تكلمه ...
"""""""""""""""""""""""
((روزدا ))
صارت ساعة ٢ ضهر
امي ركضت ركض من سمعت صوت بابنا تندك جانت تصيح وتكول
اجى اجى ابني
ركضت وراها ووكفت بمكاني من طبو اربع زلم لابسين اسود وشكلهم مقزز وجانت بيهم ريحه عفن وفكر وجان كل واحد شايل رشاش بطوله وشكلهم يخوف كلش ... باوعت امي تكللهم
روزدا : هاا اخوية وين ابني
داعشي : لقد جلبنا لكم لحم
روزدا : اي احنا مو جوعانين اني اريد ابني
داعشي : كلو هدا ونحن سنجلب لكِ ابنكِ في المغرب
دبولنا اللحم وطلعو وامي كعدت يم الباب تبجي رحت اركض علمود اسد الباب واشيل امي
كامت امي وشالت اللحمه ودخلت للمطبخ جانت تلهي روحها بلطبخ لبين ماتصير المغرب
اخدت الجدرية وخلت عليها مي وبعدها اللحم وانتظرناها تستوي
واني دخلت للغرفة ارسم رسمه جديدة
""""""""""""""""""""""""""""""""""""""
((داليا))
فتحت اعيوني اشوف غواش حيل ماافهم وين اني وشجاي يصير بس اسمع صوت سيارة تمشي والدنيا ضلمه وصوت الاذان جاية من بعيد اتقويت روحي افتح اعيوني واغمضها بعدها اشوية اشوية خليت ايدي للكاع ارفع نفسي ولاكي واحد كاعد كدامي لابس بدلة عسكرية صيحت وكتله
داليا: وين اني وشصاير .. اريد مييي عطشانه اريد مي
عسكري : ماكو مي من توصلون للمستشفى ننطيكم
داليا : عفية بس اشوية ميي عطشانه
عسكري : لازم توصلين للمستشفى ويكشفون عليج اذا مابيج شي تشربين
بحجية استوعبت اكعد واكول سيارتنا انكلبت ومعرفت شصار
باوعت امي نايمه واخواني يبجون وهم يردون مي وخالي ماكو
عسكري : انكلبت سيارتكم بسبب طلقة من دواعش بس همزين جنتو قريبين على سيطرة كوردستان ومن شفناكم ركضنا نشيلكم بساع ونجيبكم يمنا
جنا بسيارة بيكب وعرفت خالي كاعد ويا السايق واحنا مع بيشمركه
"""""""""""""""""""""""""""""""""""""""""
((حنين ))
رجلي تأديني وجاي اتحمل فوك طاقتي واني طاقتي وتحملي خلصو.....
جنا بس نمشي و المسألة جانت (ياروح يارحان )
بكل قوتي احاول مااوكع من تعب (جاثية ) وابقى بنص الطريق وكل مرة اردد بداخلي تعبت ارجع اكول علمود محمد اتحمل لازم اسنده واحنا نكدر نكدر ...
ضلينا نمشي ساعات ونكول بلكت تخلص ونوصل لمكان بيها أمان بيها عساكرا بيها جنودنا
مشيت ومشيت
وماكو مجال اكعد واخد نفس لخمس دقائق جنت احس بكتمة ودوخة وجوع وجان كل الاعراض الضعف بيا والتعب يقرأ الف
بقينه على هذا الوضع يومين ...يومين بلبرد يومين تعب ونتحسر على لكمه لان خلص اكلنا واني حنت جايبه اشوية خيار وطماطة واشوية فستق بس خلصو و بعدها الناس جانو ينطونه بطيخ واشوية تمر جنا ناكل وجبة وحدة بليوم
وجنا نشرب مي بكد الخاشوكة كل ساعتين
ومااحجيلكم عن اليالي الباردة فوك الجبال
جانت البرودة بلعضم بحيث السنون يطكطك والشفة تكون ازرك وكل واحد يكعد ويلم روحه ويرجف ويحاول ينامله اشچم ساعة
وجان البرودة ينضاف لقائمة المعانات ،،،
أنت تقرأ
أسيرة2014
Romanceالعراق وهو من اكثر الدول الذي يزتنزف ارواح شعبه بكل الطرق ومنها الحروب .. حروب كدرت تخلف وراها ألاف من قصص ومنها قصة حنين الي راح تشرد من ايادي داعش ويا زوجها للجبال سنجار وهناك راح تبلش قصتها وألمها وشنو راح تشوف بعقبات حياتها ترقبوو ..
