إمرأة بلا وطن

البارت السابع

صباح الخير
*********★********★*****

شعاتب صاحبي المايسوة العتاب
وبعد يا وكفة من عندة التجيني
بين معدنة الجنت اني ازامط بي
حجي لسان وطلع بلخوة صيني

*******★*******★*******

مصعب

مامصدك عيوني هاي زمرده زمردتي ...شصاير بيها ...بس بعدها البراءة مبينه بوجهها الملائكي.....

دفعت الباب وام سامر تصيح وتحجي ...

فتحتلها ايدي ...

زمرد_مامستوعبة حلم لو حقيقة هذا مصعب ....اي هو حقيقي ...ركضتله واني دموعي تنزل ...ياااااروح اختك ...اروحلك فدوة

مصعب _وج اني الي اروحلج فدوة ....حضنتها بقوة واني ابوس براسها وهي تبوس بصدري وضامة راسها بصدري....

سمعنا صوت ورانا

فهد _منو انت .....

اندارينا علي وهو انصدم ....

فهد _مصعب ... ابن عمي ...هذا انت ...

تقرب يريد يحضنه مصعب رفع ايده يوكفه

مصعب _لو من صدك ابن عمك جان حميت اختي التصيربنت عمك يااحيف بس...

ام سامر _من وين لوين صار ابن عمك ...هو ابن زوجة عمك مو ابن عمك...

فهد _يووووم ..مصعب يضل ابن عمي ...سواء رضيتي اولا هو مسجل باسم عمي...

هي سكتت ومصعب باوعلها باستهزاء...

مصعب _شبيج عمة لو وجودي راح يسببلج مشاكل واني ماادري.....

هي صفرت ...وسكتت وصارت تتبلعم ...

فهد _حقك ابن عمي ...صدك احنا مو كفو ..بس كلما حجينا وكال مرتي ...وهي هم الله يسلمها ماتشتكي ...

زمرد _اذا شتكيت شجان يصيرفهد ...اني اكلك مصعب ...اذا اشتكي واروح لبيت واحد من عمامي ...يرجع سامر يقنعهم ...وهمه يرجعوني ...ومن ارجع تعرف شجان يسوي ...يموتني ضرب ...يخليني اتوسل شفت ايام سووده... عرفتو هسه ليش جنت انجب واسكت ...وانت فهد خلي الله بين عيونك كلكم مو جنتو تردون من واحد منك اذا انت او فرقد يصيحوني باسمي شجان يسوي بيه ...لعد ليش انتو متصيحوني باسمي....كلها تكلولي بنت عمي ...لان يعاقبني الي ...مو الكم ...لان اني حايط نصيص اله ولكل اهله ...فوك كل هذا اختك الله لايوفقها موتتلي ابني ...وهو خلاني عميه ...شدعي ررررربببي تعرف بكلبي شكد اهااااات اريد حقي ...

انداريت واشوف مصعب عيونه تجري .... وعمتي تخزرني لان فضحتهم ......

فهد _حقج بنت عمي ..احنا حرام نتسمى زلم اذا بعد بقيناج يم سامر

ام سامر _انجب لك لاتنطي باخوك ...لخاطر واحد مو من صلبكم ..

مصعب _انداريت عليها ...قسما بالله قسما بالله ان سمعتلج صوت او كلام موجه الي لو لاختي الاسرار الاعرفها من سنين والي صنتها راح تصير على لسان الكل وانتي تعرفين قصدي..