وهم الوجوه

الحلقة الرابعة عشر

_ الحمدلله سيدي

_ ها راح طلعين

_ أي خلص دوامي

_ تحبين اوصلج اني هم طالع

_ لا تسلم سيدي عندي سيارة

_ ها تمام لعد انتبهي من طريق مو سوقين سريع ههه

_ ان شاء الله من رخصتك سيدي

حباب وفطير وحليوة بس مدري ماتقلبة دومة يوگفني ويسئل عني لطيف نگدر نگول

رجعت للبيت والرسالة بعدهي خط واحد منو هذا حيخبلني

مَر يوم طبيعي رحت لعمو صالح مشتاقتلة صحتة تعبانة اخذته للدكتور ردت اجيبة بيتي ماقبل الة بمكانة وفراشة اجت اختة الي بغداد يمة ضل رجعت للبيت بعد ما سئلتة اذا يحتاج شي خطية كبر وصحتة متعينة بعد

ثاني يوم بين الشغل والتعب صار كبالي و هوة يَدندن بصوتة العذب .. تايبيين تاايبين لا نمررر مرة بدَربگم .. حَالفيين مانرد يوم اعلى حبكم

غلطة مرررَت وانتهت وشَمعة البيييت نطُفتت تاايبيين يووولي تاايبن

انتبه عليه واكفة واتسمعلة _ هاا جنة صوتي عجبج

_ لاا ووين مو كلش حلوو بس أحب الأغنية وسمعتها

_ ليش بيمن ذكرج

_ مو شرط ذگرني بشيئ معين مجرد احبها

_ هيج اغاني اغلب الناس يسمعوها لانها ذكرهم بشي معقولة ماعندج ذگريات بيها

_ شقصدك ذكريات من اي ناحية

_ اممم عاطفية مثلا

_ لا أبد

_ شوو بسرعة لا أبد يعني أبد ماحابة بحياتج

_ شي ميخصك

_ ليش دومج خبيثة صار كم سنة اعرفج وبعدج ع طبعج المغرور وشايفة روحج هسه لو بيج شوفة نكول اي

_ كم سنة ؟؟ هه هسه اوك اني شايفة عندك شي يمي

_ اعتقد المفروض تعدلين إسلوبج وياي احتراماً للرتبة هاي اولاً ثانياً كبرتي يعني مو أصيل الزعطوطة التمشي ومشوف بعيونها إسلوبج غيري شووية كبري بابا

_ نعممم واني اتعلم منك الأحترام والأسلوب استاذ قيصر ؟اذا منتبه ترة اني هنا دائدي واجبي واكمل شغلي حضرتك الي بكُل فرصة شوفني توگفني اليسمعك قبل جنت ثاردة وياك وماادري

_ حيييل تذكرين ثريدج السويتي سم علية فلا انسى

_ اي احسلك لتنسى حتى تكرهني بگُل مرة

_ لا حشىٰ ليش اگرهچ أنغث اي بَس ما اگرهچ اني تعرفين ليش

_ ميهمني ولا رايدة اعرف

_ مغرورة

حجاها بعصبية واني درت وجهي عنى وكملت طريقي وكلعادة شغل هوواي كملت وباقي توقيع وختم اندكت الباب صاحت دعاء _ تفضل