ذراري الهجرس

الفصل الاول

نبدأ بسم الله بقصتي الثانية ذراري الهجرس ارجو متابعة والتصويت على البارتات لمتابعة نشر القصة
اتمنى لكم حسن القراءة... زينب أنمار 🌼🌼

اتمنى تصويت على بارتات القصة قبل لاتبدون وعلقوا بين الفقرات اشوف ارائكم الحلوة 🤭❤️

*****************

الفصل الاول...

بقلمي : زينب أنمار ✨

شمس بين شروق وغروب تحاول إشراق روحي وارجاع نهاري لكن كيف الرجوع وقد غادرني النور ومسني الليل بظلامه

انتضري يا أيتها النور فأنا مغادرة لنلتقي بخلاصنا

٠٠٠٠٠

اصوات تزعجني مامعروف منو مصدرها حجي وضحكات تنرفزني تنهدت وصحت : نزلووو جووه

سمعت صوت خطوات اجت يمي و لزمت ايدي ضغطت عليها ثلاث مرات معناتها نافله واكو شخص يمها

جريت ايدي منها مامهتمة : شكوو هل الصوت خل يولون جوه

: سكتيها لا يجي طوفان يطيح حظنا

نافلة : شسويلها وجدان خوما اربط حلكها

وجدان : ياريت لو تسويها

ردت عليها نافلة باستهزاء : اي حتى يجي طوفان يشك حلكي

اجه صوت تأففها : حليها وتعالي عندي شغل وياويلج لو يطلع صوتها اكول لطوفان انتي السبب

سدت الباب بقوه تنهدت نافله ونهرتني بصوت ناصي : طيره شتسوين ليش تصيحين ماتسمعين صوت طوفان شلون يرعد

: انعل ابو طوفان وصوته نافله راسي يوجعني والصوت يزعجني هذول الساقطات شيسون هنا مو شغلهم جوه ليش صاعدات

همست بسرعه : اشش معلينا شيسوون مايسوون يطبهم طوب هسه ورا مااجيب الاكل اجي يمج ونقفل الباب علما يخلص طوفان شغلة

رفعت راسي الها : لعد انطيني مهدئ راسي راح يطك

ضربتني على جتفي ناهرتني : تنجبين لا اكسر راسج شنو مهدئ بعد ماتاخذين منه

لزمت راسي وصيحت : لعددد سكتييييهم

لزمت حلكي بسرعه وحدت بصوت يرجف : اشش ولج هسه يجيلنا طوفان يطيح حظنا اسكتي هسه راح اجيلج واجيب براسيتول وياي بس لاتصيحين

هزيت راسي عافت حلكي وسمعت صوت خطواتها تطلع وسدت الباب وراها انداريت لمخدتي وطلعت حبوب منها اخذت وحده رجعتها راسا وتمددت الاصوات تزيد ماتقل ضحكات تعلى صوت اغاني وياه

ورا دقايق انفتح الباب بقوه عرفت مو نافله من الريحه الي طغت بل غرفة اجه بسرعه وشالني من شعري

اجه صوته هو : انتي مصيحه على وجدان وكايلتلها تجيبلج مهدئات

عرفت وجدان رايحه مجذبه يمه فاختاريت السكوت بدون ماارد علي