A Love Of A Heartless (GXG) ✔

Chapter 2

Krista San Jose

Habang busy ako rito sa desk ko para mag-encode ng mga reports ay biglang may naglapag ng paper bag dito sa gilid ng table ko. Napatingala ako at nagtama ang mga tingin namin ni Max. Nakatayo siya rito sa tabi ko.

"Ano 'to?"

Binuklat ko ang kulay brown na paper bag at saka sinilip ang laman.

"Binilhan kita ng sunflower seeds, squirrel."

"Ano ba, sinabihan na kita na ayokong tinatawag mo akong squirrel, naiinis ako sayo."

"Hilig mo kasi sa mga buto. Tama lang sayo na tawaging squirrel."

"Isa pa! Makikita mo!"

Tatawa-tawa siya sa pagbabanta ko.

Magkatabi ang desk namin, kaya siguro naging close kami dahil mula nagkasama kami sa trabaho ay lagi kaming magkadikit. Kinuha ko itong binili niyang sunflower seeds at nilagay dito sa loob bag ko. Kakainin ko 'to mamayang gabi habang nanunood ng movie.

"May date ba kayo ni Barney?"

Pasimple talaga siya kung mang asar.

"Barry ang pangalan ng bf ko. Sira-ulo!"

"Barney hulk!" aniya habang natatawa. Napakagaling talaga niyang mang-asar.

"Sige tawa pa. Ikaw lang ang natatawa sa joke mo."

Pero sa totoo lang natatawa rin ako sa 'barney hulk' na yan, ayoko lang ipahalata sa kanya. Umupo siya sa swivel chair saka niya pinadausdos ang mga gulong nito para mapalapit sa akin.

"Labas tayo mamaya, libre kita ng samgyupsal."

"Baka magkita kami ni Barry."

"Sabihin mo over time ka, dali na."

"Wala ba kayong date ni Ria?"

"Wala, kaya nga lalabas tayo. Inom tayo ng soju."

Nag-isip ako saglit.

"Sige na nga."ang bilis kong magdesisyon lalo na kapag libre.

"Good decision na sumama ka sa akin."

Pagkatapos ng trabaho diretso agad kami rito sa samgyupsal restaurant. Nag order na kami at ilang saglit pa ay sinerve na ang mga orders namin. Siya ang nakatoka sa pag iihaw ng mga karne, ako naman ang taga gunting at taga lagay ng soju sa baso niya. Ganito kaming dalawa kahit kami lang ang magkasama ay hindi kami nabobored sa isa't-isa.

"Naku tumatawag si Ria. Sagutin ko lang."

Tumango ako at tumayo na siya. Lumabas siya ng restaurant kaya ako muna ang nag-ihaw. Mga five-minutes din bago siya nakabalik.

"Max, ayos ka lang?"

"Pinapapunta ako sa bahay niya, ang sabi ko nagdi-dinner ako kasama ang nanay ko."

"Aba! Wow naman! Nanay talaga?! Ako nanay mo ganon?"

Kinurot ko nga siya! Tatawa tawa siya habang hinihimas yong tagiliran niya na kinurot ko.

"Ang sakit naman ng kurot mo."

"Ang sama kasi ng ugali mo."

"Kapag sinabi kong kasama ko ang kaibigan ko magmamaktol 'yon. Pipilitin ako na puntahan siya, sayang naman yong unlimited food dito kung hindi natin masusulit."

"Oh sige na nga anak kumain ka na."biro ko.

Mas lalo siyang natawa, bigla ba naman niya akong inakbayan sabay subo sa akin ng letuce. Pareho kaming natatawa habang kumakain. Tipsy kami pagkatapos namin magsamgyup.