أسيرة2014

محمد

بعد الرحيل كل شيء أصبح يمر ببطء، الدّقائق ساكنة والساعات واقفة أما الثواني فجارحة تكاد تحرقني.

حب أن أناديك، وأنتظر سماع صوتك، وكأنك ستجيب ليس يأساً، ولا جنوناً لكني أحب أن أعيش حياة أنت فيها وكأنك موجود رحمك الله يا قلباً لن يحبني مثله قلب.

لا أدري هل رماني القدر في طريقك لأكون السبب في نهاية حياتك، أم أنه رماك في طريقي لتزيد مِن عذابي وآلامي.

.....

فزيت بكل قوتي ومكملت كلامي باوعت على محمد وهو يباوعلي وفاتح عيونه
جنت اسمع بس صوت صفير بثانية أذاني صارن مايسمعن اي شي بطلت افهم واعرف شصار

..
..
..
..
.

اتكهربت وصرت مااحس بنفسي
حسيت تيهت الهوا
ومعرفت اجرها عدل لريتي
احساس خنكه  والدنيا ضيكه على اعيوني
مااعرف اتنفس عدل ودموعي تنزل وتفيض على خدي

اباوع كدامي محمد واكع على رجليه وصدره يعلى وينزل ياخد نفس بكوه  ويأن ..

مستوعبت اشجاي يصير بلضبط ...
الى جاي اشوفة دم بملابسه ..

وكعت من حيلي وبدون مااحس جنه رجليه بعد ماتحملني  و اذاني بس يصوفرن  احس قفلت عن الحياة جنت بعالم موازي حتى حسيت جاي انفصل عن الواقع واروح........

وكلبي ينبض بكل قوته حسيت الوحيد  الجان يتشغل بجسمي

بعد ثواني من انفصال عن الواقع معرفت اشلون نطقت

_م.حمد شن.و ص.رلك

خليت ايدي للكاع وأحاول ازحف وأوصل يمه
بعدني جاي اباوع عليه وازحف يمه.. اشوفه انهد حيلة وكع للكاع

بهدا هاهية كلت  كلبي راح يوكف ويخدلني

اتقربت يمه وهو بلكاع  ردت اشيل راسه علمود اباوع واستوعب وحسيته يرجف حيل والا شوية واشوفه  يكح دم

حسيت الحياة انطتني راجدي قوي حتى استوعب محمد انصاب... محمد عنده طلقة بصدرة  بعد متحملت صيحت باعلى صوت وبديت اصرخ وأملخ شعري

_ولييييي ولييي وليي تعالو شوفو مصيبتي يابوياااااااا لاااا لا تموت لااا اااااا كوم لخاطر ربك كوم بدونك نفس مااعرف اتنفسه كوم اخخخ كلبي خلصان ولله.  ... دكووووووم لاتشلع كلبيييييي

_حنين لا تصيحين حتى لو متت مااريدج تصيحين ل...

بلكوه نطق الحجاية ووكف... بعدها اتنفس وكمل كلامه