ذراري الهجرس

الفصل الثالث

الفصل الثالث..

"يا لَيتني أحضَى بملمسِ خدِّهَا
أو قبلةً في اليدِ تنتشلُ السوادْ
أو لَيتني أُمسي أميرَ مَنامِهَا
أو لَيتني جُندي أقُود لهَا الجَوادْ"

قبل القرائة تصويت للقصة 🥺🍁

*********************************

🍁

فتحته جان اسمع صوت شفع يهمس : طبي

جرني من ايدي وخلاني بمكاني سمعت صوت خطواته طلعت من الغرفه تمددت بمكاني من البرد احس عظامي تجمدت خاصه احنه وسط زرع فلبرد صاير مضعف هنا حسيت بصداع من الخوف

غمضت عيوني وغفيت كمت من سمعت صوت بل غرفه شميت الريحه الحمدالله لشفع

كتله : شفع كتلنا ساعتين وانكلبو الساعتين ليوم ماكلت راح يكتلونا بهل الجوله الي جبتنا الها

شفع : لعد منو جان يريد يطير لهنا البارحه

تنهدت ساكته : شسوي بل مكان واني ماشوفه

سمعته هم تنهد بحسره : فتره ويرجع بصرج اجيبج لهنا مره ثانيه

ابتسمت : اذا رجع اخليك تفررني كل يوم

خله ايده على راسي : من عيوني افررج وين ما تردي

هزيت راسي تلسمت يمي نافله بعدها نايمة هزيت ايدي : هاي لو خطفونا هم مايصير عدها خبر

ضحك : لا خطية عوفيها تعبت البارحه

: شفع شناوي تسوي سمعت حجيكم فوك

سكت ورا شويه كال بتهديد : طيره اذا سمعت بيج مدخله بشغلي وداعه عيون امج احبسج بل غرفه واشوف يا *** يطلعج

رديت بسرعه : انته طلعني

رجع سكت وراها صاح بصوت عالي : بنت الجلب اني *** مو صوجج صوج الي كاعد يمج يحجي

راد يكوم لزمت ايده بقوه واني على لحظه انفجر من الضحك

صاح بيه : اضحكي ليش ضامته من انعل جدج وجه القندره

هنا طكيتها ضحكه من جد هو ميساعد كل دقيقة ذابله حجاية شكبرها تخليك تفطس من الضحك

صاح بيه : كافي انعل عشيرة امج الي مابيهم خير

رجعت اضحك كام هو هم يضحك وياي سمعنا صوت نافله : شصاير يمته جيت عمو

هزيت ايدي كتلها : مصاير شي رجعي نامي

مثل الما مصدكة كالت : اي والله مادام اجيت عمو اني انام عينك عليها هاي طكه ونص تطلع بنص الليل وتبلينا اني وياك

فتحت حلكي شفع كام يضحك بصوت عالي صحت بيها :.عابتلج حيوانه اني طكه ونص

ماطلع منها جواب صرت اتلمس بل كاع لكيتها متمدده و رايحه بسابع نومه