من حضرتك عشان قلبي تذله

_البارت 4

جويريا تذكرت سالفة خطبتها وقرصتها
نور تمسك مكان القرصة:اييي عورتييني وشبلااتس انتيي؟
جويريا:وش الي سمعته من اسيل هااه  صدق انتي بتتزوجين معاذ؟؟
نور ماسكة للحين مكان القرصة:اي اشفيهاا
جويريا :انتي صاحيةة؟. لنفترض انه أذاتس وضربتس وما احترمتس وش تسوين بعدين اخبر هو مغروور اخاف عليتس منه
نور :انا ابيه لاني بروح معه المدينة
جويريا :من يومتس تيسةة
فجأة سمعو صوت الباب يندق بقوةة
نور :بسم الله منهو الي يدق الباب كذا
جويريا :شكله عنان ذا عرف اني طلعت من البيت
نور انفجعت:وشهوو؟؟طلعتي من البيت بدون اذذنه انتي منتي ب صاحيةة والله لا يذبحتس الحيين
جويريا تمشي عند الباب :نشوف وش يسوي
ونور منصدمة منها كيف طلعت بدون اذنه والاكثر خايفة عليها الحين وش يسوي فيها
واسيل جنبها
جويريا فتحت الباب وما خاب ظنها يوم شافته
مسكها من يدها:انتيي اشلوون تطلعين بدون اذني هااه
جويريا :اجل انتظرك تعطيني اذنك عشان اطلع اشوف خواتيي
عنان يسحبها:امشييي امشي للبيت يا الي ما تستحين على وجهتس
وركبها السيارة
لين ما وصلو البيت ونزلها بعنف وهو معصب انها ما سمعت كلامه وخالفته وطلعت
عنان يدفها لداخل :ادخليي يا الي ما تستحين على وجهتس يا الي ما تربيتي فبيت ابوتس
جويريا هنا وقفت قدامه وهي تكرره احد يجيب سيرة ابوها بالشين او يغلط على تربيته رفعت اصبعها بوجهه :تصوون لساانك وتحترم نفسك وما تجيب سيرة ابوي على لسانك فااهم
ام عنان جت من صراخهم وهي تشوف بناتها واقفين
وحنان توها نازلة 
عنان ضربها كف :تحترمين نفستس انتي لا جيتي تكلمين رجلتس فاهمة ولا لا، لا تكبرين راستس لاني عطيييتس وجهه
جويريا :لااا مو فااهمة واعلي صوتي بالشخص الي ابي وبالوقت الي ابيه انت مين اصلآ عشان احترمكك؟ هااه مين انت مو واحد الا تحسب الرجولة انك تضرب وتتعالى على حريييمك
عنان مسكها من يدها وجرها لغرفتها وسكر الباب عليها وهو يقول :بتقعدين هنااا لين تكبرين رااستس وتعقليين ويا وييل الي يفتح لها الباااب
كانو كلهم يناظرون وهم ساكتين لأنهم لو تكلمو عنان بيعصب عليهم بعد فالاحسن ينطمو كلهم

هيام كانت بالمطبخ خلصت من الطبخة ونادت لتميم وهي تقول جهز العشا بس ما سمعت له اي حس طلعت لصالة ما لقته
نادت بصوت عالي :تمييييم
سمعت صوت من وراها ولفت ناحية الصوت وهي تشوف غرفة من الغرف الي كانو  مقفلين مفتوح والنور مضوي تجمدت اطراف اصابعها وتذكرت كلام سعود ولفت وجهها عشان ترجع بس ما قدرت تتحاهل وقوت نفسها و  بلعت ريقها بخووف
وتقدمت خطوات  وهي خايفة وترجفف
وصلت عند الباب بخطوات ثقييلة بس
تفاجئت يوم شافت تميم قاعد هناك وكنه يبكي
وقفت بمكانها لوهلة تستوعب وبعدها دخلت الغرفة ومشيت عنده بخطوات هادئة وجلست جنبه وهي تحط يدها بكتفه شافته ضام جلابية والواضح ترجع لامه
يبكي من كل قلبه وهو كله شوق لامه الي فقدها من زمان
هيام تقطع قلبها عليه وضمته لصدرها وهي  تبكي معه
الانسان الي تزوجته انسان بريء وكله حزن و وحدة ما تدري لييه اصلآ ظنت فيه اشياء مو موجودة فييه صدمت فيه انه احسن من غيره بكثيير
تحمد ربها انه تميم طلع من نصيبها وهي تدعي انه ربي يحميه من كل شر ويخليه لها ويوم عن يوم تكتشف فيه شيء جديد هو كنه طفل صغيير تعاقب على ذنب ما سواه
تميم قال بنبرة كلها حزن :اشتقت للغالية يا هيامم قلبيي وحييد ليته يدارون عن الوجع الي بقلبي والله كان يهون عليهم كل شيء، احتريها كل ليل تجي وتغطيني من البرد وتمسح على وجهي و تدافع عني وتقول ولدي مهووب قااتل ولدي برييء احتاجهااا يا هيامم احتاجها قسم بالله احتاجهاا لو اني مو يتيم كان وراي جدار يخافونه ويهابونه بس محد وراي غير سعود عشان كذا تهجمو عليي والله يا هيام اني مقدر اذبح نملة كيف لي اذبح انسان انا تعباان  والله العظييم تعبااان ،،احس ب نار داخل قلبيي انا وحييد والله انيي تعباان ماني زين لييه ظلموني كذاا حرام عليهمم والله اني مظلووم
كانت هيام تبكي معه بكل كلمه يقوله تنزل دمعة منه واضح الصدق والجرح بعيونه من بكائه
تميم :نهاار كاملل من الكبرياء يا هيام  تهزمه ذكرى من رويحة الجنة تعبت وانا امثل القوةة انا فاقد لي ضلووع ومابي افقد اخر ضلوعي تكفين قولي لهم اني مب قاتل قوليلهم اني بريء قوليلهم تميم مظلووم والله مظلووم والله شعور الظلم يووجع يا هيام يووجعع القلب ويحرقه ويدمرره كلهم ضديي محد واقف معيي كل هاذا صار لاني ساعدت حمدد وما تركته وحدهه ما طاوعني قلبي اتركه واهربب للاسف القلب الطيب دايم حظه قليل
هيام شدت عليه تحضنه وهي قلبها متقطع عليه
وتبكي معه