تكره ذا السيرة مدت له كاسة الموية :تفضل
محمد ناظر لعيونها الي يوضح له شكثر هي ما تبي ترجع والخوف واضح بعيونها من ابوها قال :خايفة؟
الهنوف رفعت نظرها له وناظرت لعيونه :يهمك؟
محمد :يمهني اكيد انتي امانة عندي وما برتاح لين ترجعي بيتس سالمة غانمة
الهنوف ضحكت بخفة :حتى ولو وصلت سالمة غانمة تتوقع ابوي يخليني؟ ابصم لك بالعشرة انه ثاني يوم نوصل بتسمع انه الهنوف ماتت
محمد ناظر لعيونها قد ايش تشرح كمية الخوف الي فيها
الهنوف :انت ما تعرف ابوي يا محمد والله ما تعرفه كبرني وهو زارع الخوف بقلبي منه عشت وكبرت وانا اناظر للاباء كيف يعاملون بناتهم وانا ابوي ما قد عمري قلي كلمة حلوةة يا من ناداني بصراخ ويا من صحاني ب كف انا بنيت نفسي بنفسي بدون اهلي وهربت عشان ابني نفسي اكثر وما اكون بحاجة احد بحياتيي اكون مستقلةة وبعيدة عنهم لأنه صدقني عدمهم مثل وجودهم
محمد انصدم من كلامها ما توقع ابد انها مرت بكل ذا لحد الحين كان لليوم يلومها انها هي الغلطانة لانها هربت بس اسباب هروبها غير نظرته لها وهي مو غلطانة وحقها تعيش حياتها بعيد عنهم بس هي تدري وهو يدري مستحيل يخلونها بحاالها وإن رجعت يا مصيرها الموت يا الحبس فبيت ابوها
حطت الكاسة فوق الرخام ومشيت
ومحمد وقف بمكانه ساكت ما بين كلمته الي عطاه لابو زين وبين الهنوف
أنت تقرأ
من حضرتك عشان قلبي تذله
Randomخمس خوات يموت ابوهم ويزوجهم عمهم كل وحدة يزوجها شخص اسوء من الثاني ويطيح حظ بطلتنا عند واحد متزوج ما بغى يتزوجها الا لانه شافها دخلت المجلس وهي تصارخ على عمها وتهدده انها بتذبح نفسها لو يزوج خواتها لا تحكم على الرواية من غلافها ادخل وغوص في اعماقها...
