إمرأة بلا وطن

البارت السادس

زمرد

ميسم ضلت تواسيني ....وهي حالتها اسوء من حالتي لان رعد مامخابرها صار شكد وموبايله مغلق....صرنا نصبرارواحنا ....

غفينا ...وكعدت على دكة الباب ....كامت ميسم ولبست حجابها...وراحت فتحت الباب واني سويت روحي نايمة ...

ميسم _تفضل خوية ...
سامر _جيت اطمن عليها .....شلونها خو مابجت البارحة...

ميسم _ياروحي لحد ماغفت كضتها بجي ....مو سهلة خوية هي سقطت اكيد راح تنقهر من تشوف غيرها حامل...

سامر _خيتي هي تحجيلج كل شي ...ريحيني الله يريحج ...هي سقطت روحها لو احد دفعها ...

ميسم _مدام انت ممصدك راح اكولك شي ...هي بنت عمك يعني تعرفها من الصغر ..هي بيوم كدرت تأذي نملة حتى هسه تتهمها بهيج اتهام قتل النفس موقليل ياخوية وميسويها الا الميخاف من ربها ...

سامر _ممكن افوت ....

ميسم _اكيد من رخصتك اروح اسوي الريوك ...

فات ...وحسيت بي تقرب من ناحيتي تمدد عالجربايه ....صاار يمشي ايده على وجهي ...وهو تمدد بظهري ..

زمرد _شجابك ...مو المفروض هسه اداري بزوجتك ....

سامر _انتي هم زوجتي ومن واجبي اداريج لان مريضه..

زمرد _ههههههه ضحكتني ....هذا ابنك ببطنها يعني اغلى مني ...مثل ماكاطعتني لان تتهمني بقتل ابنك...يعني الطفل اعز مني ...

تقرب وخلى ايده على خصري ...ظهري لازك بصدره ...

سامر_ماكو شخص اعز منج يمي بهالدنيا ....حتى امي مااحبها كد مااحبج ...بس افهميني زمرده ....بالدوام ..يخابروني ..يكولون سقطت روحها ...ماصدكت بس من حجت تبارك هي صار صديقتج هالفترة ... شتدريني اسوي ...زين تبارك شنو مصلحتها ..

زمرد _مصلحتها ريام اختها وخافت عليها منك ...كالتلي ادري بيج ميسويلج شي ...يعني عادي جم كفخة خوما تموتني ....

اتنهد ...

سامر _تمام ..مادامج مصرة اوعدج ...راح اكشف الحقيقة ...

سكتت ...واني اتأمل يرجع مصعب باسرع وقت...واخلص من كل هالقهر ...

كام عني وطلع ...

شويه وجتي ميسم
ميسم _يلا يحلوة ...تعاي غسلي وجهج وخلي نطلع ...

كملت وطلعنا ...

رنا تسولف وياوهو يجاوبها ببرود ... خليت على وجهي ابتسامة

زمرد _صباح الخير

شفت سامر اندار وابتسم..

ام سامر _,هلا ...اكول زمرد شلون كضيتي الليل اكيد بجيتي مو ..لو بيج خير ماجان سقطتي روحج ..

رنا _ماادري شلون اجا من كلبج تكتلين روح بداخلج ....خلت ايدها على بطنها ...اني من دريت حامل كلت لو اموت مااخلي احد يأذي ابني..