نار الجليد 🥵🥶 ( مكتمله ) ❤

الفصل ٢٤

الفصل ال ٢٤ 💔
&&&&&&&&&&&&&&&&&&&&&&&&
في صباح اليوم التالي .. ذهبا عشق و نور الي قصر الديكتاتور ليرحب بهم نافع و اشرقت و بسمه و كان ادم سعيد بوجودهم و لكنه مازال خجل من عشق ...
اشرقت بمرح : ايه يا عرسان من ساعه ما اتجوزتوا محدش بقي يشوفكوا يعني
بسمه بضحك : يا ستي سبيهم يدلعوا و يروحوا و يجوا .. بكره الزمن يعدي و يقعدوا في وش بعض
ادم بحب : زهقتي مني يا بسمه حياتي ولا ايه ؟
بسمه بعشق : مقدرش ازهق من روحي ..
ابتسمت عشق لهذا العشق و نظرت لنور ليبتسم هو لها ايضا بحنان
دخل انور و بعده كرمن
انور : ايه يا عم المفجأءة الحلوة دي نورتوا
كرمن بفرحه : عشق اخيرا شوفتك
اشرقت بضحك : اه احكيلها اخر الاخبار
عشق بفضول : في ايه ؟
كرمن بتحمس : مش انا هفتتح البوتيك بكرة
عشق بحماس : بجد .. بس ازاي متقوليش ؟!
كرمن : كل ما اتصل بيكي يديني مشغول ملقتش فرصه اقولك بس كويس انك جيتي انهاردة
نافع : هو كويس فعلا علشان تيجي معانا الفرح
نور بتعجب : فرح مين ؟
نافع بوقار : فرح حد معرفه و موصيني اجيب العيله كلها
عشق بتعب : لا روحوا انتوا بقي انا حاسه اني تعبانه
بسمه بخضه : ليه مالك يا حبيبتي حاسه بايه ؟
عشق بأرهاق : مرهقه شويه شكلي واخده دور برد شديد شويه
ادم بسرعه : طب يلا بينا علي الدكتور
عشق : لا لا ملوش لزوم هقعد هنا اشرب حاجه سخنه عقبال ما تيجوا متقلقوش عليا لو جوعت هطلب اكل مش هغلب هههههه
بسمه بحنان : و ده ينفع بردة لا طبعا مقدرش اقعدك جعانه انا هشيلك اكل لبليل علشان لما تجوعي
اشرقت : اه و انا هقوم اعملك حاجه سخنه تشربيها
عشق : متتعبوش نفسكوا ...
اشرقت بمقاطعه : ولا تعب ولا حاجه دا انتوا نورتوا البيت كان مضلم من غيركوا
ابتسمت عشق لحنانهم الفياض

في المطبخ
اشرقت تقول لبسمه بهمس
اشرقت بهمس : بقولك ايه .. لتكونش البت حامل !
بسمه بتعجب : هما لحقوا يا شوشو دول يا دوب في الشهر التالت !
اشرقت : عادي انا اول ما اتجوزت حملت في نور و انور .. و بعد تلت شهور كمان ...
بسمه بأمل : تفتكري ؟!
اشرقت بأبتسامه : قلبي بيقولي انها حامل
بسمه بحماس : خلاص واحنا جايين من الفرح نجيب معانا الدكتورة ليلى تكشف عليها و نتأكد
اشرقت : تمام .. يلا نطلع الاكل و الشرب العيال شكلهم خاسس اوي باينهم مبيكلوش
بسمه : اه عندك حق .. بس عشق لو حامل لازم تاكل كتير ... يلا يلا خايفه يكون امل علي الفاضي

&&&&&&&&&&&&&&&&&&&&&&&&
صعد نور و عشق لغرفه نور ليرتاحوا قليلا
عشق بتعب : هتروح معاهم ؟
نور : بابا عايزني معاهم .. لو حابه اقعد معاكي في داهيه الفرح عادي
عشق بتعب : لا يا حبيبي اعمل انت الواجب انا اصلا هنام علشان حاسه اني مش قادرة اتنفس
نور بصرامه : انا هجيب معايا دكتورة و انا جاي علي فكرة و مفيش نقاش في الموضوع ده .. انتي بقالك يومين تعبانه جدا
عشق : مبحبش الدكاترة !
نور بحنان : معلش يا عشقي لازم نجيب دكتورة علشان تخفي
عشق بتنهد : امري لله .. هبقي اكمل روايتي عقبال ما تيجي
نور : بتقرأي ايه ؟
عشق : روايه اسمها ( مغنيه في الصعيد )

( احدي رواياتي 😂❤)

نور بتذكر : اه مش دي البنت المغنيه الي سافرت الصعيد ؟
عشق : اه انت تعرف الروايه ؟
نور بضحك : اه عارفها و حبيت مواقف كتير منها اوي .. عفويه عليا شبهك ... رقتها و نعومه كلامها زيك بالظبط .. بس في حاجه بتهيألي مختلفه شويه عنك ...
عشق : ايه هي بقي ؟
نور : عليا مش من النوع الي احبوا حاسسها ضعيفه و هي لوحدها ... انما انتي قويه اذا كان حد معاكي او لا .. هي تحسيها .... مش عارف بس ... حاسسها بتسامح بسرعه البرق فاهماني !
عشق بحب : عليا مش مهزقه يا نور .. عليا بتحب خالد علشان كده هي صابرة معاه
نور : يعني لو جه يوم من الايام و زعلتك مني .. هتسامحيني بسرعه ؟!
عشق بضحك : اولا انت مش هتزعلني .. ثانيا بقي لو زعلت منك فا ... ممكن اسامحك لما تصالحني ... بس طبعا الشئ الي يزيد عن حده ينقلب ضده
نور بضحك : فاهمك
عشق : نور ! ... هو انا لو جبت ولد و بنت هتحب مين اكتر ؟
نور : ايه السؤال المفاجأء ده ههههه ...
مسح نور علي رأسها ليقول بحنان
نور بحنان : هحب الاتنين علشان منك ... علشان انتي عشقي
عشق بحب : عليا النعمه بعشقك
نور بضحك : و انا بموت فيكي ... كفايه كده بقي علشان احنا مش في بيتنا
عشق بخجل : قليل الادب هههههه
&&&&&&&&&&&&&&&&&&&&&&&&
مر الوقت و تجهز الجميع للفرح و ذهبوا جميع
نور بهمس لعشق : هسبهم في نص الفرح كده و اجيلك متخافيش مش هسيبك لوحدك
عشق بأبتسامه : ربنا يخليك ليا انا فعلا مبحبش ابعد لوحدي بس هنام يعني لما تيجي صحيني
نور بقبله : من عيوني
قبلها بسرعه و ذهب معهم ... ابتسمت عشق لحنيه نور و دلاله لها و صعدت هي للغرفه لترتاح ....

مر ساعه و هي لم تنام
عشق بتعب : طب ما انا تعبانه ليه مش عارفه انااام اه يا رب الحقني ههئ
سمعت عشق طرق علي باب الغرفه
عشق بهمس : ده نور اكيد ... طب استني ليطلع حد تاني و هو نور هيخبط ليه ؟
قامت و ارتدت جلابيه طويله و بكم و ارتدت فوقها روب لانها كانت ترتدي قميص نوم و فتحت الباب
عشق بفرحه : نووو .... انور ؟!
زالت فرحتها بسرعه عندما رأته و هو بحاله لا يثري لها كان بغير وعيه ( من المخدرات )
عشق بخضه : انور ايه اللي عمل فيك كده ؟
انور بتخريف : كرمن .. انا بحبك .. و عايزك ليا ..
عشق : انا عشق يا انور .. روح اوضتك لحد ما تفوق
جائت لتغلق الباب و لكنه فتحه بالقوة خافت عشق
عشق بخوف : انور فوق انت اتجننت !
انور بغير وعي : كرمن انا عايزك ليا انا بحبك
ركضت عشق لخارج الغرفه و نزلت علي الدرج .. ركض انور ورائها و هو يراها كرمن .. اوقفها علي الدرج فأفلتت نفسها منه فتدحرجت علي الدرج بأكمله و كانت تصرخ من الالم رأته يركض عليها فحملت علي نفسها و قامت خرجت من القصر لتري الامن بالخارج ركضت عليه
عشق بتعب شديد و بكاء : الحقني من فضلك انور شارب حاجه و عايز يتعدي عليا .. اتصل بنور بسرعه
الامن بسرعه اخذها وراء ظهرة عندما رأي انور ... جاء انور إليه فضربه حارس الامن .. جلست عشق علي كرسي و كانت تنذف
كان نور قد اقترب من القصر و عندما رأي عشق جالسه تنذف جن جنونه و كان بالفعل معه طبيبه دخل نور
نور بخضه : في ايه ؟!
حكا له الامن عما حدث و عشق تصرخ بألم ... اقترب نور من انور .... كان انور قد استعاد وعيه قليلا و كان خائف جدا من نور ... ضربه نور بقوة جعل وجه ينذف .. امسكه من ياقه قميصه
نور بغضب اعمي : مراتي يا انور .. بتقرب من مراتي ....
و ضربه ضربه جعلته يفقد وعيه تماما .. ركض نور علي عشق و حملها ليدخلها الي القصر ركضت ورائهم الطبيبه لتكشف علي عشق ...
و بعد مده
الطبيبه بأسي : انا اسفه بس المدام .......

&&&&&&&&&&&&&&&&&&&&&&&
متنسوش التصويت بليز و قولولي رأيكوا 🥺🙈🌚