إمرأة بلا وطن

البارت الخامس

بعد بيمن تامن خربت الناس
الضحك وياك يدعي اعليك بالشين
كبل جانت مرؤة وصدك وحساس
هسة الناس صارت عدهه وحهين
الصحبة مصالح
هذا الامر واضح
كلشي انشوفة بالعين

***************$************
زمرد

اجت ميسم وكعدت بغرفتي وطبعا سامر طلب من رنا تاخذ كل اعراضه من غرفتي وهي اجت. تاخذهن وتغني واني بداخلي نار مو حبا بسامر ناار ارد اخطط وانتقم منهم مااريد يحسون همه انتصرو عليه ...

رنا _انا لحبيبي وحبيبي الي ياعصفورة ريضة لابئا تسئلي ...اوووف يسموره ...واخيرا صفيت الي وخلصت من السحورة

زمرد _هههههههااااااي ..سمعي ميسوم سمعي منو تحجي عن السحورة ...ولج بابا لوماسحورتج سامر ميباوع بخلقتج الزبالة ...

تقربت مني ...وكفت ميسم كدامها ...

ميسم _ولي لااصيحلج سامر ...

رنا _وج اني اختج ...تبيعيني لخاطر وحده غريبة ...

ميسم _عاد شلون خوة والنع... من خوتنا ...

رنا _هين ميسم ان ماخليتج بحلك امي فلا اكون رنا ...
ميسم _اووو لزموني راح اموت من خوفي ...

اخذت اغراض سامر وطلعت ...كعدت عالجرباية بعد ما ميسم قفلت الباب ...
دموعي نزلت حقد ...

زمرد _ماشي ضلو ضلو احركو بيه لحد مااحركم ويايه ...

ميسم _زمرده. ....اني صح اجيت اساعدج بانتقامج ...بس صدكيني الانتقام مايفيدج ...برأيي صبري لحد مايجي مصعب وروحي لاتصيرين مثلهم عامليهم باصلج...

زمرد _مستحيل صار شكد اعاملهم باصلي ...مافاد اشو راح اصير حقيره وحقودة مثلهم ...هالدنيا صفت بس لهالشكولات واني لحد مااوصل للاريده راح تصير مثلهم ...وج كلها بجهه والسوتها ريام بجهه ...اني قررت ابلش بريام ...تبارك كالت سوت السوته لان رنا طلبت منها ...وهذا يدل على شغلتين ...ياما الهم مصلحة سويه ...يااما رنا لازمة عليها شي ...واحنا ياميسم لازم نعرف شنو السبب خلا ريام تنفذ الي تريده رنا...

ميسم _والله عاد رنا بنت امها كل شي يطلع منها .. والله يوفقنا ....واني راح اطلع وراح اضل افتر بيناتهم بلكي اعرف وافتهم...

زمرد _تمام ...

طلعت ميسم تجيبلي الريوك....رجعت وايدها فاضية. ..

ميسم _سامر يكول خلي تجي نتريك سوه

زمرد _اوووف يمته اخلص من خلقتهم ...حطيت حجابي ...ولبست المناظر ...وطلعنا وهي لازمتني ...

رحنا كعدنا ...ورنا تباوعلنا بخزرة ...

رنا _سامر من اخذت هدومك ضلت زمرد تسمعني حجي تكول عليه لو ما مسويه سحورة سامر ميقبل بزبالة مثلج تقبلها واني ماحاجيتها شي ...